Botsuana ka qënë protektorat britanik i quajtur Beçuanalend. Botsvana miratoi emrin e saj të ri mbas fitimit të pavarësisë në vitin 1966. Për katër dekada Botsuana ka pasur një drejtim të pandërprerë civil, politika progresive sociale, si dhe investime të rëndësishme kapitale, duke krijuar kështu një nga ekonomitë më dinamike në Afrikë. Nxjerrja e mineraleve, kryesisht diamant, dominon aktivitetin ekonomik. Turizmi është një sektor në rritje për shkak të praktikave të ruajtjes së natyrës. Botsuana ka një nga normat më të larta në botë të infektimit me HIV/AIDS, por edhe një nga programet më progresive dhe gjithëpërfshirëse në Afrikë për trajtimin e sëmundjes.
Sipërfaqja e përgjithshme e Botsuanës është 581 mijë e 730 km2 prej së cilës 15.000 km2 janë ujë. Botsuana shtrihet rreth koordinatave gjeografike 22° 00'J, 24° 00'L.
Klima në Botsuanë është gjysmë shkretinore, me dimër të nxehtë e verë me vapë.
Relievi i Botsuanës dominohet nga fushat dhe luginat jo aq të thella dhe në jugperëndim nga shkretëtira Kalahari. Pika më e ultë e relievit 513 m është në vendin e bashkimit të lumenjve Limpopo dhe Shashe dhe ajo më e larta në lartësi mbidetare prej 1.489 metrave në bjeshkët Tsodilo (ang.: Tsodilo Hills ), në pjesën veriperëndimore të vendit afër kufirit me Angolën e Namibin.
.svg)