Sigmund Fruyd
afgan| Anaw nɣ asrtu | awtm  |
|---|
| Tamazirt n tɣlant | empire d'Autriche,Cisleithanie,Uṭṛic,Troisième Reich |
|---|
| Ism s tutlayt taymmat | Sigmund Freud |
|---|
| Ism n tlalit | Sigismund Schlomo Freud |
|---|
| Ism amzwaru | Sigmund |
|---|
| Ḍfṛism | Freud |
|---|
| Asakud n tlalit | 6 Mayyu 1856 |
|---|
| Ida n tlalit | Příbor |
|---|
| Assf n tmttant | 23 Cutambir 1939 |
|---|
| Ida n tmttant | Lunḍun |
|---|
| Tamntilt n tmttant | euthanasie |
|---|
| Ma s immut | cancer du larynx |
|---|
| Timḍlt | crématorium de Golders Green |
|---|
| Babas | Jacob Freud |
|---|
| Mère | Amalia Freud |
|---|
| Asmun niɣ d Tasmunt | Martha Bernays |
|---|
| Igmamn n twja | Edward Bernays,Lucian Freud |
|---|
| Tutlayt taymmat | Tutlayt Talimant |
|---|
| Tutlayin s ar isawal nɣ s ar ittara | Tutlayt Talimant |
|---|
| Tutlayin n tirra | Tutlayt Talimant |
|---|
| Tawuri d mad isala | psychanalyste,neurologue,essayiste |
|---|
| Igr n twuri | psychanalyse,neurologie |
|---|
| Employé(e) par | université de Vienne |
|---|
| Fonction | professeur |
|---|
| Iɣra ɣ | université de Vienne |
|---|
| Chaire universitaire | professeur titulaire |
|---|
| Diplôme universitaire | docteur ès sciences |
|---|
| Doctorant ou doctorante | Otto Gross,Mosche Wulff |
|---|
| Amḥḍaṛ d unlmad | Alfred Adler,Henri Flournoy |
|---|
| Tazduɣt | Vienne,Lunḍun,maison natale de Sigmund Freud |
|---|
| Lieu de travail | Lunḍun,Vienne |
|---|
| Asgd d tnbaḍt ɣ ddunit | athéisme |
|---|
| Liste de ses œuvres | bibliographie de Sigmund Freud |
|---|
| Archives conservées par | Albert Sloman Library,bibliothèque du Congrès,Archives de l'École polytechnique fédérale de Zurich |
|---|
| Iga yan ugmam ɣ | Royal Society |
|---|
| Événement clé | autodafés de 1933 en Allemagne |
|---|
| Distinction reçue | prix Goethe de la ville de Francfort,membre étranger de la Royal Society |
|---|
| Collection comprenant une œuvre de la personne | Nationalmuseum |
|---|
| Statut des droits d'auteur du créateur | droits d'auteurs ne pouvant plus être enfreints |
|---|
| Tag Stack Exchange | https://psychology.stackexchange.com/tags/freud |
|---|
iga sigmun fruyt yan sg imassann n iman d tflsaft nna bahra ittawssann g umzruy ,ig awd sg winna issnfln amaḍal s iswingimn nns , ar ttinin imzmmimn n umzruy n iswingimn masd fruyd d daṛwin d tinawt nns xf ubuɣlu d kubbirnik gan willi ssnflnin aswingm n ufgan ssnfln awd tannayin nna ittggan afna i iman nns ɣ iga umaḍal abṛṛan nɣd amaḍal agʷnsan nɣd animan n ufgan.
ttussan tinawt n fruyd i iman n tfganit masd tugtt n imukrisn nna ittilin dar ufgan s umata ar as ttsrag taggayt ,ar ittini masd aɣiluf animan tlla ḍaṛt nns yat tmukrist nna izdin d taggayt mqqar akk° yaggug umukris nna dars illan f ma ann.
yalul fruyd asggʷas n 1856 g tɣrmt n frib g nnamsa agʷns n yat twja tga sg udayn imzwag sg ugama , ikka tt inn babas iga yan usbbab n taḍuṭṭ kkn tt inn dars sin icaran acku ikka tt inn adlli g mad izrin yiwl ,fruyd dars 07 n aytmatn mac ar bdda ittini mas iga wad akk° iḥlan sg dar mas, ittussan sg yan ukud yaggugn masd iwdan nna iɣaln mas ufn wiyyaḍ g tannayt n id matsn ar tssnfal tannayt ann nnsn xf tudrt nnsn s umata d tmamkt nna sa ttannayn amaḍal , ma ann ad as n ittsragn i yan umurs nna g ur tlli turda , fruyd ikka tt inn iga yan wazzan nna iḥṛcn slawan akk° lliɣ tt inn ikka iga amzwaru lliɣ iga anafuɣ , lliɣ dars 17 n usggʷas ikcm s tinml n tsgnaft nnaɣ ikka 08 isggʷasn afad ad ismd taɣuṛi nns nna ittkkan 05 ar 06 n isggʷasn , acku ikka tt inn isala tugtt n tɣawsiwin yadn g bṛṛa n tuzlayt n usgnf , slawan akk° mas tt inn ikka fruyd ur akk° iri ad ig amsgnaf , mac ar ittannay masd taɣuṛi g igr n usgnf nttat ad igan taɣarast mas ittssn d masa inggḍ g urzzu amassan.
lliɣ llan 26 n usggʷas dar fruyd tḍṛ as tayri nns xf yat trbat nna igan s wassaɣ maṛta barinz ,lliɣ tt issn s yan sin yirn ittr tt nit, ikka tt inn iga yan umzraw amẓlud iddr ukan sul d imarawn nns , lliɣ zrin kkuz isggʷasn n usaggʷm yiwl fruyd d barinz g usggʷas n 1886 skrn ilmma sḍiṣ icaran.
tssnta tinml n usfsi animan sg dar umassan ad anmsawi nna tt inn ikkan iga amsgnaf n tmuḍan n iman , slawan akk° lliɣ iga yan ungzam n malxf d tmamkt n usgnf d usijji nns s yat tɣarast tasgnaft.
lliɣ izri imnɣi amaḍlan wiss sin ar ttannayn iwdan mas iga fruyd walli isnunfn iman n ufgan nna mu iga nttan s wassaɣ anlli agʷnsan issirwist mas iga yan wanu idran nna iktarn s isyafatn d tk°ttay , ɣiklli s isnunf addad n ḍaṛat n usyafa , iskr yat tɣarast n usfsi animan , dars tugtt n tinawin nna izdin d tuẓlayt n unlli anfgan.
lliɣ akk° zrin 70 n usggʷas xf tmttant nns suln ukan sul tugtt n iwdan ar jijjin s tɣarast nns nna igan ajijji animan , taɣawsa nna ikkan f usfsi n fruyd iga t aylli igan abyuluji , ar ittini masd arba nna d bḥra ilaln ar dars ttilint kra n tfras n taggayt imunn d tɣwwaɣt iga as s wassaɣ llibidu nna igan yan wanaw n tarna. tarna ad dars yat tazdayt n imnɣi d wamun ,tifras n iwdan ar ttnfal d ar ttuska sg wanaw n unuḥyu ann.
ar ittini fruyd masd tarna nna d ittlaln d ufgan ar tzzgar g tugtt n tsurifin g tudrt nns , mk lli iga ubuɣlu abyuluji walli isittin afgan sg tikli s tayyaḍ. mac anaw n waddadn nnaɣ izzray nttat ad immalan tasikulujit n tsurifin ad , iga fruyd yan umassan nna immalan i wiyyad tamamkt n ujijji d usgnf s tɣarast n wawal yan umassan ittawssann g tugtt n tsggiwin n umaḍal.
tawwuri nns ur tt isbdd ɣas g mad izlin s usgnf d ujijji animan ,mac izri t s igr n tzuṛi d tskla slawan akk° masd inuẓar nna skrnin tugtt n tẓṛigin d tflwin tiẓuṛanin n ik°lan d islmadn n tinmal d tsdawitin d isgnafn lmdn gis tugtt n tɣawsiwin nna iṛẓmn anlli nnɣ af ad ad nrms anlli agʷnsan n ufgan.
lliɣ izzri 47 n usggʷas g tudrt nns g tɣrmt n fyinna asggʷas n 1938 akud ann dars 82 n usggʷas izug s bṛiṭanya lliɣ jdrn inazitn tugtt n idlisn g tɣrmt n nurnburg.
tiwi tmttant fruyd g usggʷas n 1939 mac tinawin nns d tɣarast nns n uswingm uzzrnt akk° g umaḍal slawan akk° g tmtta imunn n marikan d bṛiṭanya d fṛanṣa,mac asfsi animan igʷdl g dar isufyatiyyn d tugtt n tmuṛa nna g ur tlli tdimuqṛaṭiṭ.
ikka tt inn fruyd dars tugtt n imukrisn inimann ma ann af bahra ikmmi ar ittnawal ula amsduhdu n lkukayyin g yan uzmz g tudrt nns af ad ad srs issidrus tamaḍunt nna dars illan ,mqqar issn masd akmay n 20 n tbaɣa g wass izḍaṛ ad isnnukmu ul nns d rad as isrg g tmaḍunt n uxnzir ,mqqar bdda ittarm ad ibbi tabaɣa mac ar srs ittaɣul kra n tikkal ,inna masd ur iɣi ad iswwuri bla ikmmi tabaɣa.
lliɣ tzri yat tizi tlla gis tmaḍunt n uxnzir kksn as ilmma agja gn as nn yan yaḍn amguray mac mqqar mk ann ur ibbi tabaɣa, iskr yan unaẓaṛ i tmttant slawan akk° lliɣ inna « ur rad bbiɣ akmay kra ikka imi inu iɣi ad yasi tabaɣa » lliɣ tzri yat tizi tkka akk° tmaḍunt ann imi nns ma ann ad isrgn g tmttant nns, lliɣ immut dars 83 n usggʷas.
