అబ్రహం లింకన్ ప్రపంచ చరిత్రలో ప్రముఖ స్థానం ఉన్న మాజీ అమెరికా అధ్యక్షుడు. అమెరికా అంతర్యుద్ధం సమయంలో అత్యంత కార్యదక్షతతో పరిపాలించిన లింకన్ దురదృష్టవశాత్తూ అంతర్యుద్ధం ముగిసే సమయంలోనే హత్యగావింపబడ్డాడు. కెంటకీలోని ఒక పేద కుటుంబంలో జన్మించిన లింకన్ అమెరికా పశ్చిమ సరిహద్దు ప్రాంతమైన ఇండియానాలో పెరిగాడు. తానే స్వంతంగా చదువుకుని న్యాయవాది అయ్యాడు. తరువాత విగ్ పార్టీకి నాయకుడు అయ్యాడు. ఇల్లినోయ్ రాష్ట్ర లెజిస్లేటరుగా పనిచేసి తరువాత ఆ రాష్ట్రం నుంచి అమెరికను ప్రతినిథిగానూ ఎన్నికయ్యాడు. 1849 లో స్ప్రింగు ఫీల్డు, ఇల్లినోయిలో మళ్ళీ న్యాయవాదిగా కొంతకాలం ఉన్నాడు. 1854 లో కంసాను-నెబ్రాస్కా చట్టం బానిసత్వానికి వంత పాడటంతో మళ్ళీ తిరిగి రాజకీయాల్లోకి వచ్చాడు. తొందర్లోనే కొత్త రిపబ్లికను పార్టీకి నాయకుడు అయ్యాడు. స్టీఫెన్ ఎ.డగ్లసుకు వ్యతిరేకంగా జరిగిన 1858 సెనేటు ప్రచార చర్చలలో ఆయన జాతీయవ్యాప్తంగా అభిమానులను సంపాదించుకున్నాడు. లింకన్ 1860 అధ్యక్ష ఎన్నికల్లో గెలిచి అధ్యక్ష పీఠాన్ని అధిష్టించాడు.
(ఇంకా…)