Ubuntu,(IPA: [uːˈbuːntuː] në anglisht, [ùɓúntú] në gjuhën zulu), është një sistem operativ me burim të hapur përkompjuterin. Shpesh vlerësohet si më popullori nga versionet e shumta të sistemeveLinux. Qëllimi i Ubuntu është të sjellë njëprogram të bazuar në Linux që të jetë i lehtë për përdoruesit e zakonshëm të kompjuterit, duke pasur në qendër të vëmendjes përdorimin dhe lehtësinë e instalimit. Ubuntu është një pasues iDebian, një sistem tjetër Linux pa pagesë. Ubuntu sponsorizohet ngaCanonical Ltd, një firmë e afrikanojugoritMark Shuttleworth. Fjala Ubuntu nëgjuhën zulu do të thotë "njerëzim". Ky version i Linux e ka marrë këtë emër për të treguar filozofinë e tij në botën e programeve. Ubuntu është një program pa pagesë që mund të përdoret nga gjithkush. Shumë sisteme Linux si Pop OS , Zorin OS etj bazohen te Ubuntu.
Kubuntu dheXubuntu janë nënprojekte zyrtare të projektit Ubuntu që kanë për qëllim të sjellin ambientet e desktopëve KDE dhe Xfce, meqë vetë Ubuntu përdor desktopinGNOME. Ka edhe sisteme si Ubuntu Budgie me desktopin Budgie dhe Lubuntu qe eshte nje sistem me desktopin LXQT dhe është krijuar për kompjuterat me performancë të ulët. Edubuntu është një nënprojekt zyrtar, i cili mund të përdoret në ambientet e shkollave ose nga fëmijët në shtëpi.
Ubuntu nxjerr versione të reja çdo gjashtë muaj dhe i mbështet këto versione për 18 muaj me rregullime të reja për rreziqet e sigurisë që mund të shfaqen. LTS-të (Long Term Support - Mbështetje për një kohë të gjatë) janë versione të Ubuntu që marrin mbështetje për 3 vjet për desktop dhe për 5 vjet për serverët. Ubuntu 9.04, Jaunty Jackalope doli në 23 prill 2009. Ubuntu 8.04 LTS (Hardy Heron) doli në 24 prill 2008. Versioni 9.10 (Karmic Koala) doli në tetor 2009. Ne 2020 Ubuntu 20.10 Groovy Gorilla është sistemi më i ri Ubuntu, ndërsa në versionin LTS është versioni 20.04 LTS Focal Fossa.
