ڈونلڈ ٹرمپ (پیدائش 14 جون، 1946ء) امریکا دی ہک کاروباری شخصیت ہن جیہڑے سنہ 2016ء دے امریکی صدارتی انتخابات دے نتیجے وچ ریاستہائے متحدہ دے پینتالیہویں صدر منتخب تھئے۔ ٹرمپ کوں سب توں زیادہ شہرت امریکی صدارتی امیدوار دے طور تے ملی تے اپݨی انتخابی مہم وچ ٹرمپ ہک مسلم دشمن سیاست دان دے روپ وچ سامݨے آئے۔ ڈونلڈ ٹرمپ 14 جون 1946ءنیویارک دے علاقے کوئنز وچ پیدا تھئے۔ 13 سال دی عمر وچ انہاں کوں نیویارک ملٹری اکیڈمی بھیڄا ڳیا جتھاں اوہ نصابی تے غیر نصابی سرگرمیاں دے نال نال طلباء دی سیاست دا حصہ وی بݨے۔ ٹرمپ نے 1968ء وچیونیورسٹی آف پینسلوینیا توں معاشیات وچ گریجوایشن کیتی۔
ڈونلڈ ٹرمپ
بزنس ٹائیکون فریڈ ٹرمپ دے پتر ڈونلڈ نے والد دے قرضے توں ذاتی کاروبار شروع کیتا۔ 1971ء وچ خاندانی کمپنی دا کنٹرول حاصل کیتا تے اُوندا ناں بدل کے ٹرمپ آرگنائزیشن رکھا۔ انہاں نے اپݨے ہوٹلاں، کسینو تے تعمیراتی منصوبیاں دے ذریعے ملک گیر شہرت حاصل کیتی۔ 70 سالہ ٹرمپ دے مطابق، انہاں دے اثاثے 10 بلین ڈالر توں زائد ہن۔ ٹرمپ دی پہلی ݙو شادیاں ناکام رہیاں۔ سابق ماڈلمیلانیا کناوس نال ٹرمپ نے2005ء وچ تریجھی شادی کیتی۔ ٹرمپ شوبز انڈسٹری تےذرائع ابلاغ نال وی تعلق رکھدے ہن۔ انہاں نے مشہور ٹی وی سیریز دی اپرنٹس دے 14 سیزناں دی میزبانی کیتی تے متعدد کتاباں وی لکھیاں۔
1987ء وچ پہلی وار ٹرمپ نے صدارتی انتخاب لڑݨ وچ دلچسپی ظاہر کیتی۔2000ء وچ انہاں نے ریفارم پارٹی دا صدارتی امیدوار بݨݨ دی کوشش کیتی۔2008ء وچ ٹرمپ ہک وار ول اوں وقت توجہ دا مرکز بݨے جݙݨ انہاں نے صدارتی امیدوارباراک اوباما دی جائے پیدائش امریکا دی بجائےکینیا کوں قرار ݙتا۔ ڈونلڈ ٹرمپ نےجون2015ء وچریپبلکن پارٹی دے ٹکٹ تے صدارتی انتخابات لڑݨ دا اعلان کیتا تے حریفاں کوں مات ݙیندے ہوئے پارٹی دی نامزدگی حاصل کر گھدی۔ ایہ امر قابل ذکر ہے کہ پے در پے اسکینڈلاں، متنازع تے نفرت انگیز بیانات ٹرمپ دی انتخابی مہم تے پوری طرح چھائے رہیے۔[١] 2016ء دے امریکی انتخابات وچ ریپبلکن پارٹی دے امیداوار ڈونلڈ ٹرمپ امریکا دے 45 ویں صدر منتخب تھی ڳئے۔[٢]
