قدیم روم (Ancient Rome) اٹھویں صدی قبل مسیح وچ اطالوی جزیرہ نما وچوں شروع تھیوݨ والی ہک اطالوی تہذیب ہئی۔ اے بحیرہ روم دے نال واقع ہئی تے اس دا مرکز روم ہئی۔ اس دا شمار قدیم دنیا دے عظیم عالمی سلطنتاں وچ کیتا ویندا ہے. ہک اندازے دے مطابق اس دی آبادی 50 توں 90 ملین نفوس تے مشتمل ہئی جیہڑی دنیا دی آبادی دا تقریباً 20 فیصد ہئی جبکہ اپݨے عروج تے اس دا رقبہ تقریباً 6.5 ملین مربع کلومیٹر (2.5 ملین مربع میل) ہئی.
مشرقی سلطنتِ روم دے راڄڳڑھ قسطنطنیہ دی بیرونی فصیل
مشرقی سلطنت روم چوتھی صدی عیسوی وچ مرکزی سلطنت روم دے ݙو حصیاں، مغربی اور مشرقی وچ تقسیم تھیوݨ دے بعد قائم تھئی۔ مشرقی حصہ اپݨے دار الحکومت بازنطین دے ناں تے بازنطینی سلطنت سݙیجا۔ (330ء وچ بازنطینی شہنشاہ قسطنطین نے بازنطین دا ناں اپݨے ناں تے قسطنطنیہ رکھ ݙتا تے 1930ء وچ ترکی حکومت نے بدل کے استنبول کر ݙتا.
رومی مشرقی سلطنت یا بازنطینی سلطنت دا نقشۂ زمانیقسطنطین اعظم، مشرقی رومی سلطنت دا بانی
مغربی رومی سلطنت (Western Roman Empire) تاریخ وچ رومی سلطنت دے مغربی صوبیاں تے مشتمل ہئی۔ مغربی رومی سلطنت تے مشرقی رومی سلطنت (یا بازنطینی سلطنت) درحقیقت الگ خود مختار اکائیاں ہن، تاہم رومی انہاں کوں الگ سلطنتاں تصور نہ کریندے ہن بلکہ اے ہک ہی سلطنت دے ݙو حصے ہن جیہڑے انتظامی مصلحت دی وجہ نال ݙو الگ شاہی درباراں دے زیر انتظام ہن۔
