Quechua ofKetschua (amtelk in BolivienQhichwa, in Peru maasttiedsQichwa, in't aastelke Jooplound fon Peru un in EcuadorKichwa), is een Gruppe fon ääng mädnunner ferwoandte Sproak-Varietäten, do fonIndioanere in juAnden-Ruumte fonSuud-Amerikoa boald wäide. Do Sproak-Wietenskuppere sunt sik nit eenich, of me hier fon een oankelde,dialektoal stäärk differenzierde Sproake baale skäl, of fon een Sproak-Familie mäd moorere Sproaken, un dät honget deer uk fon ou, ätter wäkke Kriterien me unnerskat, of do Varietäten nu as Dialekte of as oaine Sproaken bekieked wäide skällen (sproak-immanente struktuurelle of soziolinguistiske / identitäre Kriterien).
Ferskeedene Quechua-Varianten wuuden ieuwenske uur Sproaken uk in ju Kultuur fon doInka, man uk al in Kultuuren foar ju Inka-Tied boald, wierbie tou dät Eende fon ju Inka-Tied een Variante (dät sonaamde "klassiske Quechua") as Lingua franca in groote Deele fon ju Anden-Ruumte tjoonde.
Ferskeedene Varietäten fon dät Quechua sunt Amtssproake inBolivien,Peru unEcuador, man dät rakt uk Quechua-Baalere in do LoundeArgentinien,Kolumbien,Chile unBrasilien. Aaltouhoope wäd taksierd, dät deer 7,8 Millionen Ljuude Quechua baale konnene. UnnerQuechua (Foulk) wäide do Foulksstomme touhoopefoated, do deer Quechua baale.
