LaRipùbblica Islamica dâ Mauritania è na nazzioni ntô nordovest di l'Africa, tra luSahara ô nord e luSenegal ô sud. S'attrova allatu a l'Oceanu Atlanticu. La Mauritania e luMadagascar sunnu l'unichi nazzioni chi nun usanu la munita nun dicimali. La capitali, e la cchiù granni citati, è Nouakchott, chi s'attrova suprâ costa atlantica.
Lu nomu Mauritania diriva di l'antichi tribbù berberi dî Mauri e dû sò regnu, la Mauretania, che addivintau na pruvincia rumana ntô 33 d.C.. Li rumani usàvanu stu nomu «Mauri» pi discriviri tutti li pòpuli nativi dû Nord Africa.
Dû sèculu III d.C. ô sèculu VII d.C. li tribbù Berberu dû Nord Africa emigraru versu lu tirritoriu dâ Mauritania muderna spustannu lu pòpulu dî Bafours, abbitanti d'uriggini di sta zona.
Ntô1076 l'àrabbi islamici rinesceru doppu tanti anni a cunquistari la Mauritania. La guerra mauritana dî 30 anni (1644-1674) fu l´ùrtimu provu a jittari fora li nvasura àrabbi, senza successu.
Ô partiri dûsèculu XX la zona fu misu sutta la duminazzioni francisi. Duranti stu piriudu culuniali la pupulazzioni lucali arristaru numadi.
Ntô1960 lu tirritoriu riniscìu a ottèniri la sò ndipinnenza.
