| Al Qori'ah القارعة | |
|---|---|
| Informasi | |
| Harti | Poé Kiamat |
| Golongan | Makkiyah |
| Surah ka | 101 |
| Statistik | |
| Jumlah ruku' | 1 ruku' |
| Jumlah ayat | 11 ayat |
Surat Al Qori'ah (basa Arab:القارعة) nyaéta surat ka-101 dinaAl Qur'an. Surat ieu diwangun ku 11 ayat, kaasup golongan surat-suratMakkiyah, diturunkeun sanggeus surat Quraisy. Ngaran Al Qoriah dicokot tina kecapAl qori'ah anu aya dina ayat kahiji, nu hartina nu ngageumpeurkeun, saterusna kecap ieu dipaké pikeun ngaran poé kiamat.
Poko eusi surah ieu téh kajadian-kajadian dina poé kiamat, nyaéta manusa paburisat, gunung mawur baritu, amal gawéna manusa ditimbang sarta dibales.
| Ayat ka | Tulisan Arab | Tarjamah basa Sunda |
|---|---|---|
| 1. | ٱلۡقَارِعَةُ | Nu ngageumpeurkeun (poé kiamat). |
| 2. | مَا ٱلۡقَارِعَةُ | Naon ari nu ngageumpeurkeun (poé kiamat) téh? |
| 3. | وَمَآ أَدۡرَٮٰكَ مَا ٱلۡقَارِعَةُ | Jeung naha manéh nyaho, naon ari nu ngageumpeurkeun téh? |
| 4. | يَوۡمَ يَكُونُ ٱلنَّاسُ ڪَٱلۡفَرَاشِ ٱلۡمَبۡثُوثِ | Nyaéta poéan manusa jadi paburisat cara kukupu. |
| 5. | وَتَكُونُ ٱلۡجِبَالُ ڪَٱلۡعِهۡنِ ٱلۡمَنفُوشِ | Jeung gunung-gunung lir ibarat bulu nu mawur. |
| 6. | فَأَمَّا مَن ثَقُلَتۡ مَوَٲزِينُهُ ۥ | Nya sing saha anu beurat timbangan (kahadéanana). |
| 7. | فَهُوَ فِى عِيشَةٍ۬ رَّاضِيَةٍ۬ | Manéhna bakal hirup dina karidoan. |
| 8. | وَأَمَّا مَنۡ خَفَّتۡ مَوَٲزِينُهُ ۥ | Jeung ari anu hampang timbangan (kahadéanana). |
| 9. | فَأُمُّهُ ۥ هَاوِيَةٌ۬ | Tinangtu pangbalikanana téh jungkrang anu jero (hawiah). |
| 10. | وَمَآ أَدۡرَٮٰكَ مَا هِيَهۡ | Jeung naha manéh nyaho naon ari hawiah téh? |
| 11. | نَارٌ حَامِيَةُۢ | (Éta téh) seuneu anu kacida panas. |
