Movatterモバイル変換

Esmee Brugts

Go tswa ko Wikipedia

Esmee Brugts
Motshameki wa kgwele ya dinao
Brugts withBarcelona in 2024
Leina ka botlalo	Esmee Virginia Brugts^[1]
Letsatsi la tsalo	Heinenoord, Netherlands
Maemo	Midfielder,forward
Club information
Current team	Barcelona
Number	24
Youth career
2008–2016	SV Heinenoord [nl]
2016–2020	FC Binnenmaas [nl]
Tiro ya gagwe*
Dingwaga	Setlhopha	Metsh	(Dinno)
2020–2023	PSV	54	(15)
2023–	Barcelona	25	(7)
Setlhopha sa setshaba^‡
2018	Netherlands U-15^[2]	3	(1)
2018	Netherlands U-16^[3]	4	(0)
2018–2020	Netherlands U-17^[4]	19	(13)
2020	Netherlands U-18^[5]	3	(2)
2021	Netherlands U-19^[6]	2	(2)
*Metshameko ya gagwe le dinno, correct as of 16:03, 21 May 2024 (UTC) ‡ National team caps and goals, correct as of 31 October 2023

Esmee Virginia Brugts (yo o tshotsweng ka Phukwi a le masome a mabedi le boferabobedi ka 2003) Ke motshameki wa kgwele ya dinao e e porofeshionale wa moDutch yo o tshamekang kwa pele kwa setlhopheng sa Liga F saBarcelona le sa setshaba sa Netherlands.

Tiro ya setlhopha

[fetola |Fetola Motswedi]

PSV

Brugts o simolotse go tshameka kgwele ya dinao le basimane a le dingwaga tse tlhano a tshamekela SV Heinenoord. A fudugela kwa FC Binnenmaas dingwaga di ferabobedi moragonyana go ya go tshameka teng dingwaga tse nne. O ne a batiwa thata fa a saena tumalano ya gagwe ya ntlha le PSV a le dingwaga tse lesome le borataro ka 2020. Ka Phatlwe a le lesome le boraro ka 2020, Brugts a dira tshameko ya gagwe ya ntlha ya PSV mo motshamekong wa pele ga setlha kgatlhanong le Olympique Lyonnais.^[7] O ne a nosa kgatlhanong le ADO Den Haag ka Ngwanatsele wa 2020 a ferabobedi, a nosa mo motsotsong wa bo masome a ferabongwe le metsotso e mebedi ya tlaleletso.^[8] Mo setlheng sa gagwe sa ntlha kwa PSV o ne a tshameka metshameko ya liki e le lesome le boraro, a nosa dino tse tharo. Kwa makgaolakgannyeng a KNVB Women's Cup o ne a tshameka motshameko otlhe, PSV e fenya ADO Den Haag ka nno go lefela.^[7] Mo setlheng sa gagwe sa bobedi a tshameka kwa makgaolakgang a KNVB Women's Cup ya 2022, ba latlhegelwa ka dino tse pedi go e le nngwe kgatlhanong le Ajax.^[9] Brugts a nosa dino tse tharo kgatlhanong le Telstar ka Mopitlo a le masome a mabedi le bone ka 2023.^[10]

Barcelona

Ka Phatlwe wa 2023 a saena tumalano ya dingwaga tse nne leBarcelona.^[11] O ne a nosa dino tsa gagwe tsa ntlha tsa Barcelona a nosa dino tse tharo mo metsotsong e ferabobedi kgatlhanong le Eibar ka Sedimonthole a ferabongwe ka 2023, a tshameka e le nomoro ya boferabongwe kwa ntlheng mme a sutelela kwa morago kwa molemeng mo motshamekong o o ka ntata ya dikgobalo tse dintsi.^[12]^[13]

Tiro ya boditshabatshaba

[fetola |Fetola Motswedi]

Brugts o tshameketse ditlhopha tsa banana tsa Netherlands di le mmalwa.^[14]^[15] Tlhakole a le lesome le borataro ka 2022, o ne a tsaya iponagatso ya gagwe ya ntlha le setlhopha se segolo sa Netherlands kgatlhanong le Brazil kwa 2022 Tournoi de France. O ne a tsena mo lebaleng a emisetsaVictoria Pelova metsotso e merataro pele ga motshameko o ya bokhutlong.^[16] O ne a nosa nno ya gagwe ya ntlha ya setlhopha sa setshaba Moranang a ferabobedi ka 2022 mo motshamekong kgatlhanong le Cyprus.^[17] Lwetse a tlhola malatsi a le marataro a nosa nno mo motsotsong wa bo masome a ferabongwe le boraro wa nako ya kemiso mo phenyong ya nno go lefela kgatlhanong le Iceland, go dira gore lefatshe la gagwe le iponne phatlha kwa godimo ga setlhophana sa C go ya kwa sejaneng sa lefatshe sa bomme sa FIFA sa 2023.^[18]

Motsheganong fa a le masome a mararo le bongwe ka 2023, o ne a bitswa e le leloko la setlhopha sa peomabaka sa Netherlands sa sejana sa lefatshe sa bomme sa FIFA sa 2023.^[19] O tshamekile metshameko yotlhe e metlhano ya Netherlands kwa sejaneng sa lefatshe, a nosa gabedi kgatlhanong le Vietnam mo motshamekong wa bofelo wa setlhophana.^[20]

Dipalopalo tsa tiro

[fetola |Fetola Motswedi]

Setlhopha

[fetola |Fetola Motswedi]

E sale ka motshameko o o tshamekilweng ka Motsheganong a rogwa ka 2024^[21]

Iponagatso le dino go ya ka setlhopha, setlha le kgaisano
Setlhopha	Setlha	Liki			National Cup		League Cup		Continental		Palogotlhe
Setlhopha	Setlha	Letlhakore	Iponagatso	Dino	Iponagatso	Dino	Iponagatso	Dino	Iponagatso	Dino	Iponagatso	Dino
PSV Eindhoven	2020–21	Eredivisie	18	3	3	0	5	2	2	0	28	5
	2021–22	Eredivisie	21	4	4	1	2	0	2	2	29	7
	2022–23	Eredivisie	15	8	4	1	2	1	—		21	10
	Palogotlhe		54	15	11	2	9	3	4	2	78	22
Barcelona	2023–24	Liga F	22	6	3	0	1	0	7	0	33	6
Palogotlhe ya tiro			66	21	14	2	10	3	11	2	101	28

Tsa boditshabatshaba

[fetola |Fetola Motswedi]

Esale ka motshameko o o tshamekilweng ka Phalane a le masome a mararo le bongwe ka 2023

Iponagatso le dino go ya ka setlhopha sa setshaba le ngwaga
Setlhopha	Ngwaga	Iponagatso	Dino
Netherlands	2022	11	3
Netherlands	2023	15	5
Palogotlhe		26	8

Lenaane la dino le maduo a Netherlands pele, molokololo wa dino o supa dino morago ga nno nngwe le nngwe ya ga Brugts.

Lenaane la dino tsa boditshabatshaba tse di nositsweng ke Esmee Brugts
No.	Letsatsi	Lefelo	Moganetsi	Dino	Maduo	Kgaisano	Metswedi
1	8 April 2022	Euroborg, Groningen, Netherlands	Cyprus	12–0	12–0	2023 FIFA Women's World Cup qualification	^[22]
2	6 September 2022	Stadion Galgenwaard, Utrecht, Netherlands	Iceland	1–0	1–0	2023 FIFA Women's World Cup qualification	^[23]
3	11 November 2022	Stadion Galgenwaard, Utrecht, Netherlands	Costa Rica	4–0	4–0	motshameko wa botsalano	^[24]
4	21 February 2023	National Stadium, Ta' Qali, Ta' Qali, Malta	Austria	4–0	4–0	motshameko wa botsalano	^[25]
5	1 August 2023	Forsyth Barr Stadium, Dunedin, New Zealand	Vietnam	3–0	7–0	2023 FIFA Women's World Cup	^[26]
6	1 August 2023	Forsyth Barr Stadium, Dunedin, New Zealand	Vietnam	6–0	7–0	2023 FIFA Women's World Cup	^[26]
7	27 October 2023	Goffertstadion, Nijmegen, Netherlands	Scotland	2–0	4–0	2023–24 UEFA Women's Nations League	^[27]
8	31 October 2023	Hampden Park, Glasgow, Scotland	Scotland	1–0	1–0		^[28]