Knyazlik — knyazlar boshqargan mus-taqil va qaram davlatlar, alohida mulklar. K. sharqiy slavyan va qad. rus davlatlarida 8—9-asrlarda vujudga kelgan. Eng yirik K.lar buyuk K.lar deb atalib, udel (mulk)larga boʻlingan. Rossiyada K.lar markaziy shaharlar nomi bilan atalgan. Mas: Kiyev, Ryazan K.lari, Rus davlatida 12-asrning 2-yarmida K.lar soni koʻpaygan, bu esa mamla-katning kuchsizlanishiga olib kelgan. 15-asr oxiri — 16-asrlarda K.lar markazlashgan Rus davlati tarkibiga kirgan. Rossiya imperiyasida 1809—1917-yillarda Finlandiya Buyuk K. deb atalgan. G'arbiy Yevropada Monako, Andorra va Lixtenshteyn davlatlari hozirgi K. deb ataladi.[1]
