uMontenegro (蒙特內哥羅) sa i labu nu Europe, itiza i 42 30 N, 19 18 E.
u ahebal nulala' mapulung sa 13,812 km2.u a hebal nu lala'ay sa 13,452 km2, u ahebal nu nanumay sa 360 km2. hamin nutademaw sa 644,578. kakalukanumah sa 38.20%,kilakilangan umah sa 40.40%, zumaay henay umah sa 21.40%.
u tabakiay a tapang nu kanatal (congtung) ayza sa ciMilo Đukanović (Milu．Ciukanuweyci米洛·久卡諾維奇), 1962 a mihca 2 a bulad 15 a demiad nalecuhan. u tabakiay a tapang nu kanatal (congtung) nu Montenegro (蒙特內哥羅) ayza, micakat a demiad sa i 2018 a mihca 5 bulad 20 demiad.
i sabaw lima se-ci (世紀) na u lalabuay nuSerbia (塞爾維亞) a kanatal kuMontenegro (蒙特內哥羅). katukuh nanuayaw nazikuzan nu sakacacayay malalais nu kitakit sa, milamlam iSerbia (塞爾維亞)/Croatia (克羅埃西亞)/Slovenia (斯洛維尼亞) a wun-kuo (王國) kuMontenegro (蒙特內哥羅). 2006 a mihcaan limaay a bulad mala tadakitakit (獨立國家 ) tu kuMontenegro (蒙特內哥羅). 2006 a mihcaan sakaenem a bulad micumud ilekec nu kanatal (聯合國). 2017 a mihcaan mala cacay a kaput i Pey-Ye Hey-yuan-kuo (北約會員國), maydih aca a talabu iO-Cuo a malasacabayay (歐盟) hananay kuheni.
kakitizaan nuMontenegro (蒙特內哥羅) sa i nuwali-timul nu O-Cuo (歐洲), tapang tusu (首都) nineni sa u Podgorica (波德里查), makaala tu 13,812 sq km.
satipan nu kuMontenegro (蒙特內哥羅) ku Bosnia (波士尼亞), Hercegovina (赫塞哥維納) atuCroatia (克羅埃西亞). i wanlian niza micapi tuSerbia (塞爾維亞) atuKosovo (科索沃), i satimulan matatepal tuAlbania (阿爾巴尼亞), i tip-timulan niza ku Adriatic (亞得里亞海) a bayu, u dadipasan makala 283 km.
uMontenegro (蒙特內哥羅) singangan aca tu "lumeniaybuyu'" masaupuay a kitakit (黑山共和國 ) han, azihan ku nisulit sa tungusay lumeniay a buyu' sananay, sakasingangan sa na u tanayu’ tanayu’ay makakitikitinay lumelumeni’ay a buyu'buyu'an sa.
u aenengan sa i Balkans (巴爾幹半島), u caayay henay kakatinengan nu taw, adidi'ay a kanatal .
InaMontenegro (蒙特內哥羅) a kanatal, i nutip-timulan nu Adriatic (亞得里亞海) a walian nu dadipasan. yadah ku matenesay babalakiay bangcalay a niyazu'niyazu'an itiza, malecalecad tu nuNorway (挪威) ay ku salungan; i tebanan nu buyu'buyu'an, izaw ku sabangcalay a banaw,kapahay masasizumaay a lalangawan atu masaupuay nu u-mi-tu-fu (宗教) micidekay a luma'luma'an.
yu miliyas tu kuMontenegro (蒙特內哥羅) tuSerbia (塞爾維亞), mapatizeng malakanatal sa, milihiza tu O-Cuo a gingku (歐洲銀行) atu gingku nu kitakit (世界銀行) atu paykanatal kalisiway ci-cim a kasaupuan (國際貨幣基金組織), maydih aca micumud i paykanatal maw-i a kasaupuan (世界貿易組織), katukuh i 2002 a mihcaan u O-Yuan (歐元) ku sakalisiwan nuheni .
kanahatu micumud tu i mahizaay a kasaupuan, nika katuud ku caay henay kasikakawaway a tademaw,pakuyucay a kanatal kuheni.
hanu u "Mon-te-ney-luo a kamu" masasukamu kuMontenegro (蒙特內哥羅) a tademaw ayza, mahiniay a kamu sa u "lumeni'ay nu buyu' a kamu" han. nika i "Nan-se-la-fu siyakayay cu-i kasaupuay a kanatal" (南斯拉夫社會主義聯邦共和國) henay sa ,nu u Say-Er-Wey-Ya-Ke-lu-ay-si-ya (塞爾維亞-克羅埃西亞語) a kamu, ku masasukamu kuSerbia (塞爾維亞),Croatia (克羅埃西亞), Bosnia (波士尼亞) atuMontenegro (蒙特內哥羅) i sumamad sa.
demiad nuMontenegro (蒙特內哥羅) sa, u Ti-Cung -hay-sin(地中海型) ku demiad , mahiniay a demiad sa , maacaacakay aca i lalud ,maudaudaday aca i kasienawan, sisa yu kasienawan , u sayadahay kaudaudadan a buladbuladan, kanahatu sacaledesay nu lalud makala tu 30 tu (度) ku hahanhannan. atu i sakapitu atu sakawalu a bulad sa u sacaledesay a demiad, nika u kakaydihan nu miidangay a tayni miidang a bulad.
