Sunnfjord
Sunnfjord er den sørlegaste delen avFjordane iVestland fylke og omfattar områda rundt fjordane mellom Sognefjorden og Nordfjorden og innover. Området er større ennSunnfjord kommune som blei oppretta i 2020. Tidlegare Sogn og Fjordane fylke bestod av dei tre delaneNordfjord,Sunnfjord ogSogn.
Sunnfjord er også eit prosti iVestland fylke. Prostiet ligg iBjørgvin bispedøme og omfattar kommunaneAskvoll,Fjaler,Sunnfjord ogKinn (unntatt sokna Nord-Vågsøy og Sør-Vågsøy, som høyrer til Nordfjord prosti). Frå 2013 høyrer også Hyllestad og Høyanger i Sogn til Sunnfjord prosti.
Førde, Naustdal, Jølster og Gaular kommunar blei einige om å slå seg saman tilSunnfjord kommune i samband med regjeringa Solbergskommunereform. Dette blei godkjent i Stortinget juni 2017 og tredde i kraft i 2020.
Busetnad
Natur
Utanfor fastlandet, i Ytre Sunnfjord, ligg ei rekkje øyer. Størst erBremangerlandet heilt i nord. Dette havområdet har talrike småøyer og skjær. Her liggStabben fyr, Kinnesund fyr,Ytterøyane fyr og mange fleire som alle er erstatta av automatiske fyrlykter.
Sunnfjord er oppspalta av ein rekkje vest–austgåande trange, til dels krokete fjordar som er klart kortare enn iSogn i sør ogNordfjord i nord. Dei viktigste er frå nord:
- Gulen med tre armar: Nordgulen, Midtgulen ogSørgulen
- Botnafjorden/Norddalsfjorden
- Solheimsfjorden som leier inn til Eikefjorden
- Høydalsfjorden
- Førdefjorden
- Stongfjorden
- Vilnesfjorden/Dalsfjorden
Dei fleste av fjordane vert avløyste av vest–austgående dalar innanfor, mange av dei med store vatn.
I aust når Sunnfjord tilJostedalsbreen. Både her og påMyklebustbreen lenger vest når fjella over 1800 meter over havet.
Namn
Første ledd avsunn, 'sør', brukt om ein fjord som ligg mot sør, her i forhold til Nordfjord.
Kart
Les meir i Store norske leksikon
- Skriven av:
- Sist oppdatert:
- ,sjå alle endringar
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.