| ᱚᱜᱟᱥᱴᱟᱥ |
|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱜᱮᱭᱟᱥ ᱚᱠᱴᱟᱵᱤᱭᱟᱥ ᱛᱷᱟᱨᱤᱱᱟᱥ(Gaius Octavius Thurinus)
᱒᱓ ᱥᱮᱯᱴᱮᱢᱵᱚᱨ ᱖᱓ BC
ᱨᱳᱢ, ᱨᱳᱢᱟᱱ ᱜᱚᱱᱚᱛᱟᱱᱛᱨᱤᱠ |
|---|
| ᱜᱩᱨ | ᱑᱙ ᱟᱜᱚᱥᱴ ᱑᱔ (aged 75)
ᱱᱳᱞᱟ, ᱤᱛᱟᱞᱤᱭᱟ, ᱨᱳᱢᱟᱱ ᱥᱟᱢᱨᱟᱡᱡᱚ |
|---|
| ᱫᱤᱥᱚᱢᱤᱭᱟᱹ | ᱨᱳᱢᱟᱱ |
|---|
Statue-ᱚᱜᱟᱥᱴᱟᱥ
Romanᱚᱜᱟᱥᱴᱟᱥ ᱥᱮᱥᱚᱨᱟᱴ ᱚᱜᱟᱥᱴᱟᱥ(᱒᱓ ᱥᱮᱯᱴᱮᱢᱵᱚᱨᱡᱤᱥᱩ ᱡᱟᱱᱟᱢ ᱖᱓ ᱥᱮᱨᱢᱟ ᱞᱟᱦᱟ – ᱑᱙ ᱟᱜᱚᱥᱴ ᱡᱤᱥᱩ ᱡᱟᱱᱟᱢ ᱑᱔ ᱥᱮᱨᱢᱟ ᱛᱟᱭᱚᱢ) ᱫᱚᱨᱳᱢᱟᱱ ᱥᱟᱢᱨᱟᱡᱡᱚ ᱨᱮᱱ ᱯᱩᱭᱞᱩ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱ ᱛᱟᱭᱟ ᱚᱠᱛᱟᱵᱷᱤᱣᱥ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ ᱜᱟᱣᱥ ᱤᱣᱞᱤᱣᱥ ᱠᱟᱭᱮᱥᱟᱨ ᱚᱠᱛᱟᱵᱷᱤᱭᱟᱱᱩᱥ ᱮ ᱫᱚᱦᱚ ᱠᱮᱫᱼᱟ ᱾ ᱥᱚᱢᱨᱟᱴ ᱦᱩᱭᱩᱜ ᱞᱟᱦᱟ ᱨᱮ ᱚᱠᱛᱟᱵᱷᱤᱭᱟᱱ ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱚᱜᱟᱥᱴᱟᱥ ᱫᱚ ᱚᱴᱳᱠᱟᱨᱟᱥᱤ ᱥᱟᱥᱚᱱ ᱮ ᱪᱟᱹᱞᱩ ᱞᱮᱫᱼᱟ ᱾ ᱚᱠᱟ ᱛᱮᱯᱨᱤᱝᱠᱤᱯᱟᱛᱮ ᱧᱩᱛᱩᱢ ᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱜᱟᱥᱴᱟᱥ ᱫᱚ ᱱᱤᱭᱟᱹ ᱨᱟᱥᱴᱨᱚ ᱨᱮᱱ ᱯᱨᱤᱝᱠᱮᱯᱥ ᱥᱮ ᱯᱩᱭᱞᱩ ᱱᱟᱜᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱥᱟᱥᱚᱱ ᱫᱚ ᱵᱟᱦᱨᱮ ᱧᱮᱞᱛᱮ ᱡᱚᱛᱚ ᱦᱚᱲ ᱞᱟᱹᱜᱤᱫ ᱢᱚᱱᱮᱜ ᱠᱟᱱ ᱛᱟᱦᱮᱸᱱ ᱨᱮᱦᱚᱸ ᱱᱤᱭᱟᱹ ᱠᱟᱹᱢᱤ ᱨᱮ ᱞᱟᱜᱟᱣ ᱠᱟᱛᱮᱫ ᱚᱜᱟᱥᱴᱟᱥ ᱫᱚ ᱟᱡ ᱜᱮ ᱡᱚᱛᱚᱭ ᱟᱢᱮᱴᱮᱫ ᱠᱟᱱ ᱛᱟᱦᱮᱸᱱ ᱾ ᱜᱨᱤᱠ ᱟᱨ ᱨᱳᱢᱟᱱ ᱫᱤᱥᱚᱢ ᱨᱮ ᱛᱷᱤᱨ ᱟᱨ ᱩᱛᱱᱟᱹᱣ ᱮ ᱟᱹᱜᱩ ᱞᱮᱫᱼᱟ ᱾ ᱱᱟᱜᱟᱢ ᱨᱮᱱ ᱛᱩᱠᱷᱟᱹᱲ ᱢᱤᱫ ᱟᱹᱭᱩᱨᱤᱡ ᱢᱮᱱᱛᱮᱭ ᱞᱮᱠᱷᱟᱜᱼᱟ ᱚᱜᱟᱥᱴᱟᱥ ᱫᱚ ᱾
ᱚᱜᱟᱥᱴᱟᱥ ᱫᱚ ᱢᱤᱫ ᱠᱤᱥᱟᱹᱬ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱜᱚᱲᱚᱢ ᱦᱟᱲᱟᱢ ᱨᱮᱱ ᱵᱚᱭᱦᱟᱡᱩᱞᱤᱭᱟᱥ ᱥᱤᱡᱟᱨ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱟᱨ ᱵᱚᱸᱥ ᱞᱮᱠᱟᱛᱮᱭ ᱧᱩᱛᱩᱢ ᱮᱱᱟ ᱾ ᱥᱤᱡᱟᱨ ᱮ ᱜᱚᱡ ᱛᱟᱭᱚᱢ ᱨᱳᱢ ᱨᱮ ᱠᱷᱚᱢᱚᱛᱟ ᱨᱮᱱᱟᱜ ᱨᱮᱯᱮᱪᱮᱡ ᱮᱦᱚᱵ ᱮᱱᱟ ᱾ ᱢᱟᱨᱠ ᱮᱢᱴᱚᱱᱤ ᱟᱨ ᱞᱮᱯᱤᱫᱩᱥ ᱥᱟᱶ ᱩᱱᱤ ᱫᱚ ᱛᱮᱥᱟᱨ ᱥᱟᱥᱚᱱᱤᱭᱟᱹ ᱞᱮᱠᱟᱛᱮ ᱔᱓ ᱡᱤᱥᱩ ᱡᱟᱱᱟᱢ ᱞᱟᱦᱟ ᱵᱮᱱᱟᱣ ᱨᱩᱣᱟᱹᱲ ᱨᱳᱢᱟᱱ ᱨᱟᱡᱽ ᱥᱟᱥᱚᱱ ᱮ ᱮᱦᱚᱵ ᱮᱫᱼᱟ ᱾ ᱡᱤᱥᱩ ᱡᱟᱱᱟᱢ ᱔᱒ ᱥᱮᱨᱢᱟ ᱞᱟᱦᱟ ᱥᱤᱡᱟᱨ ᱨᱮᱱ ᱜᱚᱜᱚᱡᱤᱡ ᱵᱨᱩᱴᱟᱥ ᱟᱨ ᱠᱟᱥᱤᱣᱥ ᱛᱟᱹᱠᱤᱱ ᱯᱷᱤᱞᱤᱯᱯᱤ ᱨᱮ ᱦᱤᱨᱟᱹᱣ ᱠᱟᱛᱮᱜ ᱚᱠᱛᱟᱵᱷᱤᱭᱟᱱ ᱟᱨ ᱢᱟᱨᱠ ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱵᱟᱨ ᱵᱷᱟᱜᱽ ᱛᱮ ᱠᱤᱱ ᱦᱟᱹᱴᱤᱧ ᱡᱚᱝ ᱟᱱᱟ ᱾ ᱚᱠᱛᱟᱵᱷᱤᱭᱟᱱ ᱫᱚ ᱥᱟᱢᱨᱟᱡᱽᱡᱚ ᱨᱮᱭᱟᱜ ᱯᱩᱪᱷᱤᱢ ᱥᱮᱫ ᱮ ᱧᱟᱢ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱚᱠᱛᱟᱵᱷᱤᱭᱟᱱ ᱫᱚ ᱟᱭᱢᱟ ᱵᱟᱹᱭᱨᱤ ᱠᱚ ᱥᱟᱶ ᱞᱟᱹᱲᱦᱟᱹᱭ ᱠᱟᱛᱮᱫ ᱮ ᱫᱟᱲᱮ ᱤᱫᱤᱭᱮᱱᱟ ᱾ ᱡᱤᱥᱩ ᱡᱟᱱᱟᱢ ᱓᱒ ᱥᱮᱨᱢᱟ ᱞᱟᱦᱟᱨᱮ ᱞᱮᱯᱤᱫᱩᱥ ᱟᱨ ᱓᱑ ᱥᱮᱨᱢᱟ ᱨᱮ ᱫᱚᱚᱱᱴᱚᱱᱤ ᱟᱨᱢᱤᱥᱚᱨ ᱨᱮᱱ ᱨᱟᱱᱤᱠᱞᱤᱣᱚᱯᱮᱴᱨᱟ ᱛᱤᱠᱤᱱ ᱮ ᱦᱟᱨᱟᱣ ᱠᱮᱫ ᱠᱤᱱᱟ ᱾ ᱚᱱᱟ ᱥᱟᱶ ᱜᱨᱤᱠ ᱟᱨ ᱨᱳᱢᱟᱱ ᱨᱮᱱᱟᱜ ᱠᱷᱚᱢᱚᱛᱟᱭ ᱟᱢᱮᱴ ᱠᱮᱫᱼᱟ ᱾ ᱡᱤᱥᱩ ᱡᱟᱱᱟᱢ ᱞᱟᱦᱟ ᱓᱑ ᱠᱷᱚᱱ ᱒᱓ ᱦᱟᱹᱵᱤᱡ ᱫᱚ ᱨᱳᱢᱟᱱ ᱨᱟᱡᱽ ᱨᱮᱱ ᱠᱚᱱᱥᱟᱞ ᱞᱮᱠᱟᱛᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱹᱱ ᱾ ᱒᱗ ᱥᱮᱨᱢᱟ ᱚᱜᱟᱥᱴᱟᱥ ᱩᱯᱟᱫᱷᱤᱭ ᱧᱟᱢ ᱠᱮᱫᱼᱟ ᱾ ᱒᱓ ᱥᱮᱨᱢᱟ ᱨᱮ ᱫᱚ ᱮᱠᱱᱟᱭᱚᱠ ᱢᱟᱱᱚᱛ ᱮ ᱧᱟᱢ ᱠᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱨᱳᱢᱟᱱ ᱥᱟᱢᱨᱟᱡᱽᱡᱚ ᱨᱮᱱᱟᱜ ᱥᱟᱥᱚᱱ ᱵᱮᱵᱚᱥᱛᱷᱟ ᱥᱟᱡᱟᱣ ᱨᱟᱠᱟᱵ ᱮ ᱮᱦᱚᱵ ᱠᱮᱫᱼᱟ ᱾ ᱤᱣᱩᱨᱳᱯ ᱨᱮᱱᱟᱜ ᱟᱭᱢᱟ ᱱᱟᱣᱟ ᱡᱟᱜᱟᱭ ᱡᱤᱛᱠᱟᱹᱨ ᱠᱮᱫᱼᱟ ᱾ ᱜᱚᱡ ᱛᱟᱭᱚᱢ ᱩᱱᱤ ᱫᱚ ᱵᱚᱸᱜᱟ ᱞᱮᱠᱟ ᱠᱚ ᱢᱟᱱᱟᱣ ᱠᱮᱫᱮᱭᱟ ᱾ ᱟᱨ ᱩᱱᱤ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹᱛᱤᱵᱮᱨᱤᱣᱥ ᱟᱜ ᱛᱤ ᱨᱮ ᱨᱳᱢᱟᱱ ᱨᱟᱡᱽ ᱠᱚ ᱞᱟᱫᱮ ᱠᱮᱫᱼᱟ᱾
