కాసర్‌గోడ్ జిల్లా భారతదేశం, కేరళ రాష్ట్రంలోని ఒక జిల్లా. కాసర్‌గోడ్ పట్టణం జిల్లా కేంద్రంగా ఉంది. ఈ జిల్లా 1956 నవంబరు 1న ఏర్పాటయింది. గతంలో ఇది దక్షిణ కెనరా జిల్లాలో భాగంగా ఉండేది. జిల్లా కేంద్రం కాసర్‌గోడ్ పట్టణం జిల్లా పేరుగా నిర్ణయించారు. కాసర్‌గోడ్ జిల్లా కేరళరాష్ట్ర ఉత్తర భూభాగంలో ఉంది. జిల్లా కొబ్బరి నార, చేనేత వస్త్రాలకు ప్రపంచ ప్రసిద్ధి చెందింది. జిల్లాలో తుళునాడు, కూర్గ్ వంటి ప్రముఖ పర్యాటక ఆకర్షక ప్రాంతాలు ఉన్నాయి. జిల్లాలో 29.3 కి.మీ పొడవైన సముద్రతీరం ఉంది. జిల్లాలో పర్వతశ్రేణి కూడా ఉంది. కొండలు, నదులు, గుడులు, సముద్రతీరాలు, కోటలు ఉన్నాయి. జిల్లా సంప్రదాయకంగా సుసంపన్నమై ఉంది. జిల్లాకు సప్తభాషా సంగమభూమిగా ప్రత్యేకత ఉంది. జిల్లాలో 7 ప్రధాన భాషలకు చెందిన ప్రజలు నివసిస్తున్నారు. జిల్లా ఎండోసఫేట్ క్రిమిసంహారక భూమి కలిగిన జిల్లాలలో ఒకటిగా గుర్తించబడుతుంది. జిల్లాకు దక్షిణ సరిహద్దుగా కన్నూరు జిల్లా, ఆగ్నేయ సరిహద్దుగా కొడుగు జిల్లా, ఉత్తర సరిహద్దుగా దక్షిణ కన్నడ జిల్లా, తూర్పు సరిహద్దుగా పశ్చిమ కనుమలు ఉన్నాయి. కాసర్‌గోడ్‌ను అరేబియన్లు హార్క్‌విల్లియా పలువురు అరేబియన్ ప్రయాణీకులు 9వ, 14వ శతాబ్దంలో కాసర్‌గోడుకు వెళ్ళారు. ఆకాలంలో ఇది ప్రముఖ వ్యాపారకేంద్రంగా ఉంది. పోర్చుగీస్ యాత్రీకుడు దుయర్తె బార్బొస 1514లో కాసర్‌గాడు సమీపంలో ఉన్న కుంబ్లకు వెళ్ళాడు. ఇక్కడ నుండి కాయిర్‌ బదులుగా బియ్యం ఎగుమతి చేయబడ్డాయని పేర్కొన్నాడు.
(ఇంకా…)