Mirsalajev Bekəǧə Əbulfəti zoə (22 janvar 1893 sor,Rəzgov di,Zuvandi rəjon, Lankoni ǧəzo, Urusijəti imperijə — 8 janvar 1938 sor, Azərbojčoni SSR) — tolyšə ičtimoi-sijosijə xodim, Kommunistə partijə (bolševikon) Zakavkazə Kraj komitə dyminə kotib. 1906 sorədə əcəj 13 sinənədə əcəj xyjzon bə Boku ovašte. Əǧylətijədə nati gyrdə kardə vyronədə yštə ko bino kardyše. Ko karde vaxtonədə əv yštə zynəjonən, yštə təhsiliən səjdəbe. Sabuncijədə 3-sinifə məktəbi oryxniše. 1918 sorədə bə yštə di Rəzgov ogarde u əjo Mistani dij čəmjəti šurədə kotib ko kardyše. Pešo əcəj xyjzon bə Lankon ovašte.
Myǧon-Šurə Respublikə
Myǧon-Šurə Respublikə elon kardejədə əv aktiv rolyš byə. Cy Respublikə Məholi Šurə Jol gyləj partizanə ǧysmi jol -Lankonədə inǧylobə usjonədə ištirokəkə David Cirkin vyžnijə byəbe, u əcəj myovini vyrədəŠirəli Axundov be.Bolševikon dylədə be-be Bekəǧə bə yštə divoži abrek Junus Abbasovi dastə nydəše, əmma cy tolyšə syə partizani Bala Məmmədi dastədə be u pešo kejnə Junus bə šurə tərəf ovašte, Bekəǧə bə əcəj dastə umžən be. Myǧon-Šurə Respublikə soxte bəpeštə, Širəli Axundov xəjli gəp žəjdə de tolyšə abreki Junus Abbasovi (Junus Rəzgovyži) u əv de Bekəǧə Mirsalajevi dastəki zynejdə əj bə šurə tərəfi okyrnije. Junusi cy "Zyvandi ucastok" komissar təjin kardejdən.
Ovəjevonəti
Bekəǧə bo məktobon dutejro, təhsili səvijə rost kardejro, čyvonon bə ədəbijoti u nəčiməsənəti sahə sədo kardejro, tolyšə zyvoni ozavaijero xəjli dast-pocə kardejdəbe Lankoni rəjonədə. 21 janvar 1931 soriku de Bekəǧə Mirasalajevi redaktorəti u Muzəffər Nəsirlo kotibəti tolyšə ružnomə "Sıə Tolış" bino kardyše cap be.
Həbs be u kyšte
15 nojabr 1936 sorədə Bekəǧəšon həbs karde, gynošon nyvyšte ki, 1934 soriku əv ištirokəkə u cy Azərbojčoni millətpərəstə buržuazon «Lankoni filiali millijətpərəstə əlejh u usjonəkə-terroristə təškiloti» soxtəkəs, kom məǧsədyš hest be «Lankoni cy Azərbojčoniku čo karde» u «Tolyšə muxtarijət» soxte, «Lankoni rəjonədə bo usjonəkə daston odəmon hozy kardejdəbe u bo Azərbojčoni Kompartijə rəhbəron əlejh terroristə akton hozy kardejdəbe».
7 janvar 1938 sorədə deSSRI Ali Məhkəmə Hərbijə kollegijə ǧərori Mirsalajev taxsyrin hisob be de Azərbojčon SSR Činojətə Məčəllə 64, 70 u 73 maddon u bə gullə žəj de əmloki mysodirə karde məhkum kardə be. 1938 sori šəvədə janvari 7 bə 8 ǧəror bə vyrə rosnijə be.

Tolyšə xəlǧi nəǧylon —tolyšə xəlǧi šifohi ofəjevonəti əsəron.
Har xəlǧi nəǧylon ijən əfsonon — rufi mədənijəti gyləj əhmijətinə poən, kom bənə xəlǧi šifohi ofəjevonəti čo nymunon cy etnosi šuuri təmsil kardejdən. Bə əmə rəsə tolyšə nəǧylon ijən əfsononAvestəku rišə pegətəšone, taryxi vərəǧonku dəvardən ijən tolyšə mədənijətədə ve barzə vyrə gətejdə. Əvon handəkəson hele kardejdən odəmə səbarzi, rufi sərvəton ijən pokə ešǧi hisson ogəte, kom lap aktuale cəmə vaxtədə, əvon tovsijə kardejdən xošxosjətəti ijən humanizmi barz kardejdən.Tədǧyǧotəvonon detolyšə folklori hələ XIX əsrədə həmrəǧ bejdəbin. Iminə tolyšə folklori nymunon dijə karde bəbe cy miəllimi Tejmurbek Bajraməlibekovi əsəronədə, məsələm 1894—1899 soronədə «Ǧafǧazi tojfon ijən vyron təsvir kardə məčmuə». Bajraməlibekovi se gylə məǧolonədə tolyšə nəǧylon, əfsonon ijən bovon barədə nyvyštyše.

22 nojabr

• 1869 — Dambartonədə bə ov vadoə byə «Katti Sark» gəšti (šikilədə).
• 1906 —Pjotr Stolypini agrarə reformə bino be.
• 1909 — Orvil u Uilber Rajt byvon iminəaeroplan soxtejro təškilot okardyšone.
• 1928 — Gran-operədə iminə kərə cy Raveli «Bolero» hənək kardyšone.
• 1963 —DallasədəČon Kennedi kyštyšone.
• 1986 — dynjo taryxədə ən čyvonə boksəvonə cempion gonə gonijədəMajk Tajson be.
• 1995 — bə prokat beše iminə purəmetražə film kom təmom kompjuterədə soxtə be.
• 2005 —Angela Merkel iminə žen be ki cyAlmanijə hukuməti jol mande.

Ruži vyžnijə šikil

.

Zyndəjon?

• "Titanik"i film"Titanik"i yštənisən boho bə sə oməj.
• 1935 sorədəLankonədəTolyšə teətr yštə ko bino kardyše.
• Dynjoədə ən ǧədimə universiteti əsos 989-nə sorədə noəMisiri əl-Əzhər universitete.
• 1893-nə sordəUrusijətdə caj kašte bino noj byə.
• 1976 sorədəLija Aleksandrovna Pirejko iminə tolyšə-urusə luǧət cap kardyše.
• Atakama dašti kali vyronədə 400 sorisə bəbe vote ki, voš vojdəni.
• Ženon takardə kəpot 1400 sor cymi bə nav bə əməl omə.
• Širəli Muslimovi vəjə de «ləgguti» dəvardə
• Šymə yštənpərədə pərejədə šymə mu 2 kərə rə dyroz bedən.
• Bə “Coca-Cola” rang umžən nykən əv havz bəbe.
• Ǧədim Romədə šišədə hozy kardə ǧabon tely inən nyǧəku boho bedəbin.