Movatterモバイル変換

[0]ホーム
URL:

Mine sisu juurde
Vikipedii
Eci

Bahrein

Vikipedii-späi
Tarbhaine lehtpol'/levitadud
Anglijankel'ne tarbhaine lehtpol'
Bahreinan Kunigahuz
البحرين
(Mamläkat al'-Baḥrein)
 Flag
 Valdkundznam
PälidnManam
Eläjiden lugu (2018)1,442,659[1] ristitud
Pind760 km²
Bahreinan Kunigahuzالبحرين(Mamläkat al'-Baḥrein)
Kel'araban
Valdkundan pämez'Hamad ibn Isa al'-Halifa
PäministrHalifa ibn Salman al'-Halifa
Religiiislam
Valütbahreinan dinar (BD) (BHD)
Internet-domen.bh
Telefonkod+973
AigvöUTC+3

Bahrein (arab.: البحرينal'-Baḥrein, sijaline virkand [æl bɑħˈreːn]), täuz' oficialine nimituz —Bahreinan Kunigahuz (arab.: مملكة البحرين [ˈmam.la.kat æl baħˈreːn]Mamläkat al'-Baḥrein), om pen' sar'hine valdkundAzijan suvipäivlaskmas. Sen pälidn da kaikiš suremb lidn omManam.

Se om kaikiš penemb arabine valdkund mail'mas.

Istorii

[vajehta |vajehtada lähtetekst]

Vn 1971 14. päiväl elokud Bahrein tedištoiti ripmatomudesSures Britanijaspäi.

Valdkundan ezmäine Konstitucii oli olmas vspäi 1973. Kahtenz' lugul Konstitucii[2] om vahvištadud vl 2002, se om väges voziden 2012 i 2017 vajehtusidenke.

Geografijan andmused

[vajehta |vajehtada lähtetekst]
Bahreinan topografine kart (2007)

Valdkund sijadase ühtennimižen sarišton Bahrein-sarel (territorijan koume nelländest) i 33 sarel siš ümbri,Indižen valdmerenPersijan lahten randal. Ühthine randanpird om 161 km.

Bahreinas om valdkundröunoid mertmeKataranke päivnouzmas daSaudan Arabijanke päivlaskmas. Röunoid kuivmadme ei ole. Valdkundan kaikiš suremb Bahrein-sar' om ühtenzoittud Saudan Arabijanke avtosildal kuz'toštkümnen kilometrad pitte.

Reljef om tazo. Letkesižed rahvahatomad mad oma enambuses. Jogid ei ole olmas. Reskveden purtked lähttas meren pohjaspäi. Kaikiš korktemb čokkoim omEd Duhan-mägi (134 m ü.m.t.) Bahrein-saren keskuzpalas. Mec otab 1 % territorijad (700 ga vl 2020).

Klimat om kuivtropine, lujas räk. Letetorokad oleldas kezakul-heinkul. Vilukun keskmäine lämuz om +17 C°, heinkun da elokun +33 C°. Paneb sadegid 90 mm vodes, kezakus-sügüz'kus ei oleskele niid.

Londuseližed varad omalonduseline gaz (sur' vara),kivivoi (kebn vara läz lopi, šoidkivi jäi),hel'm,mouckivi,letked,reskvezi,kala.

Politine sistem

[vajehta |vajehtada lähtetekst]
Bahreinan Tervhuden ministruz vn 2011 heinkus

Ohjandusen form om unitarine parlamentine konstitucinemonarhii. Valdkundan pämez' om kunigaz (arab.: ملك البحرينMalik Al' Bahrein, edel 2002. vot emir oli hänen sijas).

Parlament om kaks'kodine, kaikutte kodi mülütab nell'kümne ristitud. Üläkodi om Konsul'tativine Nevondkund (arab.: مجلس الشورىMadžlis Al' Šura), kunigaz paneb sen ühtnijoid radnikusele. Alakodi om Ezitajiden Kodi (arab.: مجلس النوابMadžlis Al' Nuvvab), kaik rahvaz valičeb heid nelläks vodeks.

Bahreinan kunigaz omHamad ibn Isa al'-Halifa; päministr omHalifa ibn Salman al'-Halifa.

Parlamentan alakodin ühtnijoiden järgenduseližed pävaličendad oliba vn 2018 24. päiväl kül'mkud i 1. päiväl tal'vkud.

Administrativiž-territorialine jagand

[vajehta |vajehtada lähtetekst]

   Kacu kirjutuz:Bahreinan administrativiž-territorialine jagand.

Vspäi 2014 Bahrein jagase nelläks agjaks (muhafaz:aks).

Eläjad

[vajehta |vajehtada lähtetekst]

Vl 2011 valdkundan eläjiden lugu oli 1,234,571 ristitud. Valdkundan kaikiš suremb ristitišt om nügüd'.

Bahreinas elädasbahreinalaižed. Vl 2010 hö otiba 46 % ristitištos, personad Azijan augotižlibundanke — 45,5 %, toižedarabialaižed — 4,7 %, afrikalaižed — 1,6 %, evropalaižed — 1 %, toižed rahvahad — 1,2 %. Ristitišton pol' oma immigrantoikš.

Uskondan mödhe (2017):islamanuskojad (oficialine religii) — 73,7 %,hristanuskojad — 9,3 %,judaistad — 0,1 %, toižed uskojad i religijatomad — 16,9 %.

Toižed znamasižed lidnad (enamba 50 tuh. ristituid vl 2017, surembaspäi penembha):Riff,Muharrak (oli pälidnaks vhesai 1923),Hamad,Avali. Vl 2017 kaik oli üks'toštkümne lidnad valdkundas, ned oma keskitadud sarišton pohjoižes palas, Manam-pälidnas ümbri.

Rahvahanižanduz

[vajehta |vajehtada lähtetekst]

Bahrein om šingotai elokaz industrialine valdkund. Ekonomikan hüvä olend rippub energokandajiden eksportaspäi lujas märas tähäsai, no ižandusen znamasine diversifikacii om tehtud. Vl 2024 valdkundan nominalinekogosüdäiprodukt oli 47,8 mlrd. US$ ekvivalentas (94. sija mail'mas; US$29,573 ühtele hengele, 40. sija) vai 105,6 mlrd. US$ tazostadud ostmižmahtusen mödhe (99. sija; US$65,345 ühtele hengele, 23. sija). Valdkundaline velg om sur' lujas, KSP:n 134 % surtte vl 2024. Industrijan päsarakod oma londuseližen gazan da kivivoin samine (KSP:n koumandez), kivivoin ümbriradmine, ofšorine islamine banking, järedoiden jügulaivoiden kohenduz, alüminijan tehmine, raudan pelletizacii, heretusiden pästand, varmituz, turizm. Läz täuz' varatoitmižmahtuz om olmas söndtavaroiden äjiden toižendoiden mödhe (fruktad, maplodud, pähkmed, meriproduktad, nižu, sötmižkul'turad živatoiden täht) kacmata valdkundan penehe territorijha. Finansine voz' zavodiše 1. vilukud.

Kogosüdäiproduktan palad (2023): maižanduz 0,3 %, tegimišt 44,5 %, holitišiden sfer 51,1 %. Radajiden järgenduz sektoroidme vl 2004: maižanduz 1 %, tegimišt 32 %, holitišiden sfer 67 %.

Vl 2012 Bahreinan päeksport olialüminii da sen tegesed (29 %),kivivoi (27 %),raudkivend da sen koncentratad (14 %),londuseline gaz (5 %); toine eksport — himižed substancijad (3 %),söm (3 %),sobad (1 %),kondicionerad (1 %). Importan tavarad (2022): toreh kivivoi, mašiništ, himižed substancijad, kuld, juvelirižed tegesed. Vl 2023 eksport ületi importad läz nelländeshe. Irdpol'žen torguindan päižed partnörad (2022) omaAraban Ühtenzoittud Emiratad (Bahreinan eksportan 10 % i importan 12 %),Saudan Arabii (Bahreinan eksportan 15 %),Kitai (importan 15 %),Indii (eksportan 4 % i importan 7 %),Amerikan Ühtenzoittud Valdkundad (eksportan 9 %),Brazilii (importan 9 %),Avstralii (importan 8 %),Japonii (Bahreinan eksportan 5 %).

Galerei

[vajehta |vajehtada lähtetekst]
  • Bahreinan kunigahan rezidencijan südäin Riff-lidnas (Riffan pert'kulu, keväz'ku 2011)
    Bahreinan kunigahan rezidencijan südäinRiff-lidnas (Riffan pert'kulu, keväz'ku 2011)
  • Al' Kudaibija-pert'kulu om Bahreinan päministran radinsijaks (Manam, reduku 2021)
    Al' Kudaibija-pert'kulu om Bahreinan päministran radinsijaks (Manam, reduku 2021)
  • Bahreinan Keskuzbank (Manam, viluku 2025)
    Bahreinan Keskuzbank (Manam, viluku 2025)
  • Bahreinan Sodamuzei Riff-lidnas, uhoku 2020
    Bahreinan Sodamuzei Riff-lidnas, uhoku 2020
  • Bahreinan Nacionaline stadion (Riff, kezaku 2005)
    Bahreinan Nacionaline stadion (Riff, kezaku 2005)
  • Bahreinan Nacionaline kirjišt Isa-šeihan kul'turkeskuses (Manam, tal'vku 2022)
    Bahreinan Nacionaline kirjišt Isa-šeihan kul'turkeskuses (Manam, tal'vku 2022)

Homaičendad

[vajehta |vajehtada lähtetekst]
  1. ↑Bahreinan ristitišton endustuz vn 2018 heinkus // Mail'man faktoiden kirj. —Cia.gov.(angl.)
  2. ↑Bahreinan Konstitucijan tekstconstituteproject.org-saital.(angl.)

Irdkosketused

[vajehta |vajehtada lähtetekst]
Bahrein Vikiaitas


Azijan valdkundad
Azijan valdkundad
Azijan valdkundad
Afganistan |Araban Ühtenzoittud Emiratad (AÜE) |Armenii |Azerbaidžan1 |Bahrein |Bangladeš |Brunei |Butan |Egipt2 |Filippinad |Gruzii1 |Indii |Indonezii3 |Irak |Iran |Izrail' |Japonii |Jemen2 |Jordanii |Kambodž |Kazahstan1 |Katar |Kipr1 |Kirgizstan |Kitai |Korejan Rahvahaliž-Demokratine Tazovaldkund |Korejan Tazovaldkund |Kuveit |Laos |Livan |Malaizii |Mal'divan Sared |Mjanmar |Mongolii |Nepal |Oman |Pakistan |Päivnouzmaine Timor |Saudan Arabii |Singapur |Sirii |Šrilank |Tadžikistan |Tailand |Turkanma1 |Turkmenistan |Uzbekistan |Venäma1 |Vjetnam

1 OmEvropas mugažo.2 OmAfrikas mugažo.3 OmValdmerimaiš mugažo.

Om sadud "https://vep.wikipedia.org/w/index.php?title=Bahrein&oldid=180481"
Kategorijad:
Peittud kategorijad:
[8]ページ先頭
©2009-2025 Movatter.jp