Dán artihkkalis dáidet leatčállinmeattáhusat. Jus háliidat, de divo daid ja váldde eret dan málle. Giitu!
Spábbačiekčan lea spábbaspealla, mas guokte joavkku geahččalit dahkat eanet moalaid go vuostebeali ja dainna čiekčama vuoitit. Čiekčanáigi lea dábálaččat guokte 45 minuhttabottu, dan lassin lasseminuhttat ja dihto dáhpáhusas maiddái guhkideapmi. Okta joavku lea dábálaččat oktanuppelot čiekči, okta dain lea moallafákta. Spáppa oažžu guoskkahit olles gorudiin, earret gieđaiguin; eanaš áiggi julggiin čievččada. Dušše moallafákta (siskkobeal ráŋggáštusguovllu) sáhttá giehtadit spáppa, ja maiddái olgočiekčit go lea sisabálkesteapmi.
Spábbačiekčan bohciidiiBrihttalaš sulluin1800-logu loahpas ja leavai 1880- ja 1890-logus nannán Eurohpái ja eará eatnanosiide. Dat lea máilmmi bivnnuheamos joavkovaláštallan.
Vaikko Englánda gohčoduvvo "Spábbačiekčama ruovtturiikan", gávdnui Fránskkas ja Itálias juo spábbačiekčanlágán speallu. 1400-logus rájes lei FlorensisCalcio Storico anus, čiekčanspeallu mii lei oalle garas. Scaino čálii 1555:
"Gievra olbmot galget čáhket saji viehkkái geas lea spábba gieđas nu ahte son sáhttá friija johtit čađa. Jus son baicce fallehuvvo de son galgá spáppa luoitit ja čievččastit, ja gal juolgečievččasteapmi lei jođáneamos vuohki, danin go dat čievččasteapmi sihkkareamos lei."
Sciano mearridii šillosturrodaga (Santa Croce girkošillju sturrodat: 100 x 50 m) ja mearridiige ahte dat geat eanemus moalaid dahket vuitet (ja ii gii spealai fiidámusat dahje geas livččii čáppamus biktasat) ja ahte speallu ii galgá seaguhuvvot árgabeivviin, nu ahte hearrá ii sáhte gohččut bálvvás addit spáppa spealadettiin.
1848 čálle Cambridge Universitehta studeanttat vuosttáš čiekčannjuolggadusaid. Dan maŋŋá okta joavkkus ledje 15 gitta 20 čiekči. 1857 vuođđudedje FC Sheffield'a cricketspeallit máilmmi vuosttáš almmolaš Čiekčansearvvi. Dan dihte Englánda adnojuvvo "spábbačiekčama ruovtturiikan", ja maid danin go jagi 1863 vuosttáš spábbačiekčanlihttu,Football Association (FA), bohciidii Londonis. Viiddis regelčálus ráhkaduvvui ja spábbačiekčan ovdánii ceavzilit.
NamahusSoccer (Čiekčan) eŋgelasgielas boahtá namasAssociation Football, mii Rugby ektui ráhkaduvvui, dan oaiviliin go dat lágiduvvuiFootball association'aregeliid mielde.
