| Dalbergien | ||||||||||||
|---|---|---|---|---|---|---|---|---|---|---|---|---|
 Holtbusk mäd ju OardDalbergia latifolia in Indonesien | ||||||||||||
| Systematik | ||||||||||||
|
DoDalbergien (Dalbergia) sunt aan Sleek fonPlonten in ju Unnerfamilie fon doFlitterke-Blöitlere (Fabioideae) binne ju Familie fon do Hulsenfruchte (Fabaceae). Do 100 bit 300 Oarden sunt in juNeotropis (dät is fonSuudamerikoa uur Deele fonMiddelamerikoa bitFlorida) juust so as in tropiske un subtropiske Rebätte fonAfrikoa unAsien fersprat. Dät Holt fon wäkke Oarden wäd in dän Honnel mäd dän NoomePalisander beteekend. Sänt Januoar 2017 unnerlääse aal do Oarden fon dän Sleek dätWashingtoner Oardenskuts-Oukuumen.
Dät Holt fon fuul Oarden fon dän Sleek is een wäidfulEedelholt. Do maaste fon düsse Holte wäide asPalisander beteekend, wäkke derfon häbe uk uur Honnelsnoomen, biespilswiese wäd dät Holt fon ju OardDalbergia decipularis asRousenholt ferkooped, uumdät dät frisk apsniedene Holt aromatisk rukt. Man dät is nit ju eensige Oard, ju mäd düssen Noomen beteekend wäd.
Dät Holt fon dänRio-Palisander of Brasilioansken Palisander (Dalbergia nigra) is aiske fräiged, man dät is truchRoofbau unner ju Wiele so säilden wuuden, dät dät in dän Ounhong I fon juCITES-Lieste fierd wäd.Dalbergia latifolia lääwert dän aiske begeerden "Aastindisken Palisander".Dalbergia retusa uut Middelamerikoa rakt een Holt, dät foar fuul ferskeedene Seeken goadelk tou bruuken is un unner dän Noome "Cocobolo" ferkooped wäd. Dät Holt fon ju afrikoanske OardDalbergia melanoxylon is een fon do loodichste Holt-Oarden un wäd unner dän Noome "Grenadill" besunners foar dän Bau fon hoochwäidige Holt-Bläisinstrumente (Klarinetten,Oboen) bruukt.
Sänt dän 2. Januoar 2017 is die heele Sleek Dalbergia mäd Uutnoame fonDalbergia nigra in dän CITES-Ounhong II liested.