Atalanta Bergamasca Calcio, odatdaAtalanta deb ataladi. ItaliyaningLombardia,Bergamo shahrida joylashgan professionalfutbol klubi boʻlib, Italiya chempionati tizimining eng yuqori toifasi boʻlganA Seriyada ishtirok etadi.
Atalanta 1907-yilda Liceo Classico Paolo Sarpi talabalari tomonidan tashkil etilgan vaLa Dea,Neradzurri vaOrobici laqabini olgan. Klub koʻk-qora vertikal chiziqli koʻylaklar, qora shortilar va qora paypoqlarda oʻynaydi. Klub uy uchrashuvlarini 21 747 oʻrinli Gewiss stadionida oʻtkazadi. Italiyada Atalantani baʼzanRegina delle provinciali (viloyat klublari malikasi) deb atashadi, bu klub viloyatlar markazidan boʻlmagan Italiya klublari orasida eng barqarori, A seriyada 62 mavsum, B seriyada 28 mavsum oʻynagan va C Seriyada faqat bitta mavsum ishtirok etgan. „Atalanta“ yaqin atrofdagi „Breshiya“ klubi bilan uzoq yillik raqobatga ega[4][5].
Klub shuningdek, oʻzining yoshlar akademiyasi bilan mashhur, u Yevropadagi eng yaxshi ligada oʻynagan bir nechta taniqli isteʼdodlarni ishlab chiqdi[6].
„Atalanta“ 1963-yilda Italiya kubogini, 2023/24 mavsumda esaUEFA Yevropa ligasida gʻolib chiqdi[7]. Klub 1988-yilda B seriyada ishtirok etayotganKubok egalari kubogining yarim finaliga ham chiqdi. BuUEFAning yirik musobaqalarida birinchi divizion boʻlmagan klublarning birgalikdagi eng yaxshi koʻrsatkichidir[lower-alpha 1]. Atalanta, shuningdek, UEFA Yevropa Ligasining (ilgari UEFA Kubogi deb ataladigan) oltita mavsumda ishtirok etdi[lower-alpha 2] va qoʻshimcha ravishda toʻrt martaUEFA Chempionlar Ligasida ishtirok etib, 2020-yil chorak finalga chiqdi.
Eslatma: BayroqlarFIFA muvofiqlik qoidalariga koʻra belgilangan milliy terma jamoalarni ifodalaydi. OʻyinchilarFIFAga aʼzo boʻlmagan bir nechta fuqarolikka ega boʻlishlari mumkin.
Eslatma: bayroqlarFIFA muvofiqlik qoidalariga koʻra belgilangan milliy terma jamoani koʻrsatadi.Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.
Eslatma: BayroqlarFIFA muvofiqlik qoidalariga koʻra belgilangan milliy terma jamoalarni ifodalaydi. OʻyinchilarFIFAga aʼzo boʻlmagan bir nechta fuqarolikka ega boʻlishlari mumkin.
Jan Per Gasperini 2019-yilda „Atalanta“ bosh murabbiyi sifatida
„Atalanta“ning hozirgi murabbiyi (bosh murabbiyi) 2016-yilning 14-iyunida bu lavozimni egallaganGian Piero Gasperini hisoblanadi[11]. Klub oʻzining birinchi professional murabbiyi Chezare Lovatini 1925-yilda yollaganidan beri klubda jami 59 ta murabbiy (shu jumladan oʻyinchi-murabbiylar, bosh murabbiy vazifasini bajaruvchi yordamchilar va muvaqqat menejerlar) mavjud[12][13]. 2019-2021-yillarda klubni ligadagi eng yuqori oʻriniga vaUEFA Chempionlar Ligasi saralash bosqichiga olib chiqqan hozirgi murabbiy Gasperini klub tarixida bosh murabbiy sifatida eng koʻp oʻyin oʻtkazgan (4-iyun,2023-yil(2023-06-04) holatiga koʻra 331 ta)[14] va „Atalanta“ boshqaruvidagi eng uzoq uzluksiz ish (ketma-ket yetti mavsum)[12][15] faoliyat olib borgan murabbiy hisoblanadi. Klubning ikkinchi eng koʻp ishlagan murabbiyi Emiliano Mondoniko boʻlib, u barcha musobaqalarda, jumladan,UEFA Kubok Egalari Kubogi vaUEFA kubogida ikki marta, (1987-90 va 1994-98) 299 ta oʻyinda murabbiylik qilgan[16][12]. Stefano Kolantuono, shuningdek, ikki xil holatda (2005-07 va 2010-15) bosh murabbiy boʻlgan, jami 281 oʻyinda ishtirok etgan klubning uchinchi eng uzoq murabbiyi hisoblanadi[17].
Atalantaning bir nechta prezidentlari (raislari) boʻlgan (italyancha:presidenti yokiitalyancha:presidenti del consiglio di amministrazione) ularning tarixi davomida. Ulardan baʼzilari klubning asosiy aktsiyadori boʻlishgan. 2008-yil yanvar oyida insultga uchraganidan soʻng oʻz lavozimidan ozod qilingan Ivan Ruggeri eng uzoq vaqt xizmat qilgan rais boʻlib, uning oʻrniga 2008-yil sentyabr oyida Atalanta raisi etib tayinlangan oʻgʻli Alessandro[21] tayinlangan. Alessandroning otasi insult oqibatlari tufayli jamoani boshqara olmadi[22]. 2010-yil iyun oyida, yana B seriyaga tushib ketganidan soʻng, Alessandro Ruggeri klubdagi oʻz ulushini Antonio Perkassiga sotdi va u Atalantaning yangi raisi boʻldi[23].
1972/1973-yilgi mavsumda Atalanta yoshlar tizimi tomonidan ishlab chiqarilgan eng mashhur futbolchilardan biri boʻlgan yoshGaetano Scirea
Atalanta yoshlar tizimi alohida milliy ligalarda (Primavera, Allievi Nazionali A va B va Giovanissimi Nazionali) ishtirok etadigan toʻrtta erkaklar jamoasidan va mintaqaviy darajada ishtirok etadigan ikkitadan (Giovanissimi Regionali A va B) iborat[25].
Atalanta yoshlar jamoalarini tuzishga qaror qilgan birinchi shaxs Juzeppe Ciatto edi. Har bir tashkiliy jihat u tomonidan koʻrib chiqilgan va hal qilingan. Shuningdek, turli jamoalarni tayyorlashga homiylik qilgan. 1949-yilda AtalantaCampionato Ragazzi gʻolibi boʻlgan.
1950-yillarning oxirida „Atalanta“ning sobiq futbolchisi Luidji Tentorio (oʻsha paytdagi klubning maxsus komissari) yoshlarga yanada tizimli ravishda sarmoya kiritishni boshlash zarurligini his qildi: u birinchi jamoadan oʻzining mustaqil tuzilmasi boʻlgan haqiqiy yoshlar sektorini yaratishga qaror qilgan. Yoshlar jamosi Juzeppe Brolisga ishonib topshirildi, u Veneto va Friuli viloyatlaridagi turli klublar bilan hamkorlikni yoʻlga qoʻydi, skautlar va yosh murabbiylar tarmogʻini qurgan.
Bergamo klubining yoshlar jamoasi (maktabi, akademiyasi) tarixidagi muhim qadam 1990-yillarning boshida prezident Antonio Perkassi yangi investitsiya siyosatini, ayniqsa, yoshlar darajasida amalga oshirgan paytda sodir boʻlgan. U Fermo Favinini Komoni ishontirishga muvaffaq boʻldi va unga yoshlar sektori maʼsuliyatini ishonib topshirdi.
Atalanta yoshlar tizimi nafaqat asosiy jamoa uchun oʻyinchilar ishlab chiqarishni koʻpaytirishni davom ettirdi, balki eng muhimi, jamoa tizimida yetishib chiqqan futbolchilar milliy ligalarda bir nechta marta chempionlikni qoʻlga kirita boshladi. 1991-yildan 2014-yilgacha turli yoshlar jamoalari 17 ta mamlakat chempionligini qoʻlga kiritgan.
Yoshlar darajasidagi muvaffaqiyatlardan tashqari, Atalanta yoshlar tizimi ham Yevropada eng yuqori maktablardan biri sifatida baholanadi. Covercianodagi oʻquv markazining reytingiga koʻra, Atalanta Italiyada eng yaxshi yoshlar tizimiga ega va Yevropada„Real Madrid“,Barselona va uchta fransuz jamoasidan keyin oltinchi oʻrinda turadi. Baxolashda foydalanilgan parametrlar klub tomonidan yoshlar tizimida oʻqtilgan futbolchilarning Oliy dviziondagi soni edi[26]. 2007/2008-yilgi mavsumda „Atalanta“ning yoshligidan 22 nafar futbolchiA Seriyada, 32 nafari B Seriyada va 3 nafari xorijda oʻynagan[26].
2014-yilda „CIES Football Observatory“ global tadqiqoti Atalanta yoshlar tizimini dunyoda sakkizinchi oʻringa qoʻydi, bunda 25 nafar sobiq yosh oʻyinchilar Yevropaning eng yaxshi 5 ligasida oʻynashi qayd etilgan[27].
