Kay-luo “A-la-puo kamu ：القاهرة，Luo-ma-hua：al-Qāhirah，IPA：[ælˈqɑːhɪɾɑ] （ⓘ））u Ay-ci a suo-tu, Ay-ci satabakiay a tukay atu kanatal sakaudip, saculilan atu tatelungan a lalangaw, inatukay milakuuyt tu Ni-luo-he, u niyadu’ nu Cung-tung a cen-ce, sakaudip atu tatelingan nu pisiwbayan. u Kay-luo-sen, Ci-lung-sen atu Kay-le-yiw-pu-sen misakaputay, saan u Ta-kay-luo niyadu’, tuseptucay mihcaan, ina niyaduan tademaw makaala tu tucaylusep a wang ku tademaw, ina Ta-kay-lu mala Ay-ci atu A-la-puo kitakit atu Huy-cuo satabakiay a tukayan, u kitakit nu sabaw enem nu tabakiay a tukayan.
aydaay nu matinengay pakaudip tu binawlan a wama ci Ta-la-te'. Ha-e-pu a nituktukan a sasing itida mutideng i tatelungan nu Kay-luo
Kay-luo i kitakit u satenensay a tukayan, namaka Ku-ay-ci nu zitayan a Mun-huy-se namaka babalakiay a kitidaan atu Ci-sa-cin-ce-ta-cun, taydaaca i tukay namaka Ay-ci-a-la-puo nikudan a sayaway nu suo-tu Hu-se-ta-te’ nipalahatan, aydaay a Kay-luo niyadu’, A-la-puo-mu-se-lin ku katuuday, Ke-pu-te’ sinzya nu kikisetu katuud ku tademawan.
Kay-luo a tatelungan nu likisi itida i caysiwpicsiw mihcaan mapasiket tu kitakit u liwan namaka babalakiay. miduduc tu hekal atu kitakit nu pikinkiwan a wangle “ GaWC” a nipihapu “ kitakit nu tukayan” a kasi nganganan, Kay-luo pasilacen u BETA+ ci a kanatal tukay katukuh ayda, Kay-luo idaw ku A-la-puo satenesay nu kitakit a likisian, satabakiay a lalangawan, kakacuduan atu dadadiwan nu kawawan, atu sakatusa nu kitakitan nu sumamaday a satalakaway nu Ay-ce-ha-e tabakiay a cacudadan. hatidaay nu pasingbungay, kakakulian atu masakaputay itini tina niyadu’an idaw namin ku nipatideng tu hunbuan, A-la-puo kanatal lin-mun a sin-ce tatelunga itinitu a patideng.
maka Ni-luo-he miadih tu NBE a luma' Ay-ci kanatal nu gingku
ayda Kay-luo tademaw malakuuyt ku 1000 wang ku tademaw, tukay nu kitidaan milakuuyt tu 453 pin-hun-kun-li, duma hakiya idaw ku 950 a tademawan i capi nu tukay mueneng. malecad atu duma a tukayan, Kay-luo laecus tu hahanhanan atu caculilan hinasud tu. Kay-luo sasaay nu silamalay u Huy-cu tusa ku dadan nu sasaay a silamalay, caay kaw kitikit nu sakanai’an nu lawat a sabaw lima nu sasaay a silamalay, tu mihcaan mikacaway a tademaw makaala tu 10 yi a tatademawan. 2005 mihcaan Kay-luo sakaudip itida i Cung-tung u sayaway, 2010 mihcaan hekalay nu tukay nipiasipan i kitakit saka 43 ku nika singanganan.
Kay-luo itida i Ay-ci sa u Yiw-nu “ Ku-ay-ci kamu: ỉwnw，La-tin-hua：lunu，imi u “ kakaydaan” aci An-nu “Anu”, bacalay a cudad u Oan “On”、He-li-aw-puo-li-se “ Si-la kamu: Hλιούπολις, imi u “ di’tu nu cilal a tukay”, Mi-se-e: A-la-puo kamu: duma han “Miṣr”, imi u “luma’ nu hitay, nikuda mala haminay nu Ay-ci a ngangan”, nikudan sumad han u Hu-se-ta-te’ “ A-la-puo kamu: الفسطاط,，imi u “ timaku” 868 mihcaan Tu-lun-wan-caw Ay-mi-e-ay-ha-may-de.Yi-pen. Tu-lun itida i Hu-se-ta-te’ amisan misangan tu baluhay tu Cya-ta-yi “A-la-puo kamu：القطائـع, katukuh 999 mihcaan Fa-ti-ma-wan-caw Ha-li-hua Mu-yi-ce-pay-pu hiya ku Caw-hay-e debungan ku A-pa-se wan-caw kuwanan a Ay-ci, 973 mihcaan malimad tayni i tini, ya baluhay a suotu pala Kay-lou “al-Qāhira, imi kata a tukay” kalingatuaan a ngangan.
Ka-luo itida i Ay-ci amisan, tumulan nu Ti-cun-hay 165 kun-li, Su-yi-se-wan atu Su-yi-se-sauwac nutipan tu 120 kun-li. ina tukay itida i Ni-luo-he dadipasan, mitepal tu nanum miliyas tu liken a dihepan, macinuwas taydan i sasa nu Ni-lu-he San-cyaw-cuo a timulan. Amica ku Kay-luo namaka Ni-luo-he pasayda minayat tu ahebalay, nika Kay-luo-se itida i sauwac nu walian nu dadipasan atu nu tusaay a subala, hamin nu kitidaan 453 pin-fun-kun-li.
katukuh tu 19 se-ci cun-ye, nanum mala cascas, sapiteng tu nanum atu duma nu sapilawa, icapi nu Kay-lu a Ni-luo-he hina kaydaan nu nanum atu talakw sananay a nanum. hatiniay tu nu mihcaan, Ni-luo-he hamaw sa pasayda i nutipan, patideng tu walian nu lilisan atu aydaay nu maci a Muo-ka-ta-mu nika talakawan a kakitidaan. sabaw tu cacay a secian Ni-luo-he a salahbal matulin macunus ku Kay-luo a niyadu’. idaw ku cacayay u Geziret al-Fil a baluhay nu subalan itida i 1174 mihcaan sayaway a tahekal, nika sadikuday atu Ta-lu malalitin. Geziret al-Fi a liwan namaka babalakiay nu kitidaan ayda han u Su-pu-la niyaduan. kainai’an nu lahecian a zitay itida i sabaw sepat a secian patideng tu duma a subalan, ayda u Ca-ma-lei-ke’ kitidaan atu Cea-ci-la-kitidaan a nisakaputan. Ma-mu-lu-ke tademaw atu E’-tu-man tademaw a misatadas tu lala, misaicelang patideng tu tukay atu nanum itida i walian a misaahebal.
hamin nu Ni-lu-sauwac i Kay-luo teban nu sasing ku sangaw i tapiingan ku tada sangaw
mulaliway tu nu nanum i Ni-luo-he, tukay a sin-sin-niyaduan, pasu balubaluan a tukay, telungan nu Kay-luo atu Ca-ma-lea-ke patideng sa i miliyas tu dadipasan nu macapiay a kitidaan. ya kitidaan u Kay-luo nu Ta-se-kun a kitidaan, i amis, wali atu timul hiyan nu tukay a lawaan ku malumanay a niyadu’an. malumanay a Kya-luo i tumulan nu macimacian, idaw ku Hu-se-ta-te’ a liwan nu babalaki atu Kay-lu-ke-pu-te’ sumamaday a tukay. i amisan nu tukay a Pu’-la-ke’ niyadu’ i sabaw tu enem a idaw nu cacayay a minatuan, aydaay nu Kay-luo tatelungan nu kakulian. Kay-luo-cen-paw itida i walian nu macimacian. miliwliw tu Kay-luo Yi-se-lan malumanay, Kay-luo nu tipan idaw ku ahebalay a kilakilangan nu dadanan, itidaay a niyadu’an malalid nu O-cuo aydaay a sangan nu luma’an, walian nu pinaay a se-cian kacikian sa nai’ ku mamamelawan, adidiay a dada, macacecelay nu matatuntunduhay a luamaan atu Yi-se-lan a sangan nu luma’ ku tatungusan.
sipakay pabaw miadih ku Kay-luo tumulan Ke-ci-la-subal maliwliw nu Ni-luo-he
amisan nu Kay-luo atu sawalian pasu Wi-sin tukay nu niyadu’an, u aydaay nu macunusay a tukay nu niyadu’an, hakiya i 20 se-ci tu hedek atu 21 se-ci lingatu mabuwah tawya, mananam tu Kay-luo a nikacelakan. Ni-luo-he nutipan maala ku Kay-luo macimacian, nika namaka Ci-lun-se atu Ci-lung-sen nikakaputan. aydaay nina tukay amica kaw nu Kay-lauo a niyadu’an u tademaw makaala tu 270 wang nu tademawan. tusepsepwal mihcaan Kay-lou-sen itida i He-le-wang amisan, tawya Ka-luo timulan nu niyadu’an, pasu Ma-ti atu Sin-kay-lu, pakakenisa pala baluhay a sen, katukuh i tusepcaycay mihcaan, He-le-wang-sen malangatu aca papidipicen i Kay-luo-sen.
