i-fo-da

arab. – anglatish, oʻrgatish; xabardor qilish; ifodalash, bayon qilish; koʻrsatma;

1. Bildiruvchi, aks ettiruvchi nutq birligi: soʻz, ibora, gan va b. ◆ Oʻqituvchi qisqaifodada koʻp fikr ayta bilish mahoratiga ega boʻlmogʻi lozim.R. Usmonov, „Odobnoma.“ ◆ Bu soʻz borligʻimning, butun qalbimningIfodasi boʻlib quyilar tilga.Zulfiya. ◆ Ifoda siqiqligi sheʼrda muhim masalalardandir."Yoshlik".

2. Aks ettiruvchi yoki mujassamlantiruvchi belgi, holat, ramz. ◆ Qardosh mamlakatlar adabiyoti va sanʼati dekadalari — xalqlar doʻstliginingifodasidir. ◆ Oʻzingiz bilasiz, — dedi Sidiqjon unga maʼyus nazar tashlab; uning bu qarashida cheksiz minnatdorchilikifodasi bor edi.A. Qahhor, „Qoʻshchinor chiroqlari.“ ◆ Chehrasiga qalqib chiqqan alamliifodani yashirishga urinib, burilib qaradi.Oʻ. Hoshimov, „Qalbinga quloq sol.“

3. Biror matematik bogʻlanishni bildiruvchi formula. ◆ Algebrikifoda. Pifagor teoremasining matematikifodasi. Ifodani yechmoq. _

Ifoda etmoq (yokiqilmoq) Soʻz, gan yoki boshqa vosita bilan bildirmoq, anglatmoq; ifodalamoq. ◆ Goʻyo u birgina soʻz va boqish bilan bu uyda va bu odamlar orasida kechirmoqqa majbur boʻldigʻi hayotining butun ogʻirliginiifoda qilmoqchi boʻldi.Oybek, „Tanlangan asarlar.“ ◆ Sidiqjonning yuzida iljayishga oʻxshagan, lekin hech qanday maʼnoniifoda etmagan bir narsa paydo boʻldi.A.Qahhor, „Qoʻshchinor chiroqlari.“

ИФОДА.Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

"https://uz.wiktionary.org/w/index.php?title=ifoda&oldid=628416" dan olindi

• Oʻzbek tili
• Oʻzbek tilining izohli lugʻati maʼlumotlaridan foydalanilgan maqolalar
• Oʻzbekchada arabchadan oʻzlashgan soʻzlar