Mbwana Samatta

Maelezo binafsi
Jina kamili	Mbwana Aly Samatta
tarehe ya kuzaliwa	23 Desemba1992 (1992-12-23) (umri 32)
mahali pa kuzaliwa	Dar es Salaam,Tanzania
Maelezo ya klabu
Klabu ya sasa	PAOK
Senior career*
Miaka	Timu	Apps†	(Gls)†
2010–2011	Simba	25	(13)
2011–2016	TP Mazembe	103	(60)
2016–2020	Genk	144	(56)
2020– 2020	Aston Villa	14	(1)
2020 - 2023	Fernabahce	30	(5)
2021 - 2022	→Antwerp (mkopo)	32	(5)
2021 - 2022	→Genk (mkopo)	33	(6)
2023 -	→PAOK	30	(2)
Timu ya Taifa ya Kandanda‡
–	Tanzania	81	(22)
* Senior club appearances and goals counted for the domestic league only. † Appearances (Goals). ‡ National team caps and goals correct as of 15 September 2024

Mbwana Ally Samatta, (alizaliwa23 Disemba1992), nimchezaji wampira wa miguu waTanzania katikaklabu ya Feberbahce nchiniUturuki^[1]. Mbwana ninahodha watimu ya taifa ya TanzaniaTaifa Stars na kabla ya kuhamia klabu ya Feberbahce (Uturuki) alikuwa akucheze timu ya Aston Villa nchiniUingereza^[2].

Samatta alianza kucheza soka la kulipwa katika klabu yaAfrican Lyon F.C. mwaka2008 nchiniTanzania. Alisajiliwa na klabu yaSimba mwaka2010, ambapo alicheza katika nusu msimu tu kabla ya kujiunga na klabu yaTP Mazembe yaJamhuri ya Kidemokrasia ya Congo. Alicheza kwa miaka mitano ndani ya TP Mazembe na kujijengea nafasi katika kikosi cha kwanza cha klabu hiyo.

Mwaka 2015, alishinda taji la mchezaji bora wa mwaka waAfrika, na kumaliza msimu akiwa mfungaji bora wa mashindano ya klabu bingwa Afrika (Ligi ya Mabingwa Afrika) na kuisaidia klabu yake kushinda taji hilo.

Samatta alijiunga na klabu ya KRC Genk ya nchini Ubelgiji mnamo januari2016, aliisaidia kufuzu michuano yaUlaya maarufu kama Europa Ligi na kushinda taji la ligi ya Ubelgiji (Belgian Jupiler Ligi mwaka2019. Alimaliza msimu akiwa mfungaji bora wa ligi hiyo akashinda tuzo ya mchezaji bora wa ligi ya Ubelgiji (Ebony Shoe award)^[3].

Manamo Januari mwaka 2020, Samatta alisajiliwa na klabu yaAston Villa ya nchini Uingereza na kuwa mchezaji wa kwanza kutoka nchini Tanzania kucheza na kufunga goli ligi kuu ya nchini Uingereza.

Samatta alikua mchezaji muhimu waTP Mazembe waliposhinda taji la klabu bingwa Afrika mwaka 2015 (2015 CAF Champions Ligi), akifunga jumla ya magoli saba na kumaliza akiwa mfungaji bora.^[4]

Mnamo Januari 2016, aliposhinda tuzo ya mchezaji bora wa Afrika, aliweka rekodi ya kuwa mchezaji wa kwanza kutokeaAfrika ya Mashariki kutwaa tuzo hiyo. Katika ugawaji wa tuzo hizo uliofanyika jijiniAbuja,Nigeria, tarehe 7 Januari 2016, Samatta alikusanya jumla ya alama 127, akimzidi mchezaji mwenzakeRobert Kidiaba mlinda lango wa TP Mazembe na timu ya taifa ya DR Congo aliyepata alama 88.Baghdad Bounedjah raia waAlgeria alishika nafasi ya tatu akiwa na alama 63.^[5] Katika mchezo dhidi yaMoghreb Tétouan yaMoroko, Samatta alifunga magoli matatu kwa mpigo (hat-trick) yaliyowafanya wasonge hatua yanusu fainali ya klabu bingwa Afrika. Magoli hayo yanakumbukwa sana katikahistoria ya klabu ya TP Mazembe.^[6]

Muda mfupi baada ya kushinda tuzo ya mchezaji bora wa Afrika, alijiunga na klabu ya K.R.C. Genk kwa mkataba wa miaka minne na nusu.^[7] Tarehe 23 Agosti 2018 Samatta alifunga goli tatu kwa mpigo(hat-trick) dhidi ya Brøndby IFkwenye mashindano ya Ulaya maarufu kwa jina la Europa Ligi walfanikiwa kupata ushindi wa goli 5–2.^[8]Mei 2019 aliishinda tuzo ya mchezaji bora wa ligi ya Ubelgiji (Ebony Shoe).

Mnamo Januari 20, 2020, Samatta alijiunga na klabu yaAston Villa inayoshiriki ligi Kuu ya Uingereza kwa mkataba wa miaka minne na nusu.^[9] Uhamisho huu ulimfanya Samatta kuwa mchezaji wa kwanza wa kitanzania kucheza ligi kuu ya Uingereza.^[10] Ada ya uhamisho inakadiriwa kuwa £8.5 milioni.^[11][12] Mchezo wa kwanza alicheza siku nane baada ya kusajiliwa dhidi ya Leceister City kwenye mzunguku wa pili wa mashindano ya Carabao hatua ya nusu fainali, waliibuka na ushindi wa magoli 2 – 1, kwa matoke ohayo, Villa walifika hatua ya fainali.^[13]

Samatta alifunga goli lake la kwanza manamo 1 Februari 2020, walipocheza naBournemouth, mchezo ulimalizika kwa Villa kushinda magoli 2 - 1. Goli hilo lilimfanya Samatta kuwa mchezaji wa kwanza kutoka Tanzania kucheza na kufunga kwenye mashindano ya Ligi ya Uingereza.^[14]

Samatta alijiunga na Klabu ya Fernabahce ya nchini Uturuki tarehe 25 Septemba 2020, kwa mkopo hadi mwisho wa msimu.^[15] Ulipofika mwisho wa mkopo mnamo Julai 2021, Samatta alisaini mkataba wa miaka minne, hii ilikua ni sehemu ya makubaliano ya uhamisho wake.^[16]

Tarehe 1 Septemba 2021, Samatta alijiunga naRoyal Antwerp ya nchini Ubelgiji kwa mkopo wa msimu mzima.^[17]

Ilipofika 16 Agosti 2022, Samatta alirudi tena Genk kwa mkopo, uhamisho huo ulikua na chaguo la Genk kumnunua.^[18]

Mnamo tarehe 17 Julai 2023, timu ya nchini UgirikiPAOK ilitangaza kumsajili Samatta kwa mkataba wa miaka miwili, mkataba huo ulikua na nafasi ya kuongeza mwaka mmoja.^[19]

Mbwana Samatta niMndengereko kutokaKibiti kwakabila. Katika maisha yaimani niMuislamu.^[20]

^[21]

Goli	Tarehe	Uwanja	Mpinzani	Alama	Matokeo	Mashindano
1.	26 Machi 2011	Uwanja wa Taifa,Dar es Salaam, Tanzania	Jamhuri ya Afrika ya Kati	2–1	2–1	kufuzu AFCON 2012
2.	3 Septemba 2011		Aljeria	1–0	1–1
3.	11 Januari 2013	Uwanja wa Adis ababa,Addis Ababa, Ethiopia	Ethiopia	1–1	1–2	Mchezo wa Kirafiki
4.	6 Februari 2013	Uwanja wa Taifa Dar es Salaam	Kamerun	1–0	1–0
5.	24 Machi 2013		Moroko	2–0	3–1	kufuzu fainali za kombe la dunia 2014
6.				3–0
7.	4 Disemba 2013	Uwanja wa Afraha,Nakuru, Kenya	Burundi	1–0	1–0	hatua ya makundi mashindano ya CECAFA 2013
8.	12 Disemba 2013	uwanja wa Nyayo,Nairobi, Kenya	Zambia	1–1	1–1	mashindano ya CECAFA hatua ya mtoano 2013
9.	3 Agosti 2014	uwanja wa Estádio do Zimpeto,Maputo, Msumbiji	Msumbiji	1–1	1–2	Kufuzu AFCON 2015
10.	7 Oktoba 2015	Uwanja wa Benjamin Mkapa, Dar es Salaam, Tanzania	Malawi	1–0	2–0	kufuzu fainali za kombe la dunia 2018 hatua ya kwanza
11.	14 Novemba 2015		Aljeria	2–0	2–2	kufuzu fainali za kombe la dunia 2018 – hatua ya pili
12.	23 Machi 2016	uwanja wa Stade Omnisports Idriss Mahamat Ouya,N'Djamena, Chad	Chad	1–0	1–0	kufuzu AFCON 2017 hatua ya makundi
13.	25 Machi 2017	Uwanja wa Benjamin Mkapa, Dar es Salaam, Tanzania	Botswana	1–0	2–0	Mchezo wa kirafiki
14.				2–0
15.	10 Juni 2017		Lesotho	1–0	1–1	kufuzu AFCON 2019 Kundi L
16.	27 Machi 2018		Jamhuri ya Kidemokrasia ya Kongo	1–0	2–0	Mchezo wa kirafiki
17.	16 Oktoba 2018		Cabo Verde	2–0	2–0	kufuzu AFCON 2019
18.	27 Juni 2019	uwanja wa 30 June Stadium,Cairo, Misri	Kenya	2–1	2–3	AFCON 2019 Kundi C
19.	8 Septemba 2019	Uwanja wa Benjamin Mkapa, Dar es Salaam, Tanzania	Burundi	1–0	1–1 (3–0 mikwaju ya penalti)	kufuzu michano ya kombe la dunia 2022 hatua ya kwanza

TP Mazembe^[24]

• Linafoot:2011, 2012,2013,2013–14
• DR Congo Super Cup: 2013, 2014
• Klabu bingwa Afrika: Klabu bingwa Afrka 2015^[25][26]

Genk

• Ligi kuu ya Ubelgiji: msimu wa 2018–19^[27]
• Belgian Super Cup: michuano ya pili ya Ubelgiji 2019^[28]

Binafsi

• Mshindi wa tuzo ya mchezaji bora wa Afrika: 2015
• Timu yam waka ya CAF: 2015^[29]
• Mfungaji bora ligi ya mabingwa Afrika:2015^[4]
• Mchezaji bora ligi ya Ubelgiji: 2019^[3]
• Mfungaji bora ligi ya Ubelgiji: msimu wa 2018-19^[28]

Makala hii kuhusu mchezaji mpira fulani bado nimbegu. Je, unajua kitu kuhusuMbwana Samatta kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwakuihariri na kuongeza habari.

Hitilafu ya kutaja:<ref> tags exist for a group named "tanbihi", but no corresponding<references group="tanbihi"/> tag was found

• Pages with reference errors
• Kurasa zenye makosa ya hati
• CS1 maint: date auto-translated
• CS1 maint: url-status
• CS1 errors: redundant parameter
• CS1 maint: unrecognized language
• Mbegu za wachezaji mpira
• Waliozaliwa 1992
• Watu walio hai
• Wachezaji mpira wa Tanzania
• Watu kutoka Dar es Salaam

• Kurasa zinazotumia marudio ya hoja katika wito wa kigezo
• Kurasa zilizo na hoja zisizo za muundo wa nambari