Gruš (latin.:Pyrus) om plodpuiden i penzhiden heimRozanvuiččed-sugukundaspäi. Lugetas enamba mi 30 erikod, kümne londuselišt gibridad, tuhad sortuid. Tipine erik ommecgruš (Pyrus communis), sortuiden enambuz om sadud sišpäi.
Grušan augotižlibund ei ole märitud tarkoikti, pu tuli istorijanedeližes aigaspäi. Kul'tiviruihe grušidAmuižes Grekanmas (nägub, otnuden kul'turha grušan kodima, läz tuha vot EME) iPersijas. Tetihe 38 sortudRimalaižes imperijas, no äjiden ploduiden magu ei olend luja, ka lugetihe golliden sömäks. Mainitase AmuiženVenän dokumentoiš 12. voz'sadaspäi. Hristanuskondan polenpidajad ei navet'koi grušad sidodud sihepaganusen kul'tan tagut, i telustiba kul'turpuiden levigandusele.
Mecgruš om levitadudEvropadme 60 gradushasai pohjoižlevedust, sen ühtes kazmuz om harv arealan pohjoižes.Ussurine gruš om pakaiženvastaine erik, kazvabEdahaižes Päivnouzmmas, Korejas, Kitain pohjoižpäivnouzmas.
Ištutadas mail'madme tropižes i venos vöiš. Om vaiše severt-se kommertižid sortuid. Vl 2016 kazvatusen lider oliKitai (mail'man tehmižen seičeme kümnendest vai 19,4 mln tonnoid), vl 2020 toižed järedad tegijad (500..600 tuhad tonnoid) olibaItalii,AÜV,Argentin,Turkanma.Venäma om grušan ploduiden ühteks päižiš importirujišpäi.
Ištutadas grušad ploduihe näht päpaloin. Kazvatadas erasid-se sortuid dekorativižikš vaiše, niiden keskenbonsaikš.
Ploduiden kožundan strok märičese küpsnendan harakteristikoil. Keskküpsnendan strokun plodud kaičesoiš lühüdaks aigaks, voib kaita möhäküpsnendan ploduid seičeme..kahesa kud.
Ottas pudmaterialaks, no kävutadas tegesid honusiš vaiše, hapneb kebnas nepsudespäi. Pu om vahv i notked, leiktase hüvin kivenvuiččiden stajiden olendan tagut. Tekstur om hen, voččed renghad sijadasoiš tazokeskustal. Tehtas penid tegesid i ottas kalližarvoižen pun vajehtuseks, ende tegihe formid paindud pränikoiden täht. Grušan erikod oma sezonižikš medenkandajikš.
- Pyrus boissieriana — Buassjen gruš
- Pyrus communis —Järgeline gruš, vai mecgruš, heimon tipine erik
- Pyrus elaeagrifolia
- Pyrus pyrifolia — Grušanlehtesine gruš
- Pyrus salicifolia — Raidanlehtesine gruš
- Pyrus spinosa
- Pyrus syriaca — Sirine gruš
- Pyrus taiwanensis — Taivanine gruš
- Pyrus ussuriensis — Ussurine gruš
- Gibridad
- Pyrus ×bretschneideri — Keskuzazijalaine gruš
- Pyrus ×nivalis [ =Pyrus communis ×Pyrus elaeagrifolia]
