Ta-kay “ Mun-cya-la-kamu: ঢাকা”, u tukay nu Mun-cya-la, Ta-ka niyadu’an u tada tukay. itida ku eneng nu Ta-ka i Hen-he-san-cyw-cuo Pu-li-kan-cya sa’wac nu amisan, u satabakiay nu Mun-cya-la a tukay, u Nan-ya macimacian, tademaw nu macimacian makaala tu caytusepsep nu pinaay a tademawan. idaw ku kasiidaan nu likisi, pangangan han u “cin-cen-se’ tukay” masabinacadan ku nitenunan a tuudan nu kasinganganan.
malumanay nu Ta-ka u Cya-han-ci-e-na-cya-e “ Mun-cya-la-kamu : জাহাঙ্গীর নগর, caynemsepwal mihcaan u Muo-wuo-e-ti-kuo Mun-cya-la niyadu’an a cung-tu ci Su-pei-ta. Yi-se-lan-han patideng, itida i sabaw tu pitu a seci u katakid a Mu-se-lin tatelungan nu sasiwbayan.sisa, Ta-ka aydaay a nipatidengan tatengaay i sabaw tu siwa a secian nu Ing-kuo kabulawan a zitayan, tada mikilul tu Cya-e-ke’-ta a Mun-cya-la sakatusa a tukayan. caysiwsippic mihcaan In-pa nikakenisan satu, Ta-ka mala Tung-pa-ci-se-tan a tada kanatalan, itida i caysiwpictu mihcaan misiteked u Mun-cya-la a tukay. nu tusa a bataan a pina, Ta-ka namakaydatu tu nikabulibulan nu taw, pasupacicien micuduh tu sakelecay a kawawan, Mun-cya-la masacacay misiteked, penecen nu hitay, malawpes nu nikalepacawan, atu culal sananay a nikala’cusa.
Ta-ka u Mun-cya-la a cen-ce lalangawan atu tatelungan nu sakaudip. atu yadahay nu sasaudipan a pulung. Ta-ka liwliw kacikian, sawni masu’d ku caculilan, yadah ku sakawawiesan nu caayay ka taneng a cacanan. ayda nu cacay a bataan nu pina, Ta-ka macunus tu nu tayniay nu i hekalay a tademaw. 50
nikalekalan nina tukay i sabaw tu pitu a secian, malaMuo-wo-e-ti-kuo a niyadu’an atu tatelungan nu sapisiwbayan. malaMun-cya-la dawa a papacakayan, u In’-tu’ mikilulay tu Ta-lu cacelakan nu tukayan. Ta-ka sakacelakan han i sabaw tu pitu atu sabaw tu walu a secian, tawya u O-Ya Ta-lu namakacuwaay nu misiwbayan a niyaduan. Mu-cya-e tademaw matineng misakapah tu papatidengan tu baluan, Cin-cen-se, kun-ten atu paw-lea malasakapahay a nisiludan nu tukayan.
inatukay nanipanganganan tu wali a Wi-ni-se. itida nu nikalimadan nu Ing-kuo ku mikuwanay, nina tukay idaw ku nipacumud tu dinki, silamalay, kacudu, sise tabakiay a cacudadan, atu cacudadan atu nu aydaay a nikasinanuman. caysiwseplim mihcaan, mala Mun-cya-la wali atu A-sa-mu-pan a tapang nu sin-cen atu kakiwyikuan nu tatelungan. Caysiwsippic mihcaan, mahedektu ku taydaay mikuwan, mala Tun-pa-ci-se-ta a sin-cen suotu. caysiwnemtu mihcaan mihapu u Pa-ci-se-ta a li-ha suo-tu. caysiwsippic mihcaan, malamisitekeday a Mun-cya-la kanatal a suo-tu. Mun-cya-la-kuo-sin-ha sakalima a selican mihapu Pu-ta-ka u kun-he-kuo suo-tu.
Ta-ka kitidaan satabalay idaw tu ku muenengay nu tademaw a tukayan taneng mikilim katukuh tu pituay a secian. ina kitidaan nanikuwanan nu Cia-muo-li-puo atu Pa-la kanatal ku mikuwanay, katukuh tu siwa a secian kuwanen nu In-tu ci Sen-na tawya ku mikuwanay.
saan ku katuuday u Pa-la-sen sabaw tusa a seci itida i ka-se-wa-li miyau. Ta-ka liklik a niyaduan icuwaay zitay hakiya a nikakenisan u “ Mun-cya-la kakitidaan”. nina tukay u “Lakshmi Bazar、Shankhari Bazar、Tanti Bazar、Patuatuli、Kumartuli、Bania Nagar atu Goal Nagar kapulungan nu tatelungan a sasiwbayan. nikuda ni Se-na wancew, Ta-ka kakilukilul satu a bahal han nu De-li-su-dan kanatal atu A-hu-han amikuwan, katukuh tu caynemsepwal mihcaan nikatayni ni Muo-wo-e.
Ta-ka idaw ku nisangaan i sabaw tu enem katukuh i sabaw tu siwa a seci u nisangaan tu luma’ makaala tu tusa a malebut ku pina tu luma’. mahida La-e-pa-ke-paw, A-he’-sang-man-ci-le’, Sing-cin-cen-se’, Ca-ke’-cin-cen-se’, Huo-say-ni-ta-lan, Ya-min-ni-ya kiwkay, Ta-ka-men, Ta-mun-di, Me-kuy-yen-kun, Ta-yi-cen, Siw-yi-cen, Ta-ke’-se-wa-li-se’, S-wa-mi-pa-ke-sen miyu, Se-mu miyu, Ta-ma-la-ci-ka-fu-se’, Sen-men-kuy kiwkay atu Puo-ke-se cacudadan. i malumanay nu Ta-ka a Ta-ka-sa-ta-e-cya-te’, A-ma-ni-tu-la atu Fa-la-se-kan niyadu’an, yadah henay ku namabulaway a nisangaan tu luma’. Pi-na-de’-pi-pi-cin-cen-se’ itida i Na-lin-ta niyadu’an, patideng i caysiplimsip mihcaan, Mun-cya-la-su-dan-ma-ha-maw-de. Sa-a pikuwanan, ninatukay ayda salumanay nu cinga nisangaan a luma’an. pikuwanan nu Ing-kuo idaw ku tada sangan nu mamelawan pasu malumanay a kutuhuing , Mun-cya-la-ten, Kuo-sun-ten atu Mi-te-hu padekuan.
misangaay tu luma’ ci Lu-yi. Kan sakasenengan a aydaay nisangaan u Kuo-min-yi-huy-ten, mahida u Mun-cya-la a kitidaan atu liwan namaka babalakiay, itida i caysiwwaltu mihcaan i Ta-ka milaksisiki, malakitakid nu satabakiay a Lipuing nu lumaan, kitidaan makaala tu 800,000 m2. Ka-ma-la-pu-e silamalay u Amilika ci Luo-puo-ti’. Pu-si ku misikiay, u kasenengan a nisangaan. misitekeday a kakininga a adawan u ninatukay a baluhay nu paya a tatidengan, u sapikining ci Mun-cya-la pilepacawan nu likisian a kawaw tu nipatidengan.
Ta-ka a cacudadan itida i Mun-cya-la u sayadahay, tabakiay a cacudadan makaala tu limtu a cacudadan, pasu salumanay nu cacudadan a tabakiay Ta-ka sye-yen “ patideng i caywalsipcay mihcaan” u Ta-ka tabakiay a cacudadan “ patideng i caysiwtucay mihcaan” satenesay nu sihu a tabakiay nu cacudadan.
.jpg)
.jpg)
