ni li lipu pi toki "toki pona". nasinISO-639 la ona li jo e nanpatok. lipu ali en toki lipu li wile e toki pona taso. o toki ala e toki Inli e toki ante. taso:
sina ken ala toki pona e wile sina, la toki ante li ken lon tomo toki pi lipu jan, lontomo pi toki ante.
tenpo lili a la lipu pali li kepeken toki ante tan wile suli. lipu ni li ni. ni li pona e pali kulupu, la ni li ken. taso o ni ala tan wile lili taso. ali lipu ni la o kepeken kipisi{{lipu pi toki ante}}.
jan pi kulupu Wikimesija o pali lon ma ni, o toki tawa kulupu ni, la ona li ken kepeken toki ante. jan pi kulupu ni li ken toki tawa ona kepeken toki ona. taso pona la o poka e sama pi toki pona.
(This is a toki pona project. Content pages and discussion on this wiki should be in toki pona only. Please don't use English or other languages. However, if you can't express what you want to say in toki pona, you may use other languages on user talk pages orpali:tomo pi toki ante. Project pages may on rare occasions use languages other than Toki Pona if there is a good reason to do so—like here, where some portions of the page that need to be readable to non-tokiponists are translated into English. But this should not be done for unimportant reasons. Members of the Wikimedia community acting in the course of global duties may use languages other than Toki Pona. Community members may respond to them in their language, but should also translate to Toki Pona.)
lipu li ken toki e nimi pi toki ante kepeken kipisi{{nimi ijo}} tan ni: jan mama ijo li kepeken nimi ni. taso kipisi ni la o lili e kepeken. mi wile ala e toki ante mute lon lipu. sina linja tawa lipu lon ijo, la tenpo mute la sina wile ala kepeken kipisi ni. jan li wile sona e nimi mama ijo, la ona li ken luka e linja. lipu o lon, li ala, la sina ken kepeken kipisi{{lipu li ala|<nanpa Wikinanpa>}}. ni la jan li ken luka e sitelen "(?)" li ken lukin e nimi mama ijo lon ilo Wikinanpa.
"ma tomo Sisi(toki Inlila:Washington, D.C.) li ma tomo lawa pi ma Mewika" li pona
"jan ni li tanma tomo Sisi(toki Inlila:Washington, D.C.)" li pona ala. o kepeken "jan ni li tanma tomo Sisi". ma tomo Sisi la mi jo ala e lipu, la o kepeken "jan ni li tanma tomo Sisi(?)".
"ike insa(toki Inlila:indigestion)" li ike mute tan ni: ala la ni li ijo pi toki Inli.
pali lipu li toki. ni la lipu pi toki pona o pona.o pana ala e lipu ike. o ike ala e lipu lon.
lipu pona o pana pona e sona pona. tan sona o pona, o pana ala e sona nasa. lipu li kepeken tan, la lipu o kute e tan, o toki ala e ijo tan ala tan, o nasa ala e sona ona. lipu li kepeken tan tu, la ona o wan ike ala e sona ona. wan sona o toki e wile pi tan sona. lipu o kute e pilin suli pi kulupu tan, o toki mute ala lon pilin nasa. lipu o toki pona e sona sama ni: jan li sona ala a lon ijo ni, la ona li ken sona e toki lipu.
lipu ni li ike lon tenpo ali:
nasa: mi sona ala e kon toki ona sama "ajsdhpjashdcnpwajhc", sama "mi li e wile pi a. sona seme anu?". anu ni li musi sama "sina lukin e ni la sina nasa". anu ni li ijo pi lon ala sama "kasi suli mute li lonmun Luna".[a]
jaki: ona li alasa suli e esun. anu ona li alasa lanpan e mani.
sama ike: ona li sama e toki tan ijo ante. taso tan toki liken ala e sama.[e]
utala: ona li alasa pakala e jan sama ni: "jan <nimi> o moli" anu "jan <nimi> li lon tomo #42 pi nasin <nasin>" anu "jan <nimi> li tonsi, li len e ni".
toki ante: ona li kepeken ala toki "toki pona". taso o lukin ekipisi sewi. tenpo lili la ni li ken.
jan li ni e lipu lon, la jan ante o weka e ante. lipu ike li sin, lajan lawa o weka e lipu. sina lukin e lipu sin ike, la o toki tawa jan lawa. nasin ike nanpa 4 anu nanpa 5 la o mu wawa a e ona!
(Pages will be reverted or deleted if they are 1. unintelligible, vandalism, or hoaxes; 2. spam; 3. copyright violations; 4. meant to attack a person; or 5. against the WMF Terms of Use. Pages not in toki pona will be reverted or deleted except as allowed per the section above. Please notify admins about pages needing deletion for these reasons, and ping an admin for a violation of #4 or #5.)
lipu li ike pi nasin ante, la jan li ken pana e sitelen{{o weka}}. lipu li kama lonkulupu:lipu ni o weka. jan ali li ken lukin e ni, li ken toki lon wile weka. wile li pona tawa jan lawa, la ona li weka e lipu.
jan li pali e lipu ike mute anu lipu wan pi ike suli, la jan lawa li weka e ken sitelen ona.
sina toki taso la jan li ken ala sona e ni: toki sina li lon ala lon?ijo pi lipu sina li lon ala lon? ni la o pana e tan pi sona ni kepeken poki<ref> kepeken kipisi{{tan sona}}. (ilo pali li ken ni: sina pana e linja pi ma ilo tawa ona la ona li pana e kipisi e nimi ale wile lon ona.) sina ni ala la jan li ken weka e toki sina.
tan kin o pona. kulupu suli pi jan sona mute li pana e lipu la ona li tan pona. jan wan li pana e lipu la ona li ken tan ike. lipu li sama ma Wikipesija la ona li tan ike tan ni: jan wan li ken pana e ijo wile ona lon ona.
sina lukin e toki pi ike lili, la o pona e ona, anu o pana e kipisi{{ike}} lon poka ike e kipisi{{wile pali}} lon sewi lipu. taso ike li suli, la o awen ala e ona. sina ken pona e ni, la pona. taso sina wile ala pona e ni, la o weka e ona. ike li awen, la lipu Wikipesija li kama moli.
toki kiwen li sama ni: "taso la nimi 'tomo tawa' li toki lon ilo jan pi tawa nasin. ilo ni la o kepeken ala nimi ante. ijo ante la o kepeken ala nimi ni."toki kiwen li toki ike. toki ike li toki pona ala.
ni li tomo tawa, li ilo tawa, li ken jo e nimi mute.
ni kin li tomo tawa, li ken jo e nimi ante.
ni li tomo tawa ala.
nimi li ken toki lon ijo mute. mi kepekenlipu pi kon mute, li kepekentoki pi kon ante. taso nanpa wan la mi wile e ni: ijo tu li jo e nimi sama, la toki pona la ona li sama. o toki lon ijo ni lon lipu wan. o lukin e lipu "telo": ni li toki lon telo sijelo, lon telo suli ma, lon telo moku, lon ante.
ijo li ken jo e nimi mute. sina sitelen lon ijo, la o[[linja]] tawa ona. jan sitelen pi lipu ona li kepeken nimi ante, la ali li pona! nimi tu li pona, la o ante ala e nimi kepeken sina; o ante ala e nimi pi lipu ante. o pana e nasin tawa kepeken ni: o open elipu pi sitelen loje, o sitelen e ni:#REDIRECT [[nimi pi lipu ante]]. taso o sona e ni: ken la nimi wile sina li jo e kon mute. ni la o lukin e toki pini.
mi wile ala kiwen e toki pi jan lukin mi. nimi tu li pona, la nimi lipu o toki ala e ni tawa jan: "nimi pi kepeken sina li ike". ni la mi kepeken sinMultiTitle. sina pali e nasin tawa pi nimi pona, la o kepeken nimi namako ona sama ni:[i]
#REDIRECT [[nimi pi lipu ante]]__NIMI_SULI_O_AWEN__
ni la jan li kepeken nasin tawa, la nimi ona li awen lon nimi sin. taso o kepeken ala nimi namako ni tan ni: nimi li toki lon ijo ante; anu nimi ona li pakala.
jan mute li toki pona lili. jan lili li toki pona mute.o sona elipu monsuta pi lipu Wikipedia pi toki Lalen. ni la jan pi ma Mewika li toki insa e ni: "kepeken lipu toki la mitoki Lalen". taso ala. ona li ante e nimi wan pi toki Inli tawa nimi wan pi toki Lalen, li awen, li awen. poka la ni li moli e lipu. jan li awen e ona. taso ni li pakala suli.o sama ala ni. o lukin e lipu pali mi "mi toki pona anu seme?".
(Many people speak a little Toki Pona. Few people speak a lot of Toki Pona.Considerthe terrifying tale of the Scots Wikipedia. An American thought they could speak Scots using a dictionary. They were wrong. They translated words one at a time from English to Scots. They almost destroyed the wiki. People saved it, but it was a huge disaster.Don't be like this. Take a look at our page "mi toki pona anu seme?".)
nasin pona mute li lon. o lukin:
nimi "ale" en nimi "ali" li pona.
nimi "lukin" en nimi "oko" la ni ali li pona:
"mi lukin kepeken oko"
"mi oko kepeken lukin"
"mi lukin kepeken lukin"
"mi oko kepeken oko"
nimi "a" en nimi "kin" li ken ijo sama, li ken ijo ante.
nimi "sin" en nimi "namako" li ken ijo sama, li ken ijo ante.
nimi "li" la ni ali li pona:
"mi J, li K, li L."
"mi J li K li L."
"mi J. mi K. mi L."
nimi "la" la ni ali li pona:
"J la K"
"J, la K"
"J la, K"
"J la K"; kin "J li K la L"
"J la K"; taso "J li K, la L"
"J la K"; taso "J li K la, L"
toki "taso J" en toki "taso, J" en toki "taso la J" li pona. anu ken la ni li toki e ijo ante.
toki "kin J" en toki "kin, J" en toki "kin la J" li pona. anu ken la ni li toki e ijo ante.
nanpa la ni ali li pona:
tenpo (sike) 2025
tenpo (sike) mute ali/ale mute luka
tenpo (sike) MAML
tenpo (sike) ali ali ali ali ali ali ali ali ali ali ali ali ali ali ali ali ali ali ali ali mute luka
tenpo (sike) AAAAAAAAAAAAAAAAAAAAML
a! ala a la ni li nasin pona ali.
nasin mute li pona.o ante ala e lipu tan nasin pona wan tawa nasin pona ante tan wile sina taso. taso ken la tan pona pi kama ante li lon. ken la lipu li toki mute lon nanpa, la sina wile ante e nasin "ali ali ali ali ali ali ali ali ali ali ali ali ali ali ali ali ali ali ali ali mute luka" tawa nasin "2025". ni la o toki tawa jan ante.
taso nasin ike kin li lon. suli la jan li alasa wan e kipisi toki tu sama "jan li wile tawa ma pi ali li pona". anu kepeken nimi ona li nasa tawa jan mute. ni li ike. o kepeken ala nasin ike. nasa lili li ken. taso jan mute li toki "nasin sina li ike", la ken suli la ona li ike. pona toki li kama tan jan toki.
(There is such a thing as a badnasin toki (way of speaking). Sometimes people try to combine sentences like "jan li wile tawa ma pi ali li pona", which is incorrect because Toki Pona doesn't have subordinate clauses. Or they use words in a way that few people will understand. This is bad. Don't use badnasin. Small eccentricities are one thing. But if people are saying "yournasin has problems", they're probably right. A language's norms come from its speakers.)
nimi lipu o toki lon jo lipu. nasin ante li toki pona ala.
lipu li jo e nimi wan sama lipu "nena", la ona o toki lon kon ali pi nimi ni.
nimi o kiwen ala e toki. nimi li sama "soweli pona tomo", la ona o toki lon ijo ali pi nasin ni. sina wile toki lon soweli pona tomo wan taso samasoweli Canis Familiaris, o pana e nimi ona.
o kepeken ala nimi pi wile ala. tenpo mute la mi wile ala e nimi sama "ma tomo J", sama "sitelen tawa K", li ken kepeken nimi "ma J", kepeken nimi "sitelen K". taso lipu tu li jo e nimi sama, la ni li ken wile e nimi ante. nimi "ma Nujo" li toki lon ma tu, la ma tomo la mi kepeken nimi "ma tomo Nujo".
nimi tan toki ante la:
toki tan la kon nimi li suli, la o toki pona e ni. toki tan la jan li kute e kalama nimi taso, la o kalama pona e ni. ni li sama ni: nimi "New York" la jan pi toki Inli li toki insa ala lonma "York" sin. kon pi nimi "New" li suli ala. ni la mi kepeken nimi Nujo. taso kipisi ona "Staten Island" la jan li toki insa lon kon pi nimi "Island", la mi kepeken nimi "ma telo Seten".
anu kipisi nimi li sama nimi open: nimi "República Dominicana" la nimi "República" li sama nimi "ma", la mi toki e nimi "ma Tominika" taso.
sina toki pona ala, la o pona e kalama. jan mute li kepeken kalama pona wan, o kepeken ni. ante la o lukin eni, eni, o pona e kalama tan ken sina. ni li suli: o kepeken kalama pi toki tan. o kute ala e kalama pi toki mama sina taso.
taso:
ken la jan li sona e toki pona, li wile ala e nimi pi kalama pona. o kute e ona.
kipisi la jan li pona ala e kalama lon lipu pi nasin sona sama lipu "soweli Canis Familiaris" sama lipu "toki ilo HTML". ken la kulupu o toki lon nasin ni. ni li pona ala pona? ni li pona, la mi o kepeken sitelen "te to" anu nasinnamako anu ala?
tawa jan Sonja la nimi ijo li sama nimi pu, la ni li ken ike. taso mi jo e lipu sama lipu "ma Sin". ni li pona ala pona? kulupu o toki.
lipu pu la nimi 'pona' li toki e weka utala.sina toki pona, la o toki utala ala.
jan li pali ike, la o toki pona e ni: "mi sona e wile pona sina. taso sina pali ike." o toki ala e ni: "sina pali ike a! tan seme la sina pakala e lipu ni?"
jan li toki e ni tawa sina, la toki ni tu li pona:
"sina toki pona. mi pakala. seme la mi ken pona e ni?"
"mi sona e pilin sina. taso tawa mi la ni li pona. sina awen pilin ike lon pali mi, la mi tu o toki tawa jan ante. ona li ken pona e tu pilin mi."
↑taso lipu li ken toki lon ijo pi lon ala tan lipu musi sama ni: "lipu 1984 lanasin Inso li lawa e ma Osijanja".
↑tan li ken e sama kepeken lawaCC BY-SA 4.0 anulawa sama pona ante, la sina ken sama e lipu. taso o kute e lawa sama. lawa CC BY-SA 4.0 la sina o toki e nimi tan sama ni: "ni li tan lipu https://..." anu "ni li tan jan JKL". taso sina ni ala, la mi ken pona e ni. mi weka ala e lipu.
↑sina ken kepeken nimi namako__O_AWEN_E_NIMI_SULI__ kin. ni li sama. nimi namako tu la o sona e ni: ona o lon anpa, li ken ala lon sewi.
.jpg)
.jpg)