OMelepone (Igilisi: Melbourne) o se a'ai oAusetalia, ma le laumua oVitoria (Igilisi: Victoria, VIC). E tu lea a'ai i le talafatai i saute o Ausetalia, ma le ogatotonu o Vitoria. O le Eria o Melepone e tusa ma le 9,993 km2, ma e aofia ai le 31 tu'aina Malo Fa'aitumalo. O le igoa "Melepone" e ta'uina fo'i le itumalo "City of Melbourne".
Sa muamua ona nonofo Tagata Apoliki i le itulagi lenei. O aiga tetele sa auai ai le "Boonwurrung", "Woiwurrung" ma le "Wurundjeri". I le 1803, sa fa'avaeina ePeretania se Kolone i lea pitonu'u, ae e le'i umi ae toe ave'ese. Na toe fo'i mai tagata Peretania i le 1835, ma fa'atuina le a'ai fou o "Melbourne".[8] I le 1851, sa filia e le Tupu Vitoria Melepone mo le itumalo a le Kolone o Vitoria. Mai le vaitaimi lea se'ia o'o le 1890, sa auai Melepone i le fa'atosina auro, ma sa fa'ateleina le tamaoaiga a le a'ai.[9] Mai le 1901-1927, sa fa'atuina le Malo Feterale i totonu o Melepone, a'o fa'atali mo le fausina oKenepera.[10]
I le taimi lenei, o Melepone e aofia ai aganu'u ese'ese a le lalolagi. E taua lea a'ai i faiga otupe.[11] O Melepone e auai i vaega o a'ai e pitoisili ona lelei mo le olaga a tagata.[12]
E tele vaega o fale e tutu i Melepone. E auai ai fale mai le taimi fa'avitoria, se'ia o'o i fale maualuluga e to'atele i lea a'ai. O nisi fa'ailoga o Melepone e lavea ai le MalaeKirikiti a Melepone (MCG), ma le Fale Fa'aaliga a le Tupu.
E malosi le tu ma aga o Melepone. Sa taua latou i le fa'atupuina o leLakapi Fa'aasusetalia, Tusiata, ma faiga o ata tifana. E manatuina fo'i faiga o musika ma fa'afiafiana. O le a'ai e talimalo i ta'aloga tetele a le lalolagi, e pei o le tu'uga ta'avale, Tenisi, ma leOlimipeka 1956.
O le malae va'alele o Melepone e lona lua i Ausetalia i le numera o tagata e malaga ane.[13] O le Uafu o Melepone e sili ona pisi i totonu o le atunu'u.[14] E lua Fale Nofoa'afi e pitoisili, "Flinders Street" mo malaga i totonu o le a'ai, ma "Southern Cross" mo malaga i pito mamao.
.jpg)
.jpg)
.jpg)
