Loma ( I’tali’ a kamu: Roma ) sasayaway akenis i Oco a kanatal u I’tali’ atu Loma kuwani’se suhu atu I’tali’ hamin nu kitaki a cenci , manamec ,nulangaw atu lawa’dan , i I’tali’pantaw nu tebanan taypusawac nu makasasaay a enal , sayaway misanga tu pituay u adidiay a buyu’ , kiyu panganga han tu ‘’ pitu masabuyu’ay a kenis ‘’ .
asip han ku maylabuay a tademaw nu ancen a kenis , kina kenisan u sayadahay a tadebaw nu Loma i I’tali , u ahebal nu lala’ hatida 1,285 pinwankungli ‘’ 496,1 pinwainli ‘’ , tuseay a tademaw sa 2,860,009 tantaw , baylabuay nu kenis atademaw hamin sa 4,355,725 tandaw . u tademaw nina kenisan i Omong u sakatulu kayadah nu tandaw .
u Loma i kitaki sakasingangan tu nu namekan a nulangawan kina kenis , sakahenulan nu sitangahay ku tatangahan nu kacakadan i ticunghay atu u tasayaway matinengay i sumamada u Loma , satenesay nu namekan a nisangaan kina luma’ , u tanengay a kenis nu namekan tu tenes 2800 a mihca , nu sumamadan kacakadan kina kenis i Oco .
ayaw nu seci walu celahcan katukuh nu sasayaway a seci lima calahcan makaala tu 1300 a mihca , u nu hungtian tu a kenis ku Loma mahida tu ku Loma hungti kanatal , Loma masacapuay a kanatal , Loma hungti kanatal satipanay nu Loma huti kanatal . namakay waluay celahcan mala pasubanaay a kanatal atu kakisama Loma hungti a kanatal kya kenis , mahida tu hayni katukuh 1870 a mihca .
ayaw nu celahcan cacay a seci i Loma u matinengay misulid a tademaw ci Tipulusi sayaway pangangan tu ‘’ nadatenga a kenis ‘’ ( latin a kamu :Urbs Aetema ) , kuyini a nipangangan awiyte , wiycil , atu liwiy u matinengay misuliday atu namekan a tatacuwa katinenga namin nu tandaw . i kasumamadan nu Loma atu mayteban a seci henay sa , pakasinganganen ku Loma ‘’ Caput Mundi ‘’( kenis nu kitaki ) .
u ahebal nu lala’ idaw ku 1200 pinwankungli nu Loma . Loma i kitaki u tinsukiw a kiwkay naming i payteban a kitidaan ,hatida kayadah idaw ku 700 nu kiwkay atu siwtawyan , pituay u tabakiay nu tinsukiw a picudadan , kakenisan nu fatikan u tapang a kiwkay nu Loma ( u mikelitay a sunhu) atu u enen nu babaungan a kakitidaan .
kenis atu unaumahan yadah tu ku nipisinga’ tu tuud nu kasumamadan , Loma atu Fololusi malcaday i nu I’tali’ a palekalay tu nalimaan misulid a kitidan , namahida nikapatayan nikelawu’ , mamin mahidanan ku nu hungti a pasubanay i Loma mikilul tu nikalalitinlitin misanga tu luma’ atu misakapah tu sasangan i tuse , kina tuse a niyadu’ i kitakit pala u kucungay atu nulangaw a kitidan .
Namahini duma sa paluke kucungay atu baluhay sumama nidatenga a kawaw u saayaway a naenengan , idaw tu ku nikawawan tu kucungay , mikulitay, mituktukay atu misalumaay mala kalaluwaluwan a kitidan , hami ninakenis u tutuud a nisangan . 1871 a mihca , u Loma unu I’tai’ huntiay kitaki a tuse , 1946 a mihca malu nu I’tali’ a masakaputay kapulungan a kanatal .
2019 a mihca , i kitaki u Loma sabaw sepad ku sayadahay nu midangay amidang tina tusean , idaw ku 860 nu midangay , nu Omong pakatulu ku yadahay nu midangay tina tusean ,u kanamuhan nu midangay kina piidangan a midang ku I’tali’ . nahmekan nu duma unu paykanatal pasubanaay kesey nulangaw a kaput i kitaki nisubelitan .
Namahida i 1960 a mihca mikawaw tu nu lalutay awinhuy kina tuse , ayda , u Loma unu paykanatal tu mitesekay a mikawaway a kakitidaan , pikanan nu paykanatal atu masakaputay nu malukay ( FAO , ) , pikanan nu mikawaway i kitaki ( WFP ) atu kanatal nu malukay sapalahat sikawaway ( IFAD ) .
Kina tuse idaw ku ticunghay nu malcapuay pikaykian u pikaykian nu misu pikawawan ( UfM) atu katuuday nu kanatal tu kakawawan hamin , mahida u ayni , I’tali’ kanatal nu padinkiay a pikawawan , atu nu itiniay a kanatal atu nu kanatalay u pisingaan tu kalisiw , u kalisiw nu Loma i pisiwbaan a kitidaan yadah ku simal a kakitidaan , misangaay tu sapaiyu atu kitidan nu mikawaway tu kalisiw a kusi . .
國際知名品牌在這座城市的發展，也使羅馬成為重要的時尚和設計中心。
i palahad tina kenisan i kanatal u singanganay naming , u kahenulan i Loma ku kapah nu salungayan atu misangay a kitidaan .
