AngKondado ng Orange (Orange County) ay isangkondado (county) saKatimugangCalifornia,Estados Unidos.Santa Ana ang kabisera nito. Ayon sa senso ng 2000, 2,846,289 ang populasyon nito. Ito ang ikalawang pinakamataong kondado sa estado ng California, at ika-lima sa pinakamataong kondado sa Estados Unidos.[1]
Bantog ang kondadong ito sa mga destinasyong pangturismo. Matatagpuan dito ang mga atraksiyong tulad ngDisneyland, at angKnott's Berry Farm. Bantog din ang mabuhanging baybayin nito para sa mga paglangoy atsurfing, daungan ng mga yate at pamamangka, at malalaking pook na inilaan maging liwasan at bukas na pook para sa paglalaro nggolp,tenis,hiking,pagka-kayak,pamimisikleta,skateboarding, at iba pang mga gawaing panlabas.
Ayon saTanggapan ng Senso ng Estados Unidos, ang kondado ay may kabuuang sukat na 2,455 km² (948 mi²). Ito ang pinakamaliit na kondado sa Katimugang California.
Sa taya ng Kawanihan ng Senso noong 2005, ang populasyon ng putting hindi Latino (non-Latino white) ng Kondado ng Orange ay nasa 48 %. Ang 2005 na populasyon ng mga Latino noon sa Orange County ay nasa 32.5 %. Ang mga Asyano naman ay nasa 15.9 %. Ang mga Amerikanong Aprikano ay bumubuo sa 1.9 % ng populasyon.
Ayon sa senso noong 2000, mayroong 2,846,289 katao, 935,287 na kabahayan, at 667,794 na mag-anak na naninirahan sa kondado, kaya't naging ikalawang pinakamataong kondado ng California ang Kondado ng Orange.
.svg)
