Abel Makkonen Tesfaye (talaffuzi: Eybel Makkonen Tesfaye) (amh.አቤል መኮንን ተስፋዬ, 1990-yil 16-fevralda tugʻilgan) – kelib chiqishi efiopiyalik boʻlgankanadalikqoʻshiqchi,qoʻshiqnavis va musiqiyprodyuser[1][2].The Weeknd taxallusi ostida ijod qiladi. U oʻzining noanʼanaviy ijodi, retro uslublardan ustamona foydalana olishi vafaltset registridagi ovozi bilan mashhur.
Tesfaye 2009-yildaanonim ravishda qoʻshiqlar chiqarishni boshladi. XO ovoz yozish leybliga asos solganidan soʻng, u 2011-yildaHouse of Balloons,Thursday vaEchoes of Silence nomli uchta miksteypni chiqardi vazamonaviy hamda alternativ R&B ning oʻzaro aralashmasi sababli katta shuhrat qozondi. UTrilogy (2012) nomli toʻplam albomda oʻzining miksteyplarini qayta chiqarish uchun Republic Records leybli bilan shartnoma imzoladi va keyingi yili oʻziningKiss Land (2013) nomli ilkstudiyaviy albomini chiqardi. 2013-2014-yillardagi film saundtreklaridagi bir qator hamkorliklardan soʻng, Tesfaye alternativ R&B dan biroz chekingan holdapop janriga oʻtib, oʻzining ikkinchi va uchinchi studiyaviy albomlari –Beauty Behind the Madness (2015) vaStarboy (2016) ni yaratdi, ularning ikkisi ham AQShBillboard 200 chartiga birinchi oʻrin bilan kirib kelgan. Birinchi albomdaBillboard Hot 100 da birinchi oʻringa chiqqan ikkita singl, „Canʼt Feel My Face“ va „The Hills“,Starboyda esa yana ikkita yetakchi singl: xuddi shu nomdagi (Daft Punk ishtirokida) va 2023-yilgi„Die for You“ningAriana Grande ishtirokidagi remiksi bor edi.
Abel alternativ R&B janriga AQShning top-10 singllar roʻyxatiga kirgan„Call Out My Name“ singliga ega, oʻzining ilkmini-albomi –My Dear Melancholy (2018) orqali qaytdi. U oʻzining toʻrtinchi studiyaviy albomiAfter Hours (2020) da dream-pop va new wave janrlarini oʻzi uchun kashf qildi, uning tarkibiga bir qator rekordlarni buzgan„Blinding Lights“ singli va yana AQShda yetakchilik qilgan ikkita singl: „Heartless“ va„Save Your Tears“ kiradi. Tesfayedance-pop janrini oʻrganishni boshladi, bu esa AQShda kuchli oʻntalikka kirgan „Take My Breath“ singliga ega uning beshinchi studiyaviyDawn FM (2022) albomining yaralishiga olib keldi. 2023-yilda uHBO ning„The Idol“ nomli drama serialida hammualliflik qildi va bosh rolni ijro etdi, teleserial tanqidchilar tomonidan qoralanganiga qaramay,unga biriktirilgangan saundtreklar tufayli tijorat muvaffaqiyatiga erishdi.
Tesfaye 75 milliondan ortiq yozuvlarni sotgan holda dunyodagi eng koʻp qoʻshiqlari sotilgan ijodkorlardan biriga aylandi. U Amerika yozuv sanoati assotsiatsiyasi (RIAA) dan singllari uchun yettita olmos sertifikatini qoʻlga kiritdi va Hot R&B/Hip-Hop Songs chartida bir vaqtning oʻzida birinchi uchta oʻrinni egallagan birinchi qoʻshiqchi boʻldi.„Blinding Lights“Spotify tarixidagi eng koʻp tinglangan qoʻshiq,Billboard Hot 100’da eng uzoq vaqt „yashagan“ qoʻshiq va chart tarixidagi yakkaxon ijrochining eng uzoq vaqt qatnashgan qoʻshiqqa aylandi. TesfayeTime jurnalining 2020-yildadunyoning eng nufuzli odamlari roʻyxatiga kiritildi va 2023-yildaGinnesning rekordlar kitobi uni „dunyoning eng mashhur ijodkori“ deb eʼtirof etdi. Irqiy tenglik va oziq-ovqat xavfsizligi tarafdori, 2021-yildaJahon oziq-ovqat dasturining yaxshi niyat elchisi etib tayinlangan. Uning mukofotlari qatoriga 4 taGrammy Awards, 20 taBillboard Music Awards, 22 ta Juno Awards, 6 taAmerican Music Awards, 3 taMTV Video Music Awards, 1 ta Latin Grammy Awards mukofotlari kiradi va Oscar hamda Primetime Emmy Awards mukofotlariga nomzod sifatida koʻrsatilgan.
Abel Makkonen Tesfaye 1990-yil 16-fevraldaOntario provinsiyasiningToronto shahrida tugʻilgan[3][4]. Efiopiyalik-amharalik muhojirlar Makkonen Tesfaye va Samrawit Hailuning[lower-alpha 1] yagona farzandi boʻlib, u tugʻilganidan koʻp oʻtmay ota-onasi ajralishgan[6][7] va Abel Scarborough chekkasida onasi va buvisi tomonidan tarbiyalangan[4][8]. Tesfayening otasining ismi Efiopiyaning anʼanaviy „Makonnen“ oʻrniga „Makkonen“ tariqasida yoziladi.Finlandiyadagi Makkonen familiyasi bilan oʻxshashligi tasodif sanaladi. Tesfaye otasining ismining yozilishi imloviy xato yoki anʼanaviy ismning yangi shakli boʻlishi mumkin[9]. Tesfaye buvisidan oʻrgangani uchun ona tili hisoblanmishamhara tilini yaxshi biladi[10] va fransuz immersion maktabida oʻqiganligi sabablifransuz tilini ham yaxshi biladi[11]. Keyinchalik u West Hill Collegiate Institute va Birchmount Park Collegiate Instituteda tahsil olgan[12].
Oʻn yetti yoshida Tesfaye maktabni tashlab, ikki doʻsti bilan Parkdaledagi kvartiraga koʻchib oʻtdi, ulardan biri uning eng yaqin doʻsti va hozirda kreativ direktori hisoblangan La Mar Taylor edi[13]. Doʻstlari bilangedonistik turmush tarzini olib borgan[4][14] Tesfayedam olish kunlari uyni tashlab chiqib ketgani uchun shuni taxallus sifatida tanlab oldi[15]. U Kanadadagi The Weekendpop-rok guruhi bilan savdo belgisiga oid muammolarni oldini olish uchun oxirgi „e“ harfini olib tashladi[16]. Bu vaqt ichida u uysizlikni ham boshdan kechirdi va bir necha bor qamoqda oʻtirgan, bu esa uni „uygʻonishga va diqqatni jamlashga“ undagan[17][18]. Bu davrda Tesfaye giyohvand moddalarni, jumladan ketamin,kokain, MDMA, gallyutsinogen qoʻziqorin va yoʻtal siropi kabi moddalarni tez-tez isteʼmol qilib[19], musiqa yozganida giyohvand moddalar oʻzi uchun „tirgak“ boʻlganini taʼkidlagan[20]. Hozirgi sahna nomi ostida musiqa chiqarishdan oldin u „Bulleez n Nerdz“hip-hop duetining bir qismi sifatida „Kin Kane“ taxallusi ostida[7], shuningdek, „The Noise“ prodyuserlik jamoasining bir qismi sifatida ham ijod qilgan[21][22].
2009-yil avgust oyida TesfayeYouTubeʼdaanonim tarzda musiqa chiqarishni boshladi[23][24]. Keyingi yili u ziyofatda prodyuser Jeremy Rose bilan uchrashib qoladi. Rose Tesfayedan dark R&B loyihasida birga ishlashni taklif qiladi. Koʻp sonli qoʻshiqlar yaratilib, ijodiy nizolar tufayli hamkorlik toʻxtatilganidan soʻng, Tesfaye Rose bilan birgalikda yaratilgan qoʻshiqlarning titrida Rosening ham ismi ishlatilishi sharti bilan foydalanishga ruxsat oldi[25]. 2010-yil dekabr oyida Tesfaye YouTubeʼga „xoxxxoooxo“ foydalanuvchi nomi ostida „What You Need“, „Loft Music“ va"The Morning"ni yukladi[26][27]. Dastlab, uning shaxsi sirligicha qoldi. Qoʻshiqlar Internetda shuhrat qozondi va keyinchalik reperDrake oʻz blogidagi postida ularni maqtadi[25][28]. Keyinchalik qoʻshiqlar turli ommaviy axborot vositalari, jumladanPitchfork vaThe New York Timesda yoritildi[29].
2011-yilda Tesfaye musiqa rahbarlari Wassim „Sal“ Slaiby vaAmir „Cash“ Esmailian bilan uchrashdi va ular bilan birga (La Mar Taylor bilan ham) XO ovoz yozish leybliga asos solgan[30]. 21-mart kuni Tesfaye Ilangelo va Dok McKinney hamkorligida ishlab chiqarilganHouse of Balloons nomli ilk miksteypini taqdim etdi[31][32][33]. Miksteyp shuningdek, Rose tomonidan ishlab chiqarilgan treklarni ham oʻz ichiga olgan, ammo uning ismi prodyuserlar qatorida yozilmagan edi[25].House of Balloons 2011-yil Polaris Music Prize uchun oʻnta nomzod qatoriga kiritilgan edi[34].
Tesfaye 2011-yilning may oyidan Drake bilan ishlay boshladi va 31-iyul kuni oʻtkazilgan OVO Festda ishtirok etdi[35]. 2011-yil iyul oyida Tesfaye Torontodagi Mod Club teatrida birinchi marta jonli ijroda chiqish qildi[36]. UToronto universitetida qora tanli talabalar assotsiatsiyasi tomonidan tashkillashtirilgan konsertlarda ham qatnashgan[37]. 18-avgust kuni Tesfaye oʻzining ikkinchi miksteypi –Thursdayni chiqardi, u koʻproq ijobiy baholandi[38]. Tesfaye Drakening 15-noyabrda chiqarilgan „Take Care“ albomidagi toʻrtta qoʻshiqda oʻz hissasini qoʻshdi, shu jumladan, yettinchi,"Crew Love" singlida esa qoʻshiq muallifi, prodyuser va mehmon ijdokor sifatida ishtirok etdi[39]. 21-dekabr kuni u oʻzining uchinchi mikstaypi –Echoes of Silenceni chiqardi, u 2012-yilgi Polaris Music Prizeʼning longlistʼidan oʻrin olgan[40][41].
Tesfaye 2012-yilgi Coachella Valley Music and Arts Festival’da chiqish qilmoqda
2012-yil aprel oyidan boshlab Tesfaye yirik shoularda chiqish qila boshladi, Coachella[42] vaNyu-Yorkdagi Bowery Ballroomda oʻtkazilgan ikkita katta shoular shular jumlasidandir[42][43]. Shuningdek, uIspaniya vaPortugaliyadagi Primavera Sound[44] vaBuyuk Britaniyadagi Wireless Festival kabi turli Yevropa festivallarida ishtirok etgan[45][46][47]. Sentabr oyida Tesfaye Republic Records bilan shartnoma imzoladi; XO uning tarkibiga kiruvchi leyblga aylandi[48]. Oʻsha oyda u oʻzining birinchi konsert gastroli – „Fall Tour“ni boshladi, shuningdek ingliz guruhi Florence and the Machineʼning baʼzi konsertlarini ochib beruvchi sifatida ishtirok etdi. Tur Shimoliy Amerika boʻylab 2012-yilning sentyabridan noyabrigacha boʻlib oʻtdi[49].
2012-yil 13-noyabrda Tesfaye oʻzining 2011-yilgi miksteyplarining remiks va remaster qilingan versiyalari hamda uchta qoʻshimcha trekdan iboratTrilogy toʻplamini chiqardi[50]. Albom birinchi haftada 86,000 nusxada sotilgan holdaBillboard 200 chartida toʻrtinchi oʻrinda debyut qildi[51] va RIAA tomonidan bitta hamda Music Canada tomonidan ikkita platinaga sazovor boʻldi[52][53]. Bundan tashqari,BBC oʻtkazgan soʻrovnomaga koʻra Tesfaye 2013-yilgi „Yil ovozi“ mukofotiga nomzod boʻldi[54].
Tesfaye 2013-yil oktabr oyida Massey Hall’da chiqish qilmoqda
2013-yilning 17-mayida Tesfaye oʻzining ilk studiyaviy albomiKiss Landning bosh trekini taqdim etdi[55] va albom 10-sentabr kuni chiqishini eʼlon qildi[56]. Chiqarilgandan soʻng, albom 96,000 nusxada sotilgan holdaBillboard 200 da ikkinchi oʻrinni egalladi[57] va musiqa tanqidchilaridan tomonidan, asosan, ijobiy sharhlarni oldi[58]. Tesfaye 2013-yil sentabridan noyabrigacha Shimoliy Amerika va Angliyada boʻlib oʻtgan kuzgi gastrol safari bilan albomni targʻib qilishni davom ettirdi[59]. 6-noyabrdan 13-noyabrgacha uJustin Timberlakening „The 20/20 Experience“ xalqaro turi davomida bir qancha shoularni ochib berdi[60]. Shuningdek, u 2013-yilda suratga olinganThe Hunger Games: Catching Fire filmining saundtreklari qatoriga kiruvchi ikkita qoʻshiqda: „Devil May Cry“ hamda Sia va Diplo bilan „Elastic Heart“da ishtirok etgan[61].
2014-yil fevral oyida TesfayeBeyoncening „Drunk in Love“[62] va Ty Dolla Signning"Or Nah" treklarining remiksini chiqardi[63]. 2014-yil iyun oyida u Schoolboy Q vaJhene Aiko koʻmagidaShimoliy Amerikaning toʻrtta shahrida sentabrdan oktyabrgacha boʻlgan „King of the Fall Tour“ni eʼlon qildi[64]. Gastrolni qoʻllab-quvvatlash uchun u oʻsha yilning iyul oyida"King of the Fall" va"Often" qoʻshiqlarini chiqardi[65]. 25-avgust kuni TesfayeAriana GrandeningMy Everything albomining „Love Me Harder“ qoʻshigʻida hamkorlik qildi. Keyinchalik, u 30-sentabr kuni albomning toʻrtinchi singli sifatida qayta chiqarildi vaBillboard Hot 100 roʻyxatida yettinchi oʻrinni egalladi[66]. 23-dekabr kuni TesfayeFifty Shades of Grey (2015) uchun „Earned It“ saundtrekini taqdim etdi.Billboard Hot 100 roʻyxatida uchinchi oʻrinni egallagan singl Tesfayeni „Eng yaxshi film uchun qoʻshiq“ nominatsiyasida birinchi martaOscar mukofotiga nomzod boʻlishiga sabab boʻldi[67]. Qoʻshiq 58-Grammy Awards marosimida „Eng yaxshi R&B ijrosi“ nominatsiyasida gʻolib chiqdi, „Eng yaxshi R&B qoʻshigʻi“ va „Vizual media uchun yozilgan eng yaxshi qoʻshiq“ nominatsiyalariga nomzod boʻldi[68].
2015-yil 27-may kuni Tesfaye „The Hills“[69] qoʻshigʻi uchun klipni chiqaradi. Keyinchalik qoʻshiq The Weeknd „Beauty Behind the Madness“ nomli ikkinchi studiyaviy albomining birinchi singli sifatida raqamli yuklab olish uchun chiqarildi. „The Hills“Billboard Hot 100 roʻyxatida 20-oʻrinda debyut qilib, haftaning „Hot Shot“ debyutiga aylandi; singl keyinchalik chartning teparogʻiga ham chiqdi[70]. Singlning rasmiy chiqarilishidan tashqari, tegishli sanalarda yana uchta qoʻshiq Internetda tarqaldi[71]. 8-iyun kuni sizib chiqqan treklardan biri boʻlgan „Canʼt Feel My Face“, xuddi shu kuniApple's Worldwide Developers Conferenceda Abelning ijrosidan soʻng rasman ikkinchi singl sifatida taqdim etildi[72]. QoʻshiqBillboard Hot 100 roʻyxatida 24-oʻrinda debyut qildi vaHot 100 roʻyxatida 1-oʻrinni egallab, The Weekndning uchinchi top-10 ga kirgan qoʻshigʻiga va AQShda birinchi marta 1-oʻrinni egallagan qoʻshigʻiga aylandi[73][74].
HaftalikBillboardHot R&B Songs chartida 2015-yil 25-iyul kuni The Weekend uchta eng yaxshi oʻrinni egalladi: „Canʼt Feel My Face“ – 1-oʻrin, „The Hills“ – 2-oʻrin va „Earned It“ – 3-oʻrin ― bu uni chart tarixida bu natijaga erishgan birinchi ijodkorga aylantirdi.
Apple kompaniyasining yangi striming xizmati Apple Music ishga tushirilishi eʼlon qilingandan soʻng, Abel oʻzining doimiy hamkori boʻlgan Drake[75] bilan birga musiqiy yuzlardan biri sifatida ishtirok etishi maʼlum boʻldi.2015 MTV Video Music Awards davomida Apple Tesfaye vaJohn Travolta ishtirokidagi ikki qismli reklama taqdim etdi[76].
2015-yil 28-avgustda Abelning ikkinchi studiyaviy albomiBeauty Behind the Madness chiqarildi vaBillboard 200 roʻyxatida birinchi oʻrinni egalladi, birinchi haftada412 000 ekvivalent birlik sotilgan (sof albom sotuvi326 000 tadan koʻproq)[77]. U chartda birinchi oʻrinda uch haftani oʻtkazdi[78]. Albom 10 dan ortiq mamlakatlarda eng yaxshi 10 talikka kirdi va Kanada, Avstraliya, Norvegiya va Buyuk Britaniya[79][80] chartlarda birinchi oʻrinni egalladi. Tesfaye albomni ChikagodagiLollapalooza, PomonadagiHard Summer Music Festival, SomersetdagiSummer Set Music vaCamping Festival, FiladelfiyadagiMade in America, OstindagiAustin City Limits va SietldagiBumbershoot Festival kabi yozgi musiqa festivallari orqali reklama qildi[81].The Madness Fall Tour 2015 – noyabrda boshlanuvchi Abelning yangi albomni targʻib qilish uchun Shimoliy Amerika safari 2015-yil 20-avgustda eʼlon qilindi[82]. TurniTravis Scott, Banks vaHalsey[83] kabilar ochdi. 2015-yil 24-avgustda AbelKanye West[84] produserlik qilgan albomdagi qoʻshigʻi – „Tell Your Friends“ning klipini chiqardi.
2015-yil 8-sentyabr haftasida The Weeknd taxminan yetti yil ichida bir hafta ichida ikkita qoʻshiqni Hot 100 ning top-3 taligiga kiritgan birinchi erkak qoʻshiqchi boʻldi („Canʼt Feel My Face“ 2-oʻrinda va „The Hills“ 3-oʻrinda)[85]. Abel bu yil bir nechta hamkorlikda ishtirok etdi, jumladan Bellyning „Might Not“[86], Meek Millning „Pullin Up“[87] vaTravis Scottning „Pray 4 Love“ida[88]. Tesfaye, shuningdek, hamkorlikda Disclosurening ikkinchiCaracal albomida ishtirok etdi[89]. 2015-yil 10-oktyabrda AbelSaturday Night Liveda aktrisaAmu Shcumerga musiqiy mehmon sifatida qoʻshildi[90].
2015-yil 1-dekabr holatiga koʻraBeauty Behind the Madness albomi 60 milliondan ortiq tinglovchi bilan 2015-yilda eng koʻp tinglangan albom boʻldi[91]. Shuningdek, uRolling Stone jurnalining 2015-yildagi 50 ta eng yaxshi albomida beshinchi oʻrindan joy oldi[92]. 2015-yil 25-dekabrda Abel ikkita yangi qoʻshiqni, „Low Life“ va Jeremihning „Pass Dat“ qoʻshigʻining remiks versiyasini chiqardi[93].
2016-yilda TesfayeKanye Westning 2016-yilgiThe Life of Pablo[94] albomidagi „FML“da vaBeyonseningLemonade albomidagi „6 inch“ qoʻshigʻida ishtirok etdi.
2016-yil 26-avgustda Cashmere Cat oʻzining yangi albomidan „Wild Love“ singlini chiqardi; Tesfaye ushbu trekni yozishda ishtirok etdi.
2016-yil 21-sentyabrda Abel oʻzining uchinchi studiyaviy albomi „Starboy“ni eʼlon qildi. 18 qoʻshiqdan iborat albom XO va Republic Records[95] da chiqariladi. Ertasi kuni u Daft Punk ishtirokidagi „Starboy“ trekini chiqardi. „Starboy“ 25-noyabrda[96] chiqishi rejalashtirilgan.
2016-yil 1-oktyabr kuni TesfayeSaturday Night Live dasturining musiqiy mehmoni boʻlib, „Starboy“ va „False Alarm“ qoʻshiqlarini ijro etdi.
2016-yil 17-noyabrda „Party Monster“ singli va fransuz guruhDaft Punk bilan„I Feel It Coming“ deb nomlangan yana bir hamkorlik ishi chiqarildi[97].
2016-yil 23-noyabrda The Weeknd albomni targʻib qilish maqsadida 12 daqiqalik qisqa metrajli filmni chiqardi. Filmga AbelningThe Hills,Canʼt Feel My Face,Tell Your Friends vaStarboy kliplari uchun rejissorlik qilgan Grant Singer rejissorlik qilgan.
2017-yilda AbelFuturening oltinchi studiyaviy albomi (Hndrxx) dagi „Comin Out Strong“ qoʻshigʻida,Navning „Some Way“ qoʻshigʻida vaLana Del Reyning „Lust For Life“ singlida ishtirok etdi.
2019-yil 27-29-noyabr kunlari The Weeknd ikkita yangi singl chiqardi – „Heartless“ va „Blinding Lights“. AmerikaningHyperbeast veb-saytiga koʻra, bular Abelning toʻrtinchi yakkaxon albomiga kiritilgan. 19-fevral kuni Abel „After Hours“ albomi chiqishi oldidan yana bitta soʻnggi xuddi shu nomdagi singlni chiqardi. 2020-yil 24-martda „In Your Eyes“ singli chiqdi.
2019-yil 3-dekabrda Heartless singli uchun musiqiy video chiqarildi[98].
2020-yil 21-yanvarda Blinding Lights singli uchun musiqiy video chiqarildi[99].
2020-yil 13-fevralda Tesfaye 48 soniyalik tizerda albom nomini eʼlon qildi[100].
2020-yil 19-martdaAfter Hours ushbu albomga Apple Music tarixidagi eng yirik global oldindan buyurtma boʻyicha rekord oʻrnatdi, 1,02 milliondan ortiq foydalanuvchilar uni buyurtmalar kutubxonalariga oldindan qoʻshishdi[101].
2020-yil 23-mart kuni In Your Eyes[102] singliga klip chiqdi.
2020-yil avgust oyida The Weeknd„Blinding Lights“ qoʻshigʻiga ishlangan klip uchun „Yil videosi“ nominatsiyasidaMTV Video Music Awards mukofotini oldi. Shuningdek, kompozitsiya „Eng yaxshi R&B qoʻshigʻi“ nominatsiyasida ham mukofotga sazovor boʻldi[103].
22-noyabr kuni 48-yillik Amerika musiqa mukofotlari marosimi boʻlib oʻtdi, unda The Weeknd quyidagi mukofotlarini oldi: „Yil artisti“; „Eng yaxshi musiqiy video“ – Blinding Lights; „Eng yaxshi erkak ijrochi“; „Eng yaxshi qoʻshiq“ – Blinding Lights va Heartless, „Eng yaxshi albom“ – After Hours.
2021-yil 5-yanvarda Save Your Tears[104] singlining klipi chiqdi.
23-aprel kuniAriana Grande bilan „Save Your Tears“ qoʻshigʻining remiksi chiqdi.
2022-yil 7-yanvarda synth-pop raqs uslubida yozilgan yangi„Dawn FM“ albomi chiqdi. U tanqidchilarning olqishiga sazovor boʻldi va Amerika qitʼasida ikkinchi oʻrinni egallab, oʻnta mamlakatda birinchi oʻrinni egalladi[105].
Abel 2015-yil boshidaBella Hadid bilan uchrashishni boshladi; juftlikni birinchi marta aprel oyida Coachellada birga koʻrishgan[106][107]. Hadid 2015-yil dekabr oyida Abelning „In the Night“ klipida suratga tushgan. Ular, shuningdek, 2016-yil fevral oyida Grammy marosimida juftlik sifatida qizil gilamda paydo boʻldi[108]. 2016-yil 13-noyabrda bir yarim yillik munosabatlardan soʻng juftlik ajralishga qaror qilgani maʼlum boʻldi[109]. 2017-yil yanvar oyida Abel qoʻshiqchiSelena Gomez bilan ishqiy uchrashuvda koʻrindi[110]. U qoʻshiqchi bilan 2017-yilning noyabrigacha munosabatda boʻlgan, oʻsha vaqtda rasmiy manbalar juftlik ajralishganini eʼlon qilgan. Gomes bilan ajrashgandan soʻng, musiqachiBella Hadid bilan munosabatlarni qayta tiklashga urinib koʻrdi. 2018-yil may oyidan Abel va Bella yana birga boʻlishdi. Ammo 2019-yil avgust oyida juftik band grafik tufayli yana ajralishdi.
2015-yil yanvar oyida Tesfaye Las-Vegas politsiyasi xodimi bilan mushtlashgani uchun hibsga olingan[111]. U aybiga eʼtiroz bildirmadi va 50 soatlik jamoat ishlariga hukm qilindi[112].
2014-yilda professional mahorat uchun Bikila mukofoti bilan taqdirlanganidan soʻng, TesfayeToronto universitetiga Efiopiyaning klassik tili boʻlgangeez tili boʻyicha yangi kursni moliyalashtirish uchun taxminan 50 ming Kanada dollari xayriya qildi[113]. 2016-yil may oyida, pravoslavPasxasi paytida, Tesfaye bolaligida qatnagan Torontodagi St. Mary Efiopiya pravoslav Tewahedo cherkoviga 50 ming Kanada dollari xayriya qildi[114][115]. 2016-yil avgust oyida u Toronto universitetidagi yangi Efiopiya taʼlim dasturini moliyalashtirdi[116].
2017-yil iyunda TesfayeUgandaning Budondo shahridagi Suubi tibbiy markaziga (homilador ayollar va bolalar klinikasi) $100,000 miqdoridagi mablagʻni xayriya qilgan. U French Montananing Suubi va Uganda xalqi haqidagi maʼlumotlar bilan boʻlishuvchi Global Citizen va Mama Hope bilan ishlashini bilganidan keyin bu ishni amalga oshirgan[117].
2020-yil aprel oyida Tesfaye yuz uchun notibbiy niqoblarni taqdim etdi, undan tushgan mablagʻlar esa MusiCares – COVID-19 ga chalinganlarga yordam fondiga oʻtkazilgan, fond Recording Academy tomonidan ochilgan boʻlib, uCOVID-19ga chalingan musiqachilarga yordam berish bilan shugʻullangan[118]. Bundan tashqari, Abel MusiCares va Scarborough sogʻliqni saqlash tarmogʻi hisoblariga 500 ming Kanada dollaridan oʻtkazib bergan[119].
2016-yil avgust oyida Tesfaye Qoʻshma Shtatlardagi politsiya shafqatsizligi haqidagi koʻplab xabarlardan soʻng Black Lives Matter global fondiga 250 ming AQSH dollari xayriya qildi[120][116][121]. 2020-yil may oyida George Floydning oʻldirilishi va undan keyingi noroziliklardan soʻng Abel Black Lives Matter, National Bail Out va Colin Kaepernickning Know Your Rights Camp tashkilotlariga 500 ming AQSh dollari miqdorida xayriya qildi[122]. Shundan soʻng u boshqa musiqiy rahbarlar, yirik musiqa yozish leybllari va striming xizmatlarini xayriya qilishga chaqirdi[123][124].
2020-yil 7-avgustda TesfayeTikTok ijtimoiy tarmogʻida interaktiv virtual „Weeknd Experience“ konsertini oʻtkazdi, uni jami 2 million odam tomosha qildi, bir vaqtda 275 ming kishi tingladi. Konsertdan ishlangan 350 ming AQSh dollari Equal Justice Initiativega oʻtkazildi. Shuningdek, u Bayrutdagi portlashdan jabrlanganlarni qoʻlab-quvvatlash maqsadida 300 ming dollar xayriya qildi[125][126]. 2-noyabr kuni Toronto universiteti oʻzining yangi Efiopiya dasturi uchun yigʻilishi kerak boʻlgan 500 ming Kanada dollari yigʻilganini eʼlon qildi, undan 30 ming dollari Abelga tegishli edi[127]. 2021-yil may oyida u 2021-yilgi Isroil-Falastin inqirozi chogʻida halok boʻlgan tinch aholiga chuqur hamdardlik bildirgan mashhurlar qatorida edi[128][129]. 23-sentabr kuni Tesfaye Black Music Action Coalition tomonidan oʻtkazilgan ilk Music in Action Awardsda Quincy Jones gumanitar mukofoti bilan taqdirlandi[130].
2024-yil 9-yanvar kuni Tesfaye School on Wheels Inc. notijorat tashkiloti bilan ming nafar uysiz oʻquvchilarni qoʻllab-quvvatlash boʻyicha kelishuvga erishdi[131].
2021-yil 4-aprel kuni AbelBMTningJahon oziq-ovqat dasturi orqaliEfiopiyadagi Tigray urushi ortidan jabr koʻrgan aholiga yordam uchun 1 million AQSh dollari miqdorida xayriya qilganini eʼlon qildi[132]. 9-iyundaAQSh Xalqaro taraqqiyot agentligi maʼmuriSamantha Power bilan uchrashib, Tigray urushidan kelib chiqqan gumanitar inqirozni muhokama qildi[133]. 7-oktyabr kuni Tesfaye BMTning Jahon oziq-ovqat dasturidagi yaxshi niyat elchisi etib tayinlandi[134][135]. 2022-yil 3-martda u WFP bilan hamkorlikda XO gumanitar fondini ishga tushirdi. Ushbu fond orqali Tesfaye 500 000 AQSH dollari miqdoridagi xayriyadan tashqari, „After Hours til Dawn Tour“da sotilgan har bir chiptadan 1 AQSh dollari oziq-ovqat dasturiga xayriya qilindi[136]. XO gumanitar jamgʻarmasidan 2,5 million AQSh dollari oziq-ovqat dasturiningGʻazo sektoridagi gumanitar yordam harakatlariga ajratildi,2023-yilgi Isroil va Hamas oʻrtasidagi urushdan jabrlanganlar toʻrt million shoshilinch ovqat bilan taʼminlandi[137][138].
↑Tesfayening biologik ota-onasi hech qachon turmush qurmagan. 2020-yil noyabr oyida Tesfaye Toronto universitetining Efiopiya dasturiga xayriya qilganida, onasining to'liq ismi Samrawit Hailu sifatida ko'rsatilgan[5].
↑Jones After Hours til Dawn Tourning (2023) Yevropa va Lotin Amerikasi safarlarida qatnasha olmagan.
