Ju StäädBridgetown in dän ParishSaint Michael is ju Haudstääd fon dän karibisken Ailound-StoatBarbados un juustso die wichtichste Hoawen un die ökonomiske Middelpunkt. Uurspröängelk wuude ju StäädIndian Bridge naamd, ätter een al in indioanske Tied baude Brääch uur ju Äi, ju däälichConstitution River hat. Ju Stääd wuude in1628 fon do Briten gruunded un häd däälich sowät 7.000 Ienwoonere, man bietou mout me noch sowät 80.000 Ienwoonere fon do Foarstääde meetälle, wät betjudt, dät in un uum ju Stääd sun Träädendeel fon ju Befoulkenge fon Barbados lieuwt. Do Ljuude fertjoonje sik dät Jäild mädTourismus, man jo staale ukSukker,Rum unMelasse häär.
Wier dieConstitution River in ju See fljut, is däälich aanYacht-Hoawen. Hie wäd in't Säntrum fon ju Stääd as "Careenage" beteekend, uumdät hier aleer doSailskiepe liegen, uum dän Rump skeen tou moakjen. Fluks bie ju "Careenage" lait dieNational Heroes Square (aleer:Trafalgar Square), die säntroale Ploats fon ju Stääd, wier älken Dai fon Klok säks smäidens bit Klok säks säiwends ätter een fäästskrieuwen Sätgjucht ju Flaage fon Barbados waaie mout. Hier sunt uk doParliament Buildings (aleer:Public Buildings), die Sit fon do bee Koomere fon dät barbadienske Parlemänt tou fienden. In ju Midde fon dän Ploats stoant dät Nelson-Toankmoal, dät in 1813 ienwäid wuude un deermäd bienaist 30 Jiere aller is as die Nelson-Stiepel inLondon. Bie dänHeroes Square begint mäd ju Broad Streed ju wichtichste Ienkoopssträite fon Bridgetown, wier sik Winkelhuuse mäd internasjonoale Weeren, litjere Winkelhuuse un Banken fiende.
In Bridgetown rakt dät wäkke betjuudende Bauwierke fon ju britiske Kolonioal-Architektuur. Tou naamen sunt hier dät ooldeBarbados Mutual Building, ju anglikoanske Sänt-Michaels-Kathedroale, ju Ounloage fon dätHarrison College un juSt. Anne’s Garrison. Ju heele Ooldstääd fon Bridgetown is touhoope mäd ju Garnison sänt 2011 een UNESCO-Waareldäärfgoud.
