Asgd anurs iga yan wanaw n usgd ikka tt inn ɣ yiẓẓlmḍ nUruppa. Llan gis mnnaw n wanawn n id wakuc d id bu tulɣa. Ar sul nttafa tinfusin zgis ɣ tdlsa n Uruppa n yiẓẓlmḍ ar ass a. Illa yan imikk n tirra fllasnt ɣ akud ann. Tirra llant gis tnfusin zun d tinThor,Udin,Freyja d wiyaḍ.
Γ ass a, middn ar aqqran asgd anurs mamnk tt inn ikka iga t. Ar ssmrasn tasnilst d umzruy nns afad ad ssnn mamnk iga, lkmn id bu umzruy ar azmz n tutlayt tindu-urupant tamzwarut (Proto-Indo-European), d usgd n middn ɣ uzmz ann.
Usin mad ssnn f usgd anurs zg tnḍḍamt n ayt ɣinn, macc jlan aɣ s umata. Kra gisn urun tn imassann irumiyn. Illa yan uran t middn ann nit zun dEddas dHeimskringla. Macc nlmd kigan zg kra n middn zun d Cornelius Tacitus g udlis nns "Germania".
