Burberry —Buyuk Britaniyaning hashamatli moda uylaridan biridir. Burberry modalar uyi 1856-yilda Tomas Burberry tomonidan tashkil etilgan. Uning bosh ofisi AngliyaningLondon shahrida joylashgan. Burberry brendi bugungi kunda dunyodagi eng mashhur brendlardan biri hisoblanadi. Hozirda „Burberry“ modalar uyi toʻliq tayyor kiyimlar, trench paltolar (eng mashhur mahsulotlaridan biri), charm aksessuarlar va charm poyabzallarni ishlab chiqarish va jahon bozoriga tarqatish bilan shugʻullanadi. Burberry nomi va brendi xushboʻy hid beruvchi va kosmetik mahsulotlar ishlab chiqaruvchi „Coty“ kompaniyasiga[1] va koʻzoynak ishlab chiqaruvchi„Luxottica“ kompaniyasiga litsenziyalangan[2].
1856-yilda 21 yoshli Tomas Burberry Angliyaning Xempshir shtatidagi Basingstoke shahrida oʻzining doʻkonini ochadi va unga „Burberry“ deb nom qoʻyadi[3]. 1870-yilga kelib, „Burbery“ ochiq havoda kiyib yurishga moʻljallangan kiyimlarni ishlab chiqarishga eʼtibor qaratadi va oʻzini namoyon qila boshlaydi[3].
1879-yilda „Burberry“ brendi oʻzining „gabardin“ matosini ommaga taqdim etdi.Bu matoning oʻziga xosligi shunda ediki, u mustahkam, qattiq, suvga chidamli va oʻzidan yaxshi havo oʻtkazadigan xususiyatlarga ega edi[4].
1891-yilda „Burberry“ London shahridagi Haymarketda oʻzining doʻkonini ochdi.
„Burberry Equestrian Knight“ logotipi,lotincha „Prorsum“ soʻzidan olingan, yaʼni „oldinga“ degan maʼnoni anglatadi. Bu logotip 1901-yilda ishlab chiqilgan. Kompaniya keyinchalik uni 1909-yilda savdo belgisi sifatida roʻyxatdan oʻtkazdi[3]. 1911-yilda kompaniyaJanubiy qutbga yetib borgan birinchi odam -Roald Amundsen[3] va 1914-yilda Antarktidani kesib oʻtgan ekspeditsiyaga rahbarlik qilgan Ernest Shakltonni kiyimlar va boshqa jihozlar bilan taʼminladi.
1924-yilda Jorj Mallori „Burberry gabardin“ kurtkasiniEverest choʻqqisini zabt etish chogʻida kiyib olgan[5].
Birinchi Jahon urushi davrida, harbiy xizmatchilarning noqulayliklarini bartaraf etish maqsadida „Tranch palto“lar ishlab chiqarilgan. Britaniya zobitlari xandaqlarning ichida yurganligida bu paltolarni suv va zax oʻtmasligi uchun kiyib yurishgan. Urushdan keyin bu paltolar oddiy aholi orasida ham mashhur boʻldi. Burberry maxsus matosi 1920-yillarda, birinchi marotaba trench paltolar uchun astar sifatida ishlatilagan. Shuningdek, kompaniya aviatsiya xodimlari uchun maxsus kiyimlar ham ishlab chiqargan.
1970– va 1980-yillarda „Burberry“ butun dunyo boʻylab ishlab chiqaruvchilar bilan erkaklar, ayollar va bolalar uchun kostyumlar, shimlar, koʻylaklar, sport kiyimlari, aksessuarlar kabi mahsulotlarni yetkazib berish va Britaniya kolleksiyasi uchun qoʻshimcha mahsulotlar ishlab chiqarish boʻyicha shartnomalar imzoladi. Londonda joylashgan shtab-kvartiraning qatʼiy nazorati ostida ishlab chiqilgan kompaniya mahsulotlari butun dunyo boʻylab mustaqil chakana savdo doʻkonlari, shuningdek, „Burberry“ doʻkonlari orqali ishlab chiqarilgan va tarqatilgan. Bu 90-yillarning oxirigacha brendning savdosi va foydasi oʻsishiga hissa qoʻshgan. Kompaniya Lord Litchfildni fotograf sifatida tasdiqlagan, Lord (Leonard) Wolfson rais va Stenli PeacockOBE boshqaruvchi direktor boʻlishgan[6]. 1997-yilda GUS direktori Viktor Barnett Burberry kompaniyasining raisi etib tayinlandi, Rose Mari Bravoni korporativ qayta tashkil etish va brendni hashamatli modalar uyi sifatida tiklashni amalga oshiruvchi vazifasiga tayinlandi[7]. Barnett kompaniyani 2001-yilda muvaffaqiyatli IPOga olib chiqdi[8].
2001-yil may oyida Kristofer Beyli „Burberry“ kompaniyasiga kreativ direktor lavozimiga tayinlandi[9][10]. Kristofer Beyli 2014-yildan boshlab bosh kreativ direktor, shuningdek, 2014—2017-yil noyabrigacha bosh direktor boʻlib ishlagan. Beyli 2018-yilning mart oyida bosh kreativ direktor lavozimini tark etdi va 2018-yil oxiriga kelib brendni butunlay tark etdi[11].
2018-yil aprel oyida ser Jon Pis boshqaruv kengashi raisi lavozimini tark etishi va uning oʻrniga Gerri Merfi kelishi tasdiqlandi.Merfi 'Kingfisher plc "kompaniyasining bosh direktori, shuningdek, „Teyt va Layl“, „The Blackstone Group International Partners LLP“ kompaniyalarining hozirgi raisi sifatida ishlagan.
Kompaniyaning bosh direktori 2022-yilda „odamlar, sayyoralar va jamoalar uchun ijobiy oʻzgarishlar qilish majburiyatini“ va „2040-yilga kelib iqlim ijobiy boʻlish uchun yangi ambitsiyani“ taʼkidlab, ekzotik terilardan foydalanishni taqiqladi (Alligator va ilon kabilarning terisi shular qatorida)[13]. 2022-yil sentyabr oyida „Burberry“„Bottega Veneta“ kompaniyasining sobiq kreativ direktori[14], dizayner Daniel Lini kompaniyaning bosh kreativ direktori lavozimiga tayinladi va Rikkardo Tischining ishdan ketishini e’lon qildi.
