Abidjan —Kot-d’Ivuarda joylashgan shahar (1960 -1983-yillarda poytaxt) va asosiy portlardan biri. Abidjandepartamentining maʼmuriy markazi. Gvineya qoʻltigʻi sohilida joylashgan bo'lib, maydoni qariyb 20 km². Aholisi shahar atrofi bilan 2 mln. kishi (1985-yil), asosan afrikaliklar. Abidjan — Afrikadagi zamonaviy shaharlardan. AbidjangaXIX asrning80-yillarida fransuzlar asos solgan.1934-yildan FransiyaningFil Suyagi Qirgʻogʻi mustamlakasining maʼmuriy markazi. Mamlakatning tashqi savdosi Abidjan orqali olib boriladi. Abidjan Gʻarbiy Afrikaning eng yirik portlaridan biri, xalqaro aeroport bor. Oziq-ovqat, neftni qayta ishlash (Gʻarbiy Afrikadagi eng katta neftni qayta ishlash zavodi), yengil sanoat korxonalari mavjud. Universitet, Dakardagi Qora Afrika institutining filiali, bir necha teatr, kutubxonalar,radiostansiya, telemarkaz va boshqa bor[1].
