Berggrunnen i størstedelen av kommunen ergrunnfjell som i atskilleg grad er påverka av den kaledonske fjellkjedefaldinga (sjåden kaledonske orogenesen). Den vanlegaste bergartane i grunnfjellsområdet ergranitt,gabbro ogkvartsdioritt. På halvøya mellom Etnefjorden og Skånevikfjorden, i området søraust for tettstaden og kommunesenteretEtnesjøen og i ei stripe langs grensa i søraust, er grunnfjellet dekt av omdannakambrosiluriskeskifrar (fyllitt ogglimmerskifer). Vidare finst det på sørsida av Etnefjordendjupbergartar som er skove over fyllitten i kaledonsk tid. Slike skyvedekke finst også stadvis på grensa mot Rogaland i søraust.

Åkrafjorden ligg djupt nedskoren og har bratte sider. Den største målte djupna er 650 meter. Det er store sand- og grusterrassar inst i Etnefjorden og langs Etnevassdraget innanfor.

Det høgaste punktet i kommunen er påFolgefonna på grensa til Ullensvang og Kvinnherad (1628 meter over havet). I søraust, like sør for brekanten, når Skorfestenuten 1482 meter over havet. Fjella på sørsida av Åkrafjorden blir gradvis lågare vestover; dei når 1435 meter over havet på Helgedalsnuten på grensa til Sauda i aust mot 755 meter over havet på Hauganuten på grensa til Vindafjord lengst i sørvest. Etnefjella har eit godt utbygd fotrutenett og byr på mange fine turmoglegheiter, eksempelvis langs den gamle ferdselsvegen tilRøldal.

Kommunen har mangefornminne som vitnar om tidleg busetjing. Dagens busetjing er tettast langs Skånevikfjorden og rundt Etnefjorden. Her bur omlag 4/5 av befolkninga i kommunen.

Etne har sidan slutten avandre verdskrigen hatt eit relativt stabilt folketal. Dei siste åra har folketalet vist ein svak vekst; i tiårsperioden 2014–2024 var den så vidt positiv i Etne (0,04 prosent årleg) mot ein vekst på gjennomsnittleg 0,6 prosent årleg i Vestland fylke (etter dei noverande grensene).

Ifylgje definisjonen tilStatistisk sentralbyrå er det totettstader i Etne. Tettstadene er til saman 2,3 km², og omfattar 0 % av arealet i kommunen.

Jordbruk er ei viktig næring i Etne, ogprimærnæringane har i alt ti prosent av arbeidsplassane i kommunen (2023). Etne er blant dei største jordbrukskommunane i fylket. Det blir først og fremst drive eit (2022) allsidig husdyrbruk dominert av mjølkeproduksjon og sauehald. Det blir også halde nokogeit oggris, og Etne har til dømes det største talet på avlssvin i fylket.

Av arbeidsplassane i Etne er 11 prosent i industrien, 29 prosent om ein inkluderer byggje- og anleggsverksemd, kraft- og vassforsyning og renovasjon (2023). Dei viktigaste industribransjane er verkstadindustri, særleg maskin- og metallvareindustri, likeeins næringsmiddelindustri. Også dei tre bransjane bergverk (sand- og grusproduksjon), gummi-, plast- og mineralsk produksjon (betongproduksjon med meir) og trelast- og trevareindustri er viktige for sysselsetjinga i industrien i kommunen. Det blir elles drive ein del entreprenørverksemd i kommunen.

Den tradisjonsrike brislingproduksjonen i Skånevik (Chr. Bjelland AS) stansa så seint som i 2001 som ein av dei siste som dreiv slik verksemd i Noreg.

Det blir drive ein del turistverksemd ved Åkrafjorden, mellom anna fjordcruise og traktorsafari til gardane på den veglause nordsida av Åkrafjorden, i regi av Åkrafjorden Oppleving. Fugl Fønix Hotel i Etnesjøen og Skånevik Fjordhotel i Skånevik er dei to hotella i kommunen.

Etne har middels storvasskraftproduksjon. Dei 14vasskraftverka i kommunen produserer til saman 269gigawattimer i året (gjennomsnitt 1993-2020). Det største kraftverket erHardeland H (i drift fra 1950), som står for om lag ein tredjedel av vasskraftproduksjonen. Andre store kraftverk er Litledalen (1920) og Hardeland K (1958).Sunnhordland Kraftlag er hovudeigar av om lag tre fjerdedeler av vasskraftproduksjonen i kommunen. Nest største eigar er Håfoss Kraftverk med om lag ein tiandedel.

Det meste av kraftproduksjonen skjer i Litledalselva, ei sideelv tilEtneelva. Resten av Etnevassdraget erverna mot kraftutbygging.

Etneelva har tradisjonelt vore ei god lakseelv, men fangstane har variert ein del dei seinare åra. I 2023 blei det teke i alt 1024 kglaks og 202 kgsjøaure/sjørøye i Etneelva. Dessutan blei det same året teke 166 kg laks og 65 kgsjøaure/sjørøye i Fjæraelva.

Den imponerande Langfossen på sørsida av Åkrafjorden er blant deihøgaste fossane i Noreg og har ei total fallhøgd på rundt 600 meter målt frå toppen av fossen som ligg like nedanfor vatnet Tjørna (612 meter over havet) og ned til fjorden.

Av dei busette arbeidstakarane i Etne i 2023 hadde 37 prosent arbeid utanfor kommunen, 26 prosent i Rogalands del avHaugalandet (Haugesund,Tysvær,Karmøy ogVindafjord), to prosent i både Stavangerområdet (Stavanger,Sandnes,Sola ogRandaberg), i andre kommunar iSunnhordland (Sveio,Stord,Fitjar,Tysnes ogKvinnherad) og iBergen.

I Etne kjem lokalavisaGrannar ut to gonger i veka.

E134 (Haugesund lufthavn Karmøy–Haugesund–Haukeligrend–Drammen–Vassum i Frogn) går gjennom Etne kommune og kommunesenteret. Austover går vegen langs Stordalsvatnet og langs sørsida avÅkrafjorden. Frå E134 fører fylkesveg 5014 nordover tilSkånevik og via bilferje vidare til høvesvisUtåker og Matre i Kvinnherad.

Det er hurtigbåtsamband frå Skånevik og fråØlen i nabokommunen Vindafjord til bygdene i Sunnhordland, Austevoll og Bergen. Fjernbussruta Haugesund–Oslo (Haukeliekspressen) går gjennom Etne. Det er lokalbussrute frå Etne til Haugesund.

Etne høyrer til Sør-Vestpolitidistrikt,Haugaland og Sunnhordland tingrett ogGulating lagsmannsrett.

Kommunen er med iregionrådetSamarbeidsrådet for Sunnhordland saman medAustevoll,Bømlo,Fitjar,Kvinnherad,Stord,Sveio ogTysnes.

Etne kommune svarar til dei tosokna Etne og Skånevik i Sunnhordlandprosti iBjørgvin bispedømme iDen norske kyrkja.

Mot slutten av 1800-talet høyrde Etne til Søndhordland fogderi (futedøme) iSøndre Bergenhus amt.

Det er store helleristningsfelt fråbronsealderen på Helgaberg påStøle (Stødle), likeins på Duesteinen og Bruteigsteinen i Stordalen. Gravfelt frå bronsealderen,eldre jernalder ogvikingtida er funne på Stødle, Grindheim og Sørheim. Det er funne restar etter bygdeborger fråfolkevandringstida, mellom anna på Borgåsen ved Etnesjøen og Heia på Steine. Gardane Stødle og Gjerde har truleg vore høvdingsete i vikingtida. Storgarden Stødle var iErling Skakke si eige (sjåStødle-ætta), og garden Gjerde var antakelegkongsgard ellerkrongods.

Det er femkyrkjer og tokapell i Etne, blant dei Stødle kyrkje i tre og stein (romansk stil), som blei påbyrja av Erling Skakke i 1160, påbygd i 1650 og 1879 og restaurert i 1958. I 2013 blei nye Etne kyrkje vigsla. Ho er bygd saman med det gamlebedehuset. I Skånevik finst det særprega busetnad med eldre og godt varetekenbyggjeskikk. Her ligg Norsk Motormuseum med hovudvekt på småbåtmotorar. Den gamle postvegen mellom Etne og Skånevik er laga til som tursti. Sæbøtunet bygdemuseum i ligg i Etnesjøen.

Kommunevåpenet (godkjent i 1983) har ei deling av blått og sølv med duestjertsnitt. Våpenet symboliserer samhald, noko som viser til det gode samhaldet mellom dei to tidlegare kommunane Etne og Skånevik.

Namnet kjem avnorrøntEtnir, tidlegare truleg brukt om den fjordarmen som no heiter Etnepollen. Det er avleidd av eit eldre elvenamnAtn ellerEtn, brukt om Etneelva. Dette har anten samanheng medetje, ‘drive fram', ellerete, ‘den som et eller grev'.

• Vestland
• Sunnhordland
• Noregs geografi

• Etne kommune: nettstad

• Dyrvik, Ståle, red.:Etne-soga, 1968-, 5 b.
• Etne prestegjeld, 1963 (Førhistoriske minne i Sunnhordland, 3)
• Haugland, Anders:Skåneviksoga, 1981-98, 6 b.