Roma (Italia) - Lu radar talianuMarsis, ca s'attrova ntôMars Express, scuprìu la prisenza ntaMarti di n'enormi lacu ghiacciatu sutta la supirfici dû "pianeta russu".
Palermu - Pi tri jorna, di lunidìa 5 a mercuridìa 7 di dicèmmiru, Palermu addiventa la capitali di la lutta contra la droga grazzî a laConferenza nazionale sui problemi connessi alla diffusione delle sostanze stupefacenti, cunvucata dû ministru Giovanardi. Li màssimi rapprisintanti di li stituzzioni e dû cuvernu taliani, di l'organismi ntirnazziunali e di la maggistratura, si ncòntranu ô Tiatru Politeama pi discùtiri di li prubblemi rilativi a la droga.
Palermu - Si vutau oji 'n tutta laSicilia pi l'elezzioni primarî dûcentru-sinistra pû candidatu pâ prisidenza dâ riggiuni. Secunnu li primi nutizzî, pari ca Rita Borsellinu battìu a Ferdinandu Latteri.
Palermu - Risultati difinitivi di l'elezzioni primarî dû centru-sinistra pû candidatu a prisidenti dâ riggiuni: Rita Borsellinu 66,9%, Ferdinandu Latteri 33,1%.
Gela (Nissa) - È siciliana la picciridda cchiù bona d'Italia: lu sò nomu è Andrea Ventura, havi 8 anni e, quannu sò matri cadìu malata di forma gravi, idda s'incaricau di li travagghî di casa e di li sò fratuzzi cchiù nichi. LaFondazione nazionale "Bambino più buono d'Italia" la schigghìu ntra àutri picciriddi di tutta l'Italia.
Varsavia (Pulonia) - Assira a Varsavia la cumpagnìaCialoma diPalermu s'esibbìu ntô sò spittàculu di mùsichi tradizziunali siciliani. Lu gruppu sicilianu stasira rèplica nta la cità pulacca diCracovia.
Teheran (Iran) - Tutti li 94 pirsuni ca s'attruvàvanu nta l'ariuplanu militari C-130, partutu di l'ariuportu di Mehrabad cu distinazzioni Bandar Abbas, mureru stamatina doppu un fallutu tintativu d'attirraggiu d'emirgenza; l'ariuplanu finìu contra un palazzu di Teheran, ammazzannu àutri 22 pirsuni e firènnuni 25.
Dacca (Bangladesci) - Almenu 5 pirsuni mureru e 50 arristaru firuti stamatina nta n'attintatu tirrurìsticu suicida nnû distrittu diNetrokona, situatu ntâ parti nord dû Bangladesci.
Palermu - L'Ortu Butànicu di Palermu fisteggia lu 210° annivirsariu dâ sò funnazzioni. Dumani, ê 4 di doppupranzu, s'inàugura na mostra di disigni di Filippina Lanza Sangiuliano, figghia dû butànicu Dumìnicu Lanza ca, duranti l'anni vinti, fu lu diritturi di l'Ortu Butànicu palirmitanu.
Castiddazzu - Giuvanni Mannino, Antoniu Gagliano e Vicenzu Aiello foru primiati nnô cuncursu di puisìa "Elvezio Petix" pâ catigurìa "puisìa 'n lingua siciliana"; Sarvaturi Carta vincìu la sissioni "puisìa 'n lingua taliana".
Missina - Balluttaggiu ntra li candidati a sìnnacu Francantonio Genovese (L'Unione) e Luigi Ragno (Casa delle Libertà); si vota puru dumani, lunidìa, nzinu a li 3 di doppupranzu.
Sydney: Nàutra jurnata di viulenza addimentri na fudda di circa 5.000 razzistiaustraliani affrùntanu la pulizzìa e migranti àrabbi (supratuttu dûLìbbanu).
Missina - Francantonio Genovese (L'Unione) è lu novu sìnnacu di Missina. Vincìu cu lu 54,56% dî voti; l'avvirsariu, Luigi Ragno (Casa delle Libertà), si firmau ô 45,44%.
Baghdad: Lu pòpulu d'Iraq vota pi na nova custituzzioni.
Palermu - La squatra dû Palermu vincìu pi 3 a 0 li danisi dû Brondby e finìu ô primu postu lu giruni di Coppa UEFA, classificànnusi pi li sidicèsimi di finali.
Bagarìa - La storia e li sapuri di Bagarìa arrivanu aNova York e aChicago. "Bagheria in America" è lu tìtulu ufficiali di la nizziativa chi promovi sta citati siciliana nta dui citati miricani chini di mmigrati (piriudu: dû 12 ô 24 di jinnaru 2006).
Palermu - La squatra dû Palermu, mpignata ntâ Coppa UEFA, piscau bonu pî sedicèsimi di finali: li cechi dû Slavia Praga. Lu15 di frivaru si joca aPraga e lu23 di frivaru 'n Palermu. Siddu avissi a vìnciri, nta l'ottavi di finali attrova la vincenti di Espanyol-Shalke 04.
Riggiu Calabbria - Sta dumìnica si grapi a lu pùbblicu, ô Museu Nazziunali di la Magna Grecia di Riggiu, la mustraLa Locride Greco-Romana. Oi lu ministru Buttiglione fa l'inagurazzioni ufficiali.
Gerusalemmi: Lu primu ministruisraelianu appi na maluri e appi a èssiri ricuviratu ô spitali pi accertamenti.Ariel Sharon trasìu cuscienti ô spitali. Pari chi si tratta di na forma lèggia di attaccu cerebbrali.
La Paz (Bolivia) - Cu l'85,11% di li voti scrutinati, Evo Morales havi lu 53% di li prifirenzi; si stu datu fussi cunfirmatu ô tèrmini dû scrutiniu, Morales addivintassi prisidenti dâ Bolivia.
Cità dû Vaticanu - "La sula luci dâ raggiuni di l'omu nun abbasta pi fari luci ntô munnu; pi chissu nascíu lu Bammineddu, chi è la Vera Luci".Binidittu XVI detti oi, jornu diNatali, la binidizzioniUrbi et Orbi, salutannu 'n 33 lingui.
Cilibbratu nni tutti li stati asiàtici ntirissati, lu primu annivirsariu dû tirrìbbulitsunami di l'annu passatu.
Sicilia - Stamatina sbarcaru chiossai di 400 mmigrati nta li costi di l'ìsula. 211 arrivaru ntraPuzzaddu eGela e chiossai di 200 sbarcaru nta l'ìsula diLampidusa.
Sydney - Murìu mentri durmìa l'omu cchiù riccu di l'Australia, Kerry Packer, 68 anni, propietariu di nummarusi menzi di cumunicazzioni.
Rausa - Foru idintificati e arristati dâ pulizzìa dui di li scafisti chi fìciru sbarcari aieri 211 clannistini ntê costi dû rausanu. Sunnu un irachenu di 26 anni e un palistinisi di 18. Pari ca li mmigrati pagaru 1.500 euri pi lu viaggiu.
Missina - Lu coordinamentuNo Ponte, chi è cuntrariu a la rializzazzioni dû ponti nta luStrittu di Missina, e laRete Meridionale del Nuovo Municipio propòsiru un giamellaggiu cu li cumitatiNo Tav e cu lu coordinamentu dî sìnnaci dâ Val di Susa. L'abbitanti di la Val Susa foru mmitati a participari a na manifestazzioni pi la sarvaguardia di lu Strittu, 'n prugramma lu pròssimu 22 di jinnaru a Missina.
Indunesia - 8 pirsuni mureru e na cinquantina arristaru firuti nta n'attintatu nni un mircatu di Palu, capulocu di la pruvincia dû Sulawesi cintrali. Stu mircatu è l'unicu chi vinni carni di porcu, manciari proibbutu pi li musulmani.
Missina - Foru ndividuati na parti di ddi tifusi di l'Inter chi affinneru a lu jucaturi niuru dû Missina, Marc Zoro. Sunnu 4 picciotti tutti milanisi e pî pròssimi 5 anni si ponnu scurdari di jiri ô stadiu: ci lu vietau lu quisturi Santi Giuffrè.
