Nepal (nepali : नेपाल [nepal]Nepāl ), täuz' oficialine nimi —Nepalan Federativine Demokratine Tazovaldkund (nepalan kelel : संघीय लोकतान्त्रिक गणतन्त्र नेपालSanghija Loktāntrik Ganatantra Nepāl ), om valdkundSuviazijas . Sen pälidn da kaikiš suremb lidn omKatmandu .
Nepal sijadase kaksiden kaikiš tihedašti elänzoittud maiden keskes mail'mas —Kitain daIndijan keskes.
Nepal om mägima, kaikiš korktemb valdkund mail'mas. Territorijan enamba kaht videndest sijadase korktusil 3000 m ü.m.t. da sen ülemb.
Valdkundan aluz om pandud vn 1768 25. päiväl sügüz'kud kuti Nepalan kunigahuz. Vn 2008 28. päiväl semendkud tedištoitihe tazovaldkundan ohjandusen formad Nepalas kunigahusen sijas.
Valdkundan ezmäine Konstitucii oli väges vspäi 1948. Nügüdläine seičemenz' lugul Konstitucii[ 2]
Nepalan topografine kart (2006) Valdkund om röunoišKitainke pohjoižes (röunan piduz — 1236 km),Indijanke suves (1690 km). Ühthine röunoiden piduz — 2926 km. Nepal om mererandatoi valdkund.
Nepalan reljef om mägikaz täuzin. Korktuz ližadab suvespäi pohjoižhe. Kaikiš korktemb čokkoim omDžomolungm -mägi, 8848 metrad valdmeren pindan päl. Kaikiš madalamb čokkoim omKančan Kalan , 70 metrad valdmeren pindan päl.
Territorii da sen klimat alajagasoiš vöihe korktusiden mödhe. Kuz' vöd oma:
suves —tropine (korktused 1200 metrhasai). Nece omGang -jogen alangišton pohjoižpala; sid'subtropine (1200..1900 m); mägidenven vö (1900..2800 m); vilu vö (3000..4000 m); al'pižed nitud (4000..5200 m);jän zon (5200..7000 m), igähiženlumen zon (7000 metrad da sen ülemba).Znamasine jogi omKarnal , kaikiš suremb järv omRar .
Londuseližed pävarad omavezi ,gidroenergii ,raudkivend ; toižed varad —vas'k ,kobal't ,cink ,kvarc ,mec .
Singha Durbar («Levan pert'kulu») om Nepalan ohjastusen ištundsijaKatmandus , semendku 2007 vai sen aigembaOhjandusen form om federativineparlamentine tazovaldkund äjiden partijoiden sistemanke. Valdkundan pämez' om prezident. Parlament valičeb prezidentad kudeks vodeks. Üks' varaprezident om hänele abhu. Parlament valičeb ohjastusen päministrad-ki.
Parlament om kaks'kodine Federaline parlament (nepali : संघीय संसद नेपाल Saṅghīya Sansada Nēpāla ). Üläkodi om Rahvahaline suim, mülütab 59 ühtnijad. Alakodi om Ezitajiden kodi 275 ühtnijanke.
Vn 2017 26. kül'mkud i 7. tal'vkud Nepalan valičendad mäniba valdkundan parlamentan alakodihe, vn 2018 7. päiväl uhokud — üläkodihe. Vn 2015 redukun 28. i 29. päivil prezidentan järgvaličendad oliba parlamentas,Bidhja Devi Bhandari sai vägestust (oti 327 änid 549:späi) da kändihe Nepalan ezmäižeks naižeks-prezidentaks. Ohjastusen päministr omKhadga Prasad Šarma Oli vn 2015 redukun 12. päiväspäi.
Kacu kirjutuz:Nepalan administrativiž-territorialine jagand .
Vspäi 2015 kaik seičeme agjad om valdkundas. Nomeruihe niid ende (agjad nomer 1..7), jäl'gmäine Koši Pradeš-agj sai nimitust vn 2023 keväz'kule.
Edel vn 2015 Konstitucijad Nepalas oli nell'toštkümne zonad-agjad, alajagatihe niid 75 ümbrikoks. Ühtenzoittihe zonoid vidhe statistižhe regionha: Keskregion, Päivnouzmaine, Päivlaskmaine, Keskpäivlaskmaine, Edahaine Päivlaskmaine.
Nepalas elädasnepalalaižed . Vl 2014 valdkundan ristitišt oli 30,986,975 eläjad. Ristitištos vaiše läz 14 % oma lidnoiden eläjad, no ližadab heiden palaha kaikuččen voden 3,5 %.
Mamankelen mödhe (2011):nepali — 44,6 %,maithali — 11,7 %,bhodžpuri — 6,0 %,tharu — 5,8 %,tamang — 5,1 %,nevar — 3,2 %,badžika — 3,0 %,magar — 3,0 %,doteli — 3,0 %,urdu — 2,6 %,avadhi — 1,9 %,limbu — 1,3 %,gurung — 1,2 %,baitadeli — 1,0 %, toižed keled — 6,4 %, märhapanendata — 0,2 %. Kaik om 123 mamankel't valdkundas.Anglijan kel' kävutase avaros opendusen da torguindan keleks.
Uskondan mödhe (2011):induistad — 81,3 %,buddistad — 9,0 %,islamanuskojad — 4,4 %,kirantad — 3,1 %,hristanuskojad — 1,4 %, toižed uskojad — 0,6 %, religijan märhapanendata — 0,2 %.
Toižed sured lidnad (enamba 100 tuh. ristituid vn 2011 rahvahanlugemižen mödhe[ 3] Biratnagar ,Pokhar ,Lalitpur (Patan ).
Nepal omgoll' šingotai industrialiž-agrarine valdkund, ei ole lujad rippundad irdpol'žes torguindaspäi. Vl 2023 valdkundan nominalinekogosüdäiprodukt oli 41 mlrd US$ ekvivalentas (102. sija mail'mas; US$1,316 ühtele hengele, 168nz') vai 160 mlrd US$ tazostadud ostmižmahtusen mödhe (85. sija; US$5,153 ühtele hengele, 154nz'). Radotomudenmär om znamasine (12,6 % vl 2022). Industrijan päsarakod oma sauvondmaterialiden pästand (cement, savič, londuseližed kived, džut), tekstiline (sidä kesken kourad), sömtegimišt (ris, sahar, void, tabaktegesed), turizm. Finansine voz' zavodiše 16. heinkud.
Kogosüdäiproduktan palad (vn 2022 andmused): maižanduz 24,5 %, tegimišt 13,7 %, holitišiden sfer 61,8 %. Radnikoiden järgenduz sarakoidme vl 2020: maižanduz 43,1 %, tegimišt 21,2 %, holitišiden sfer 35,7 %.
Valdkundan päeksport ommaplodud (14 %),raud dateraz lehthil, torvil da vanuimel (13 %),sobad (läz 12 %),lang villaspäi (11 %),kourad (8 %); toine eksport —kived (3 %),südäiveded (3 %),parfümerii damuil (3 %),čai (2 %),vas'k ,alüminii . Importan tavarad: kivivoin ümbriradmižen produktad (poltuz), mašinad i mašiništ, kuld, elektrotavarad, zelläd i medicinine mašiništ. Import ületi eksportad kümnehe kerdha 2023-24 finansižel vodel.Indii om päpartnöraks irdpol'žes torguindas (eksportan dai importan läz pol't),Kitai om importan znamasižeks partnöraks mugažo (kudendez).
Tobmuz Nepalan Prezidentan ofis (राष्ट्रपति भवन
Rastrapati Bhawan «Prezidentan pert'kulu»)
Katmandus , semendku 2011. Paloi norišton protestoiden aigan vn 2025 9. sügüz'kud
Federaližen parlamentan molembiden kodiden ištundoiden sijaduz, Katmandu, kezaku 2025. Paloi norišton protestoiden aigan vn 2025 9. sügüz'kud
Federaližiden azjoiden i sijaližen šingotesen ministruz, Katmandu, viluku 2014
Nepalan Ülembaine Käskuzkund, Katmandu, heinku 2017
Nepal Rastra Bank (NRB, keskuzbank), päfater Katmandus, sügüz'ku 2024
Nepalan Röunantagaižiden azjoiden ministruz, viluku 2022
Nepalan Nacionaline muzei pühän Svajambhu-kukhan pohjanno, Katmandu, keväz'ku 2012
Valdkundan tahod 
-070A4427.jpg)
.jpg)
