La liggenna di Achilli è una dî cchiù ricchi dâ mituluggìa greca, e una dî cchiù antichi. Sparti d'Omeru, àutri pueti, e li liggenni pupulari, si cci apprupriaru dû pirsunaggiu, e si mìsiru a cumpritari lu cuntu dâ sò vita, mmintannu d'abbinimenti pi sustituiri li ditagghi fini chi s'attruvàvanu ntê puemi omèrici. Pi stu modu si furmau adaciu adaciu nu ciclu di Achilli facennu parti d'abbinimenti e di liggenni chi spissu s'alluntanaru ntra d'iddi, e chi desi forza ê pueti tràggici e li poeti èpici di tutta l'antichitati, nzinu a l'èbbica rumana.
