Movatterモバイル変換

[0]ホーム
URL:

Mine sisu juurde
Vikipedii
Eci

Kuveit

Vikipedii-späi
Tarbhaine lehtpol'/levitadud
Anglijankel'ne tarbhaine lehtpol'
Kuveitan Valdkund
دولة الكويت
(Davlat El' Kuveit)
 Flag
 Valdkundznam
PälidnEl' Kuveit
Eläjiden lugu (2018)2,916,467[1][2] ristitud
Pind17,818 km²
Kuveitan Valdkundدولة الكويت(Davlat El' Kuveit)
Kel'araban
Valdkundan pämez'Navaf Al' Ahmed Al' Džaber As Sabah
PäministrSabah Al' Halid As Sabah
Religiiislam,hristanuskond
ValütKuveitan dinar (د.ك, KD) (KWD)
Internet-domen.kw
Telefonkod+965
AigvöUTC+3

Kuveit (arab.: ٱلْكُوَيْتal-Kuwayt,El' Kuveit, persijan lahten araban virkand: [ɪl‿ɪkweːt] i [lɪkweːt]), täuz' oficialine nimitiuz —Kuveitan Valdkund (arab.: دَوْلَة ٱلْكُوَيْتDawla al-Kuwayt,Davlat El' Kuveit), om emirat-valdkundAzijan suvipäivlaskmpoles. Sen pälidn da kaikiš suremb lidn omEl' Kuveit.

Istorii

[vajehta |vajehtada lähtetekst]

Vn 1961 19. päiväl kezakud Kuveit tedištoiti ičeze ripmatomudesSures Britanijaspäi.

Valdkundan ezmäine Konstitucii om vahvištadud vl 1962, toine — vl 1980. Nügüdläine Konstitucii[3] om vn 1962 Konstitucijan udištadud versii, se om väges vspäi 1992 vajehtusita.

Geografijan andmused

[vajehta |vajehtada lähtetekst]
Kuveitan topografine kart (2007)

Kuveit om mavaldkundröunoišIrakan pohjoižes (röunoiden piduz — 240 km),Saudan Arabijanke suves (222 km). Ühthine röunoiden piduz madme — 462 km. Man päivlaskmaižed randad lainištabIndižen valdmerenPersijan laht. Randanpird — 499 km.

Kaikiš korktemb čokkoim om nimetoi taho 306 metrad valdmeren pindan päl Saudan Arabijan röunal läz Irakan röunad.

Londuseližed pävarad omakivivoi, toižed varad —londuseline gaz,kala,meriproduktad.

Tobmuz

[vajehta |vajehtada lähtetekst]
Bajan-pert'kulu om valdkundan emiran rezidencijaks i ohjastusen sijaduseks,El' Kuveit, viluku 2008

Ohjandusen form om unitarinekonstitucine monarhii. Monarh —Navaf Al' Ahmed Al' Džaber As Sabah-emir — om valdkundan pämez' vn 2020 sügüz'kun 29. päiväspäi, edeliženSabah IV-emiran (ohjasti vll 2006−2020) noremb vell'. Monarh paneb päministrad radsijha, voib pästta radmaspäi parlamentad miččel taht aigal.

Parlament om üks'kodine Nacionaline Suim (arab.: مجلس الأمةMadžlis Al' Umma), se mülütab 65 ühtnijad, kaik rahvaz valičeb 50 heišpäi nelläks vodeks, i päministr paneb radsijha vižtoštkümned ühtnijad-ministrad). Parlament vahvištab kronprincan (valdištmen jäl'gnikan).

Politižed partijad oma kel'don al, no sab säta blokoid kandidatoile valičendoiden aigan. Mehil da naižil oma ühtejiččed valičemižoiktused, toižiden arabižiden monarhijoiden erineden.Sabah Al' Halid As Sabah radab päministran vn 2019 kül'mkun 19. päiväspäi. Parlamentan ühtnijoiden edelstrokuižed valičendad oliba vn 2016 26. päiväl kül'mkud, järgenduseližed lindäs vn 2020 5. päiväl tal'vkud.

Administrativiž-territorialine jagand

[vajehta |vajehtada lähtetekst]

   Kacu kirjutuz:Kuveitan administrativiž-territorialine jagand.

Valdkund jagase kudeks agjaks (provincijaks,muhafaz:aks).

Eläjad

[vajehta |vajehtada lähtetekst]

Kuveitas elädaskuveitalaižed. Vl 2014 valdkundan eläjiden lugu oli 2,742,711 ristitud. Kuveitan Valdkundan statistikan radnikoičend lugi 4,420,110 eläjad ristitištos vl 2019, sidä kesken immigrantad läz 70 %.

Augotižlibundan mödhe (2018):kuveitalaižed — 30,4 %, toižedarabialaižed — 27,4 %, azijalaižed — 40,3 %, afrikalaižed — 1,0 %, toižen augotižlibundan — 0,9 %.

Uskondan mödhe (2013, immigrantoidenke):islamanuskojad (valdkundaline religii) — 74,6 %,hristanuskojad — 18,2 %, toižed uskojad i märhapanendata — 7,2 %.

Toižed järedad lidnad (enamba 100 tuh. ristituid vl 2011, kaik oma El' Kuveitan ezilidnad):Džalib Eš Šujuh,Es Salmii,El' Farvanii,Havalli,Khiten. Kaik eläjad oma lidnalaižed (2020).

Ižanduz

[vajehta |vajehtada lähtetekst]

Kuveit om elokaz šingotai industrialine valdkund, rippub irdpol'žes torguindaspäi lujas märas. Vl 2012kivivoi oti 94 % eksportad, toine omheretused. Vl 2024 valdkundan nominalinekogosüdäiprodukt oli 160,23 mlrd. US$ ekvivalentas (58. sija mail'mas; US$32,289 ühtele hengele, 37. sija) vai 249,25 mlrd. US$ tazostadud ostmižmahtusen mödhe (72. sija; US$51,200 ühtele hengele, 39. sija). Ei ole londuseližid arvoimižid maižandusen avaron šingotesen täht. Tulendad eksportaspäi ületadas mänetusid importan ostmižhe znamasižešti (läz pol'tošt kerdad), i rahapanend (investicijoiden menedžment) om valdkundan sureks sarakoks. Industrijan päsarakod oma kivivoin samine, kivivoinhimine, sauvond i sauvondmaterialiden pästand (cement ezikät), raudan metallurgii (terased), laivansauvomine i laivankohenduz, meriveden känduz reskvedeks, sömtegimišt. Finansine voz' zavodiše 1. sulakud.

Kogosüdäiproduktan palad (2022): maižanduz 0,4 %, tegimišt 57 %, holitišiden sfer 43,6 %.

Ei ole raudted valdkundas, avtoteiden kovanke krepindanke piduz om läz vit tuhad kilometrid.

Valdkundan eksport om toreh kivivoi i sen ümbriradmižen produktad, acikližed alkogolid, avtod i toižed likkuimed, kebnad astjad, ujujad libutimed, ujujad dokad, pohjansüvenijad astjad. Kuveitan importan tavarad oma söndtavarad, sauvondmaterialad, likkuimed da niiden palad, sobad. Irdpol'žen torguindan päižed partnörad omaKitai (Kuveitan eksportan 24 % i importan 16 %),Araban Ühtenzoittud Emiratad (Kuveitan importan 20 %),Indii (eksportan 15 %),Japonii (eksportan 9 % i importan 4 %),Suvikorei (eksportan 11 %),Saudan Arabii (importan 9 %),Taivan' (eksportan 7 %),Amerikan Ühtenzoittud Valdkundad (Kuveitan importan 7 %).

Galerei

[vajehta |vajehtada lähtetekst]
  • Valdkundan parlamentan sauvuz El' Kuveitas, reduku 2007
    Valdkundan parlamentan sauvuzEl' Kuveitas, reduku 2007
  • Kuveitan Keskuzbank, El' Kuveit, sügüz'ku 2024
    Kuveitan Keskuzbank, El' Kuveit, sügüz'ku 2024
  • Abdulla Al'-Salem-šeihan kul'turkeskuz, El' Kuveit, semendku 2025
    Abdulla Al'-Salem-šeihan kul'turkeskuz, El' Kuveit, semendku 2025

Homaičendad

[vajehta |vajehtada lähtetekst]
  1. ↑Kuveitan ristitišton lugun endustuz vn 2018 heinkus // Mail'man faktoiden kirj. —Cia.gov.(angl.)
  2. ↑Kuveitan Valdkundan statistikan radnikoičend lugi 4,437,590 eläjad ristitištos vl 2017, sidä kesken immigrantad ottas läz 70 %.
  3. ↑Kuveitan Konstitucijan tekstconstituteproject.org-saital.(angl.)

Irdkosketused

[vajehta |vajehtada lähtetekst]
Kuveit Vikiaitas


Azijan valdkundad
Azijan valdkundad
Azijan valdkundad
Afganistan |Araban Ühtenzoittud Emiratad (AÜE) |Armenii |Azerbaidžan1 |Bahrein |Bangladeš |Brunei |Butan |Egipt2 |Filippinad |Gruzii1 |Indii |Indonezii3 |Irak |Iran |Izrail' |Japonii |Jemen2 |Jordanii |Kambodž |Kazahstan1 |Katar |Kipr1 |Kirgizstan |Kitai |Korejan Rahvahaliž-Demokratine Tazovaldkund |Korejan Tazovaldkund |Kuveit |Laos |Livan |Malaizii |Mal'divan Sared |Mjanmar |Mongolii |Nepal |Oman |Pakistan |Päivnouzmaine Timor |Saudan Arabii |Singapur |Sirii |Šrilank |Tadžikistan |Tailand |Turkanma1 |Turkmenistan |Uzbekistan |Venäma1 |Vjetnam

1 OmEvropas mugažo.2 OmAfrikas mugažo.3 OmValdmerimaiš mugažo.

Om sadud "https://vep.wikipedia.org/w/index.php?title=Kuveit&oldid=181399"
Kategorijad:
Peittud kategorijad:
[8]ページ先頭
©2009-2026 Movatter.jp