Movatterモバイル変換

Mine sisu juurde

Miluoki

Vajehta tarkendused

Vikipedii-späi

Miluoki
Milwaukee
Lidnanznam	Flag
Valdkund	Amerikan Ühtenzoittud Valdkundad
Eläjiden lugu (2020)	577,222 ristitud
Pind	250,75 km²

Pämez'	Kaval'je Džonson (tal'vku 2021—, Cavalier Johnson)
Telefonkod	+1−414
Aigvö	tal'velUTC−6, kezalUTC−5

Lidnan transportine kart (2014)

Miluoki (angl.:Milwaukee [mɪlˈwɔːki], sijaline [mɪˈlwɔːki]) omAÜV:oiden lidn da portSuril järvil, pohjoižesViskonsin-štatas. Se om štatan kaikiš suremb i valdkundan 31nz' lidn eläjiden lugun mödhe, Miluokin ümbrikon administrativine keskuz.

Istorii

[vajehta |vajehtada lähtetekst]

Ende ho-čank-, menomini-, foks-, maskuten-, sauk-, potavatomi- iodžibve-indejalaižed eliba neniš tahoiš. Evropalaižiden eländpunktan aluz om pandud Žak Vio-kanadalaižel vl 1795 kuti torguindžilo. Nimituz libub algonkinižes indejižesmillioke-sanaspäi i znamoičeb «čoma ma». Kaznu eländpunkt sai lidnan statusad vn 1846 31. päiväl vilukud, se om Miluokin alusenpanendan oficialine dat.

Miluoki šingotase tervhudenkaičendan aluzkundoil, finansižil fondoil, pästandkodil, mašinansauvomižel (kaivuztransportine mašiništ —Komatsu, akkumulätorad —Johnson Controls), sömtegimištol (oludtegimed). Neniden kompanijoiden päfaterad sijadasoiš lidnas:Northwestern Mutual (varmituz, rahapanendad),Manpower (personalan rekruting),Rockwell Automation (tegimišton avtomatizacii),Harley-Davidson (motociklad, aviapalad).

Geografijan andmused

[vajehta |vajehtada lähtetekst]

Lidn sijadase štatan suvipäivnouzmas,Mičigan-järven päivlaskmaižel randal, 188 m ü.m.t. keskmäižel korktusel. Nene koume joged ühthejokstas da lanktas järvhe: Menomoni, Kinnikinik i Miluoki. Matkad štatan administrativižesMadison-keskushesai om 124 km päivlaskmha. Lähembaine toine järed lidn omČikago 150 km suvhe.

Klimat omven kontinentaline. Voden keskmäine lämuz om +9,6 C°, kezakun-sügüz'kun +18,3..+22,9 C°, tal'vkun-uhokun −1,4..−4,4 C°. Ekstremumad oma −32 C° (viluku i uhoku) i +41 C° (heinku). Kezaaigan minimum om +1 C° (kezaku), tal'vaigan maksimum om +22 C° (uhoku). Paneb sadegid 878 mm vodes, enamba sulakus-eloku (86..111 mm kus), vähemba tal'vkus-uhokus (43..48 mm kus). Paneb lunt 124 sm tal'ves.

Tobmuz

[vajehta |vajehtada lähtetekst]

Lidnan sijaduz ümbrikos i valdkundas (2014)

Lidnan tobmuden pämez' om mer. Edeline mer om Tom Barrett (sulaku 2004 — tal'vku 2021).

Eläjad

[vajehta |vajehtada lähtetekst]

Vn 2010 AÜV:oiden rahvahanlugemižen mödhe lidnan eläjiden lugu oli 592 025 ristitud. Kaik 594 511 eläjad oli lidnas vl 2018. Kaikiš suremb ristitišt oli 741 324 eläjad vl 1960. Vspäi 2000 lidnan eläjiden lugu om stabiline. Läz kaht millionad ristituid elädas lidnaglomeracijas (33nz' surtte valdkundas).

Augotižlibundan mödhe (2010): afrikalaižed — 40,0 %, evropalaižed (ispanijalaižita) — 37,0 %, ispanijalaižed i latinoamerikalaižed — 17,3 %, azijalaižed — 3,5 %, toiženke augotižlibundanke — 2,2 %.

Transport

[vajehta |vajehtada lähtetekst]

Avtobusad i tramvain jono (vspäi 2018) oma kundaližeks transportaks lidnas. Avtobusad ühtenzoittas ezilidnoidenke da suridenke lidnoidenke. Om raudteühtenzoitust Čikagonke.

Rahvahidenkeskeine soda- da civilineMiluoki Mitčell-lendimport^[1] (MKE / KMKE, 6,1 mln passažiroid vl 2024) sijadase ühesas kilometras suvhe lidnan keskusespäi. Tehtas reisid AÜV:oiden äjihe surihe lidnoihe, om sezonreisidKankun-lebutahoze. Toine lendimport Lourens Timmermanan nimed (MWC / KMWC) om regionaline, sijadase kahesas kilometras lodeheze lidnan keskuzpalaspäi.

Galerei

[vajehta |vajehtada lähtetekst]

Lidnan tobmuden sauvuz (2022)
Riman katoline Ph. Josafatan päjumalanpert', vn 2011 nägu (om vaumitud vl 1901)
Miluokin azjaline keskuz vn 2024 tal'vkus
Miluokin čomamahtoine muzei (2013), projektiruiSant'jago Kalatrava
RahvahidenkeskeiženMiluoki Mitčell-lendimportan terminal vl 2023

Homaičendad

[vajehta |vajehtada lähtetekst]

↑Rahvahidenkeskeižen Miluoki-lendimportan Mitčell-jenaralan nimed sait (mitchellairport.com).(angl.)

Irdkosketused

[vajehta |vajehtada lähtetekst]

Miluoki Vikiaitas

	AÜV:oiden järedad lidnad
	Enamba 3 mln. eläjid	Los Andželes \|Nju Jork
	1—3 mln. eläjid	Čikago \|Dallas \|Filadel'fii \|Finiks \|Hjuston \|San Antonio \|San Diego \|San Hose
	750 tuh. eläjid — 1 mln.	Džeksonvill \|Fort Uert \|Indianapolis \|Kolumbus \|Ostin \|San Francisko \|Šarlott
	Enamba 500 tuh. eläjid	Al'bukerke \|Baltimor \|Boston \|Denver \|Detroit \|El' Paso \|Fresno \|Las Vegas \|Luisvill \|Memfis \|Miluoki \|Našvill \|Oklahoma Siti \|Portlend \|Sakramento \|Sietl \|Tuson \|Vašington

Om sadud "https://vep.wikipedia.org/w/index.php?title=Miluoki&oldid=174320"

[8]ページ先頭

©2009-2025 Movatter.jp