مسیحی روایتوں کے مطابق جبجبرئیل فرشتے نے کنواری مریم کو یسوع کے حمل کی بشارت دی، اس وقت مریم کییوسف نجار سے منگنی ہو چکی تھی۔ایپوکریفا اورپادریوں کی کتابوں میں کنواری مریم کے عہد دوشیزگی اور یسوع مسیح کی علانیہ دعوت تک ان کا ذکر ملتا ہے۔ نیز ان میں مریم کے متعلق مسیحی فرقوں کے متفرق عقائد کا تذکرہ بھی کیا گیا ہے۔ کنواری مریم کوکلیسیا متعدد القاب سے یاد کرتا ہے جن میں ملکہ، مبارکہ، شفیعہ، موتمنہ وغیرہ معروف ہیں۔ الغرض مسیحی عقائد میں کنواری مریم کو انتہائی اہمیت حاصل ہے، چنانچہ دنیا بھر میں مریم کے نام پر بے شمار گرجا گھر تعمیر کیے گئے ہیں اور سال بھر میں ان کی یاد میں متعدد تقریبیں منعقد کی جاتی ہیں۔مسیحیت اورکتاب مقدس میں مریم اور ان کے کردار کا مطالعہمریمیات کہلاتا ہے۔
دین اسلام اورمسلمانوں کے یہاں بھی کنواری مریم کا خاص مقام ہے۔ وہ دنیا کی بہترین عورتوں میں سے ایک سمجھی جاتی ہیں۔ اسلامی روایتوں کے مطابقآل عمران کنواری مریم کا خاندان تھا، اس خاندان پر پوری ایک سورت کا نام رکھا گیا، نیز قرآن کی انیسویں سورت کا نامسورہ مریم ہے اورقرآن کی یہ واحد سورت ہے جس کا نام کسی خاتون کے نام پر رکھا گیا ہے۔
مریم،یسوع جن كا لقب مسیح تھا کی والدہ ماجدہ تھیں۔ کیتھولک اورراسخ الاعتقاد کلیسیاؤں کے علاوہ آپ کواسلام میں بھی دیگر تمام انبیا كی طرح نہایت ہی عقیدت اور احترام کی نگاہ کے ساتھ دیکھا جاتا ہے۔ آپ وہ واحد خاتون ہیں جن کا نام قرآن میں درج ہے۔ مریمفلسطین کے علاقےگلیل کے شہر ناصرت کی باشندہ تھیں۔ مسیحیت كی مذہبی كتاب (بائبل) کے مطابق آپ روح القدس کی قدرت سے بغیر کسی انسانی دخل کے حاملہ ہوئیں۔ بائبل کے عہد عتیق یاپرانے عہد نامے میں درج پیشگوئیوں میں بھی کنواری سے جنم کی نشان دہی کی گئی ہے جیسے کہ " دیکھو کنواری حاملہ ہوگی اور اس کو بیٹا ہوگا"۔[حواشی 1] اور بقول موجودہ بائبل، اس واقعے کے وقت آپیوسف نامی شخص کی منگیتر بھی تھیں[حواشی 2]۔ اس جوڑے کے شادی کے بعد بھی تادمِ زیست کوئی جسمانی تعلقات نہیں تھے۔ اس نسبت سے کنواری مریم کو کنواری مریم، سدا کنواری اور ہمیشہ کنواری کے القاب سے یاد کیا جاتا ہے۔ لیكن اس كے باوجود بائبل یوسف نامی اُس شخص كو یسوع مسیح كا باپ كہتی ہے جس كو بائبل مریم كا منگیتر كہتی ہے۔ نیز متی اور لوقا میں مو جود نصب نامہ میں كافی تضاد كے بعد یوسف كو ہی یسوع كا باپ بیان كیا جاتا ہے جبكہ یوسف كی متضاد ولدیت بھی بیان كی گئی ہے اور اُسے ایك جگہ پر یعقوب كا بیٹا جبكہ دوسری جگہ عیلی كا بیٹا بیان كیا گیا ہے۔ متی 1:16 یوسف یعقوب كا بیٹا تھا۔لوقا 3:23 یوسفعیلی كا بیٹا تھا۔
مسیحی روایات کے مطابق کنواری مریم کے والد کا نام یواقیم (دیگر تلفظات الیاقیم، یاقیم، ایلی یا عالی) اور والدہ کا نام حَنّا تھا۔ انجیل بمطابقلوقا میں درج شجرہ نصب دراصل کنواری مریم کا ہی شجرہ تصور کیا جاتا ہے۔
کنواری مریم کے بارے میںنئے عہد نامے میں زیادہ معلومات درج نہیں ہیں۔ آپ کے والدین کا ہم کوئی ذکر نہیں پاتے۔ دیگر قدیم ذرائع کے مطابق آپ کے والد کا نامیہواقیم اور والدہ کا نام حنّا تھا۔ آپالیشبع (الیصبات)کی رشتہ دار تھیں جوزکریا کی اہلیہ تھیں اور زکریا، ہارون کے گھرانے سے تھے۔ تاہم کچھ ماہرین یہ بھی کہتے ہیں کہانجیل لوقا میں درج نسب نامہ کنواری مریم کا ہے جب کہانجیل متی میں یوسف کا۔ یوں آپداؤد کے گھرانے اور یہودہ کے قبیلے سے تھیں۔ آپگلیل کےناصرت میں اپنے والدین کے ساتھ رہتی تھیں۔
منگنی کے بعد آپ پر فرشتہجبرائیل رونما ہوئے اور خوشخبری سنائی کہ آپمسیح موعود کی والدہ قرار پائیں ہیں۔ چنانچہانجیلِ لوقا میں یوں مرقوم ہے۔
"اور چھٹے مہینے جبرائیل فرشتہ خدا کی طرف سے جلِیل کے ایک شہر میں بھیجا گیا جس کا نام ناصرت تھا۔ داؤد کے گھرانے کی ایک کنواری کے پاس جو یوسف نامی ایک مرد سے بیاہی ہوئی تھی۔ اور اس کنوری کا نام مریم تھا۔ اور فرشتے نے اس کے پاس اندر آکر کہا۔ سلام اے پُرفضل۔ خداوند تیرے ساتھ ہے۔ تو عورتوں میں مبارک ہے۔ اور وہ اس کلام سے گھبرا گئی اور سوچنے لگی۔ کہ یہ کیسا سلام ہے؟ اور فرشتے نے اس سے کہا۔ اے مریم نہ ڈر کیونکہ تو نے خدا کے نزدیک فضل پایا ہے۔ اور دیکھ تو حاملہ ہوگی۔ اور تیرا بیٹا ہوگا۔ اور تو اس کا نام یسوع رکھے گی۔ وہ بڑا ہوگا اور حق تعالٰی کا بیٹا کہلائے گا۔ اور خداوند خدا اس کے باپ داؤد کا تخت اسے دے گا۔ اور وہ یعقوب کے گھرانے میں ہمیشہ تک بادشاہی کرے گا۔ اور اس کی بادشاہی کا آخر نہ ہوگا۔ تب مریم نے فرشتے سے کہا یہ کس طرح ہوگا۔ جب کہ میں مرد سے ناواقف ہوں۔ اور فرشتے نے جواب میں اس سے کہا۔ روح القدس تجھ پر نازل ہوگا۔ اور حق تعالے کی قدرت تجھ پر سایہ ڈالیگی اور اس سبب سے وہ قُدُّوس مولود خدا کا بیٹا کہلائے گا۔ دیکھ تیری رشتہ دار الیصابات کے بھی بڑھاپے میں بیٹا ہونے والا ہے اور یہ اس کا جو بانجھ کہلاتی تھی چھٹا مہینہ ہے۔ کیونکہ خدا کی کوئی بات ہرگز بے قدرت نہ ہوگی۔ اور مریم نے کوا دیکھ میں خداوند کی بندی ہوں۔ میرے لیے تیرے قول کے مُوافق ہو۔"[حواشی 3]
خدا کے فرشتے نے جنابِ یوسف کو بھی خواب میں آگہی دی کہ مریمروح القدس کی قدرت سے حاملہ ہوئیں ہیں اور کہا کہ مریم کو اپنی بیوی بنا لیں۔ مندرجہ بالا واقعہ اناجیلِ بمطابق مرقس اور یوحنا میں درج نہیں ہے۔
جب فرشتے نے کنواری مریم کو یہ بھی آگاہی دی کہ ان کی رشتہ دارالیشبع، جو قبل ازیں بانجھ تھیں، بھی امید سے ہیں اور ان کو چھٹا مہینہ ہے تو یہ سن کر کنواری مریم کوہستان کی طرف روانہ ہو گئیں۔ مریم کو دیکھتے ہی الیشبع برملا چِلّا اٹھیں "تو عورتوں میں مبارک ہے اور تیرے بطن کا پھل مبارک ہے۔ اور میرے لیے یہ بات کیسے ہوئی کہ میرے خداوند کی ماں میرے پاس آئی۔ کیونکہ دیکھ۔ جونہی تیرے سلام کی آواز میرے کان میں پہنچی۔ تو بچہ میرے بطن میں خوشی سے اچھل پڑا۔"[حواشی 4]اسی خوشی اور اطمینان کی شکر گزاری میں کنواری مریم نے نغمہ گایا۔ دیکھیے لوقا 1: 46-55۔تین ماہ بعد یعنی جنابِیوحنا (یحیٰ علیہ السلام) کی پیدائش کے بعد آپ اپنے وطن کو لوٹ آئیں۔
اسی زمانے میں قیصر اغسطس کا فرمان آیا کہ تمام سلطنت میں مردم شماری کرائی جائے۔ چنانچہ آپ جنابِ یوسف کے ہمراہ اُنکے جدی وطنبیت لحم کو روانہ ہو گئیں۔ بیت لحم میں آپ نےیسوع مسیح کو ایک چرنی میں جنم دیا۔ پیدائش کے بعد 'مشرق سے مجوسیوں' نے آکر خداوند یسوع کی تعظیم کی اور بیابان کے چرواہوں نے سجدہ کیا۔
جب شاہہیرودیس نے یہ فرمان جاری کیا کہ دو سال سے کم عمر ہر لڑکے کا قتل کر دیا جائے پاک خاندان مصر کو روانہ ہو گیا۔مصر سے واپسی پر پاک خاندانناصرت میں آ بسا۔[حواشی 5]۔یسوع مسیح کی علانیہ زندگی سے قبل جنابِ یوسف رحلت فرما گئے تھے۔
آپیسوع مسیح کے پہلے معجزے یعنی قانائے گلیل کے معجزے کے موقعے پر موجود تھیں۔ مسیحی روایات کے مطابق یسوع مسیح کی تصلیب کے وقت آپ صلیب کے تلے موجود تھیں۔ صلیب سے اتارے جانے کے بعد آپ نے خداوند یسوع مسیح کو اپنی گود میں لیا۔ بعد ازیں مسیح یسوع کے حکم کے مطابقیوحنا رسول نے آپ کی دیکھ بھال کا ذمہ لیا اور اپنے گھر لے گئے۔
"اعمالِ رُسُل" کی کتاب کے مطابق آپ عیدِخمسین (پینتیکوست) کے دن تقریباً 120 شاگردانِ مسیح کے ساتھ موجود تھیں۔ اس کے بعد بائبل میں ہمیں کنواری مریم کے بارے میں کوئی ذکر نہیں ملتا۔ کتاب مقدس میں آپ کی موت کا کوئی ذکر نہیں ملتا۔
صدیوں سے فنکار فنِ مصوری اور فنِ مجسمہ سازی کے ذریعے آپ سے اپنی عقیدت کا اظہار کرتے آئے ہیں۔ مسیحی آرٹ میں سب سے مقبول ترین تِھیم ' العذراء مع الصبی' یعنی Virgin with the Child ہے۔ اس کے علاوہ بہت سی شبیہات میں فرشتے کی بشارت کا منظر نہایت خوبصورتی سے کھینچا گیا ہے۔ دیگر مقبول شبیہات میں Pietà اور عروجِ مریم کے روح پرور مناظر شامل ہیں۔
