| Tagldit n Waksum |
|---|
 |
| État historique |
|---|
| Asakud n ussrsl nɣ isllwi | 4e siècle av. J.-C.  |
|---|
| Gentilé | Aksumite,Axumite |
|---|
| Tamaẓunt | Aksoum |
|---|
| Ismlan ijɣrafiyn | 14°7′42″N 38°43′2″E |
|---|
| Régime politique | monarchie féodale,monarchie |
|---|
| Adrim | Monnaie axoumite |
|---|
| Tutlayt ittusmrasn | Himyaritic,guèze |
|---|
| Date de dissolution, d'abolition ou de démolition | 960 |
|---|
| Religion officielle | Église éthiopienne orthodoxe,Lislam,judaïsme |
|---|
 |
Tagldit n Waksum niɣ dAxum tkka tt inn tga yat tgldit idusn ɣ usammr n Tfriqt, tumẓ nn ikalln lli ganin ɣassad: Iritirya, agafay n Ityupya, kra ɣ Ssudan, kra ɣ Djibuti d kra n tikkal ar tettamẓ ula kra n igzman ɣ iffus utrim n tgzirt n waɛrabn. Aksum tga mmas n Ityupya n ɣikk-ad acku tlla gis tɣrmt n Waksum lli igan tamaẓunt n tgldit.[1]
Tagldit n Waksum tssugr yad ssɣ isggʷasn n 50 n talalit, tlkm afa n ubuɣlu nns gr 300 d 600 mayann ɣ tizi lli tkka f tsbbabt ɣ yill azggʷaɣ, tg ɣ wakud ann tuẓẓumt n tdamsa ɣ umaḍal aqbur, yiws as ufttas n Wadulis lli tt inn ikkan iga yan ugadaz n tmsaɣt n ubḍan, ibrdan, zzit, tazibbatin. Igllidn n tmazirt-ad bnun ma issbhaḍn ɣ igudar d isaragn d tuṣkiwin.[1]
Ɣ tassut tis kṛaḍt rad ig ugllid Izana agʷri i tgldit n Kuc n ma iga ɣass-ad Ssudan, agllid-ad nit rad ig ɣ usgd Amasiḥi asgd n tgldit nns.[1]
Lliɣ nkrn waɛrabn d txilaft n umawiyyn rad tssn tgldit n Waksum yat tassast icqqan ɣ igr n tsbbabt, ur sul tgi yan udwass ɣ tsgiwin ann. Lislam rad nit yaf adɣar nns rad ilmma ikri tagldit-ad, Iksumn rad mmaɣn d Yimuslmn, mqqar asn ftan yikalln maccan tddr tdlsa nnsn d usgd nnsn Amasiḥi ar ɣassad sul ɣ Iritirya d Ityupya.
Ɣ irni, ifrẓẓan n tgldit-ad hati ɣaman sul, iẓḍaṛ ad ttyawmnadn ɣ usun n Waksum.[1]
- ↑abc etdThe World Book Encyclopedia
