Movatterモバイル変換

[0]ホーム
URL:

Mine sisu juurde
Vikipedii
Eci

Fukuok

Vikipedii-späi
Anglijankel'ne tarbhaine lehtpol'
Fukuok
福岡市
(Fukuoka-si)
 Lidnanznam
 Flag
ValdkundJaponii
Eläjiden lugu (2020-08-01)1,602,927 ristitud
Pind343,39 km²
Fukuok 福岡市 (Fukuoka-si)
Pämez'Soičiro Takašima
(tal'vku 2010—,
高島 宗一郎
Takashima Sōichirō)
Telefonkod+81-(0)92
AigvöUTC+9


Lidnan kart (2011)

Fukuok, oficialižikšFukuok-lidn (japonan kelel: 福岡市 [ɸɯ̥kɯokaꜜɕi], vepsän kirjamil:Fukuoka-si) omJaponijan lidn da portJaponijan meren suvipäivlaskmaižel randal (sijaline Genkai-meri). Se om valdkundan kudenz' lidn eläjiden lugun mödhe,Fukuokan prefekturan administrativine keskuz.Küšü-saren kaikiš suremb lidn, toine om lähineKitaküšü-lidn, kudambanke sädab lidnaglomeracijad.

Istorii

[vajehta |vajehtada lähtetekst]

Na-port (japon.: 那ノ津, 儺ノ津, なのつ) radoi nügüdläižen lidnan territorijal 6. voz'sadaspäi. Se oli «verajaks kontinentha», vedihe torguindad Kitainke i Korejanke, oigetihe sur'oigenuzid da torgovanoid. Nimitaškanzihe tahodHakat:aks 11. voz'sadaspäi. Kaks'kümnekilometrine sein kaks'-koume metrad kortte oli saudud mererandal vll 1276−1277 mongoližen londan jäl'ghe, rušihe vaiše 1930-nzil vozil. Hakat-nimituz om kaičenus raudtestancijan i portan nimes, lidnrajonas, kelen paginas.

Vl 1601 Kuroda-heimon pämez' sauvoi lidnust i nimiti sidä Fukuok:aks heimon kodiman mödhe Bidzen-agjas (nüg.Okajaman prefekturas). Vl 1889 lidn sai oficiališt statusad Fukuok-nimenke, sil-žo vodel raudte tuli lidnha. Panihe lidnha Küšü-regionan ohjandusen aluzkundad 1930-nzil vozil, hot' Fukuok oli penemb miNagasaki iKumamoto. Jagatihe lidnad seičemeks rajonaks vl 1972.

Fukuok šingotase Hakat-meriportal, holitišiden sferal, üläopendusen keskuseks (Küšün universitet, Fukuokan naižuniversitet, seičeme privatišt universitetad, kahesa profkolledžad). Peniden kompanijoiden äjuz abutab korporacijoile logistikan i korktoiden tehnologijoiden sferas. Jüged tegimišt radab lähižen Kitaküšü-lidnan ümbrištos. Fukuok om satusekahan rahvahidenkeskeižen mahtusen kodvindsija toižen Japonijan täht.

Geografijan andmused

[vajehta |vajehtada lähtetekst]
Lidnan sijaduz valdkundas vn 2010 kartal

Lidn sijadaseKüšü-saren pohjoižrandal, om ümbärtud korktoil mägil. Naka-jogi (Nakagava) jagab lidnan kahteks palaks: Hakat (torguindrajon) i Fukuok (administrativine i azjaline pala). MatkadTokiohosai om 1100 km päivnouzmha-pohjoižpäivnouzmha.

Klimat om valdmerensubtropine neps, pil'vekaz vodes läbi. Voden keskmäine lämuz om +17,3 C°, heinkun-elokun +27,4..+28,4 C°, kezakun +23,3 C°, sügüz'kun +24,7 C°, tal'vkun-uhokun +6,9..+9,1 C°. Absolütine minimum om −8,2 C° (uhoku), maksimum +38,3 C° (heinku-sügüz'ku). Hala i lumi oleskeldas tal'vel harvoin lujas, ei voi panda halad semendkus-redukus. Paneb sadegid 1687 mm vodes, sidä kesken enamba semendkus-sügüz'kus (134..299 mm kus), vähemba tal'vkus-uhokus (68..74 mm kus). Kun keskmäine relätivine nepsuz vajehtase 72..75 % röunoiš kezakus-sügüz'kus, 62..68 % toižiš kuiš.

Tobmuz

[vajehta |vajehtada lähtetekst]
Fukuokan administrativižed rajonad (2006)

Fukuok-lidn jagase seičemeks administrativižeks rajonaks (japon.: 区ku). Tüo-rajon (中央区, sinine) om administrativižeks keskuseks.

Eläjad

[vajehta |vajehtada lähtetekst]

Vl 1975 lidnan ristitišt ületi millionad. Vl 2005 lidnan eläjiden lugu oli 1 401 279 ristitud. Kaikiš suremb ristitišt om nügüd'. Verazmalaižiden lugumär ližadub teravamb mi Tokios eskai.

Transport

[vajehta |vajehtada lähtetekst]

Avtobusad da ezilidnelektrojonused oma kundaližeks transportaks lidnan südäimes. Vspäi 1981 metro radab lidnas (vspäi 2005 om koume jonod, 35 stancijad, 30 km ted).Hakat-stancii (om saudud tošti vodele 2011) sijadase Hakat-rajonas, se om augstancijaks «Sanjo Sinkansen»- i «Küšü Sinkansen»-kiruhraudteiden täht. Ehtatimed ühtenzoittas meriportad KorejanPusan-lidnan portanke.

Rahvahidenkeskeine soda- da civilineFukuok-lendimport[1] (ende Itadzuke-il'mbaz,FUK / RJFF, 24,8 mln passažiroid vl 2018) sijadase ani päivnouzmhaHakat-raudtestancijaspäi. Lendimportaspäi tehtas reisid Azijan äjihe surihe lidnoihe, AÜV:oihe (Guam,Gonolulu), tehtas sezonreisidHel'sinkihe, mugažo Japonijadme.

Homaičendad

[vajehta |vajehtada lähtetekst]
  1. ↑Rahvahidenkeskeižen Fukuok-lendimportan sait (fukuoka-airport.jp).(jap.)(angl.)(kit.)(kor.)

Irdkosketused

[vajehta |vajehtada lähtetekst]
Fukuok Vikiaitas
Om sadud "https://vep.wikipedia.org/w/index.php?title=Fukuok&oldid=173977"
Kategorijad:
Peittud kategorii:
[8]ページ先頭
©2009-2025 Movatter.jp