Silicium wäd in fuul Twiege fon Industrie ferwond.Siliciumdioxide wäd in Foam fonSound ofKloai bruukt foar ju Produktion fon fuul Baumaterialien. Man dät rakt noch fuul uur Produkte, wieroun oafte Silicium feroarbaided wäd, as:
Computerchips: Do Bau-Elemente fon n Chip wäide fabriksierd ap ne Siliciumskieuwe.
Keramik: Siliciumdioxid is Gruundstof fon fuul keramiske Materialien.
Stäil: Silicium wäd oafte bruukt as Tousats an Stäil.
Glääs: in Foarm fon SiO2 is Silicium Basismaterioal fon Glääs
Deerieuwenske rakt dat noch fuul fon uur Anweendengen fon Silicium in ju Industrie.
Uk kumtSiliciumdioxid foar in dät Ieten (in Koarel, as Hoawer) un kon et as Tränmiddel iensät wäide, as Kläärhälpemiddel bie Wien un Bjoor un Äntskuumer. Ap Etikätte wäd dät beteekend as AdditiveE551 of wäide do Noomen Kieseläide, Kwarts of Kieselsüüre ferwoand.
Kristallin Silicium sjucht metallisk uut un häd ne griese Faawe. Wan uk n relativinert Element, reagiert et unner bestimde Bedingengen mädHalogene, man do maasteSüüren hääbe neen Wierkenge.
AtterSuurstof is Silicum dät maast foarkuumende Element in juÄidkoarste. Ju Äidkoarste bestoant uut 25,7% Silizium in sien ferskeedene Ferbiendengen. In elementare Foarm kumt Silicium in de Natuur nit foar. Do maast foarkuumende Ferbiendengen sunt Siliziumdioxid (SiO 2) asKwartse,Opoal unFjuursteen un in komplexe Ione (Silikate) asAsbest,Kloai unGlimmer.
In kommerzielle Uutmäite wäd Silicium wonnen truch Bäiten fon Kieselsüüre mädKoolestof deertou. Die Koolestofredusiert ju Kieselsüüre tou Silicium ätter ju Gliekenge:
SiO2 + C ? Si + CO2
Dät ap ju Wiese wonnen Silicium häd ne Skeenegaid fon sowät 99%. Foar Iensats in Hoolichlaitere is skanner Silicium nöödich. Deertou rakt dät ferskeedene chemiske un physikaliske Methoden.
Dät Skeenigjen fon Silicium uumfoatet tjo Phoasen.
Phase 1: JuKwarts wäd mäd Kooletof bät tou 3000 ̊C. Truch n Uurskoat anKoolestof bildet sik hier CO (Koolestofmonoxid) un blift skanner Silicium uurich.
Phase 2: dät in ju eerste Phase skeenigde Silicium wäd toueerst uumesät touTrichlorsilan (SiHCl3). Deer wäd dät moangd mädSoaltsüüre (HCl). Keetegaid wäd truchDestillation wächhoald. Dät Trichlorosilan wäd bät tou Ferdampenge un bie gouden Temperatuurwoal äntstoant gjucht skeen Silicium.
Phase 3 (Zonesmilten): n Stäf Silicium wäd bloot in ne litje Zone bit buppe dänSmiltpunkt apwoormd. Deertruch dät Keetegaid fuul beeter in ju flüssige Phase aplööse as in ju fääste Phase, wäd in ju flüssige Zone ju maaste Keetegaid ansammeld. Ju wäd dan truch loangsoam Apskuuwen fon ju flüssige Zone ätter dät Eende fon dän Stäf bewääged. Toulääst soaget me dät Stuk oawe un smit dät wäch. Dät uur Stuk is bolde 99,99% skeen.
