Hahk kit (latin.:Eschrichtius robustus vaiEschrichtius gibbosus) omKitanvuiččiden infraheimkundan levitadud meriživat.Eschrichtiinae-alasugukundan üks'jäine eläb erik, kaks' tošt erikod oma kadonuded.
HeimonEschrichtius-nimituz om anttud danižen Daniel' Frederik Ešriht-londusentedomehen (1798−1863) muštoks.
Hahkad kitad elädasTünen valdmeren pohjoižpalan randištonno, tehtas sezonmigracijoid. Edel 17. voz'sadad eliba mugažo Pohjoižatlantikas i senBaltijan meres, no oliba kačusteldud i läksiba kuivman libundan tagut madaliden veziden sijiš.
Hahk kit pidase randištonno. Äikerdoičese madaloiš merilahtoiš. Se tegeb kaikiš pidembid sezonižid migracijoid imetaiživatoiden keskes, ujub 12..19 tuhad kilometrid vodes.
Nece kitan erik kaiči enamba pirdoid kuivman ezitatoišpäi.
Täuz'kaznuded oleskeldas kahesavoččes igäs. Vspäi 1949 oma kaičendan al. Piduz om 11..14,6 m ižoil i 12..15 m emil, mass — 15..35 tonnad.
- †Eschrichtius akishimaensis
- †Eschrichtius mysticetoides (nomen dubium-statusanke, toižin sanoin, oiged klassifikacii ei ole voimusine tähäsai)
