Sigmund Lystrup studerte teologi og vart cand.theol. fråDet teologiske Menighetsfakultet iOslo i 1934. Han vart hjelpeprest i Ringsaker i 1936 og deretter tilsett vedNorsk søndagsskoleforbund. Frå 1939 var han hjelpeprest og sjukehusprest iLier iBuskerud.

Under denandre verdskrigen tok han til med kunstnarutdanning. Etter eitt år ved Statens håndverks- og kunstindustriskole byrja han påStatens kunstakademi i Oslo, med professorAxel Revold som lærar. Han tok eksamen i 1944 og hadde studieopphald mellom anna iItalia,Frankrike ogSveits. Frå 1947 var Lystrup sokneprest iVinje, frå 1962 samstundes prost i Vest-Telemark prosti. I 1964 flytta han med familien til Asker og vart kunstnar på heiltid.

Åra som prest i Vinje var viktige for den kunstnarlege utviklinga hans. Mellom anna hadde han nære relasjonar tilTarjei Vesaas og til målaraneHarald Kihle ogHenrik Sørensen, som heldt til i Vinje på denne tida. Lystrup stod i spenningsfeltet mellom altaret og atelieret, men såg ingen motsetnad mellom dei to yrkesretningane. Han kjende seg kalla til dei begge.

Sigmund Lystrup arbeidde vesentleg med måleri, teikningar og materialbilete. Dei tidlege bileta hans var figurative, med vekt på stemning og atmosfære. I 1950-åra fann han etter kvart fram til eit abstrakt biletspråk, og frå om lag 1960 skjedde ein gradvis overgang til materialbilete, der han nytta mellom anna tre, metall, stoff, spiker og glas. Arbeida hans var rike på symbolikk. Som kunstnar gjekk Lystrup sine eigne vegar. Han søkte seg attende i tid og til andre kulturar, særleg afrikanske.

Som nyutdanna prest var han prega av ein konservativ indremisjonsteologi frå Menighetsfakultetet. Men prestetida i Vinje gav han viktige impulsar som førte han over i ein meir kulturopen folkekyrkjekristendom av grundtvigiansk type. Kunstnaren og presten påverka kvarandre gjensidig.

I 1946 var Sigmund Lystrup første gongen representert påHaustutstillinga, der han òg var med fleire gongar seinare. Han hadde si første separatutstilling i 1951. Arbeida hans er kjøpte inn til mange galleri og samlingar, og han har òg utsmykka mange kyrkjer, institusjonar og offentlege bygg. Han var medlem av Norske Billedkunstnere, med røysterett frå 1951.

• Den norske kirke
• norsk kunsthistorie

• Prester i Den norske kirke og andre teologiske kandidater. Den norske kirkes presteforening. Oslo 2000
• Jan E. Hansen: «Både maler og prest», Aftenposten 29.7.1989
• Dag Kullerud:Mellom alter og atelier. Om kunstnerpresten Sigmund Lystrup. Oslo 2007

• Nettsidene til Asker kunstforening