Full resolution (JPEG)-On this page / på denna sida -Liber XVII. De animalibus domesticis - Cap. VI. Adhuc de eisdem - Cap. VII. De Canum memoria, fide, docilitate, odoratu, & ferocitate
<< prev. page << föreg. sida << >> nästa sida >> next page >>
Below is theraw OCR textfrom the above scanned image.Do you see an error?Proofread the page now!
Här nedan synsmaskintolkade texten från faksimilbilden ovan.Ser du något fel?Korrekturläs sidan nu!
This page has been proofreadat least once.(diff)(history)
Denna sida har korrekturlästsminst en gång.(skillnad)(historik)
| ex Spira M. D. XLIIII. missam )in suo exercitu, quem maximum ipsi | |
| Cæsari Carolo V. contra Regem Galliarum in auxilium misit, quadringentos homines, | |
| ac totidem canes more gentis torquibus ferreis armatos constituit, dabia relicta | Canes 400. |
| hominum opinione, an ad vigiliam exercitus id fieret, an ad aliquod insigne | |
| stratagema acquirendæ victoriæ simularetur. Quod factum qualecunque fuit, certum | |
| est postea inter illos sublimissimos Principes nunquam defuisse rixas, non a canibus | Rixæ regum Franciæ & Angliæ. |
| his excitatas, sed truculentis consiliariis, & seditiosis susurronibus introductas, & | |
| confirmatas: vbi ipsi supremi Reges delitiæ hominum essent, si totius orbis applausu | |
| ad concordiam redirent, canes Turcicos debellaturi. | |
De Canum memoria, fide, docilitate, | |
odoratu, & ferocitate. | |
CAP. VII. | |
| NVLLI certe animali præter hominem major est memoria. | Memoria canem. |
| Itinera enim quantumuis longa, atque invia, canes diutius | |
| meminere, & hominibus ipsis memorant: veteres quoque | Injurias veteres vlciscuntur canes. |
| injurias, post longum etiam tempus vlciscuntur: dominis | |
| antiquis post absentiam XX. annorum restituti applaudunt. | |
| In Cimbrico bello contra C. Marium pro dominis | |
| suis atrociter pugnavere canes, Cimbrorumque cadavera custodientes, | |
| nunquam abigi potuerunt, sed eadem mira sedulitate | |
| custodiebant: & vt tutius illa a feris, alitibusque | Canes custodiebant cadavera dominorum suorum. |
| defenderent, plaustris illic passim relictis, inferebant: custodiasque inter se partitas | |
| vicissim magna cum diligentia observabant. Canis latratu interfectorem domini | |
| sui in sylva occisi, in vrbem prosecutus, dentibus laniavit: isque crimen confessus | |
| sub torturis, se, sociosque sceleris prodidit, lege interimendos. Canis adhuc alius | |
| scribitur dominum suum longe distantibus famulis insidiose petitum, vsquequo accurrerent, | |
| defendisse. Fides canum in hoc etiam notatur Lysimacho exhibita, quod | Fides canum ignese comburentium. |
| vnus eorum mortuo cadaveri comburendo, facto eiulatu & gemitu, cunctis spectantibus | |
| igni se immisit. Et idem fecisse Hieronis Syracusanorum Regis canem, | |
| Plinius attestatur. Item canis mortuo domino se fame tandium macerat, vt pariter | |
| cum eo moriatur. Canis etiam in Romanis historiis repertus est cibum portare ad | Canis portans cibum ad os patroni defuncti. |
| os defuncti heri, eiusque corpus in Tyberim projectum adnatando sustinere voluisse. | |
| Et hæc Plinius. Docilitas canum hæc est, vt dominum cognoscant, atque ei præ cæteris | |
| applaudant, & odientes eum infestent. Magna rursus eorum alacritas est in venando, | Virtutes canum. |
| vt narium sagacitate ventum, & auram captantes, odore longe venientem feram | |
| præsagiant, ostendant, lustrent vestigia, persequantur, latibula indicent &c. | |
| Caspii canes ferocissimi sunt, quorum sævitia in homines potius, quam | |
| feras exercitatur: & hoc, quia hominum cadaveribus a juventute | |
| aluntur. Generosi canes, teste Plutarcho, non prius arreptam | Canes generosi. |
| mordicus prædam interimunt, quam fatigatam | |
| viribus deficere videant. | |
<< prev. page << föreg. sida << >> nästa sida >> next page >>
