Ту можуть быти податкы з Wikidata, не контролованы авторами статѣ
Ґейб Ло́ґан Ню́ел (рожд. 3. новембря 1962), ищи знамый пуд псевдонімомҐабен, є америцькый бізнісмен. Є презідентом і єдным із заложытілю відеобавкової компаніїValve Corporation.
Нюел уродився у штатіКолорадо, а вырус у варошиДейвіс,Каліфорнія.[1][2] У 1980-ых ходив у Гарвардськый універзітет, айбо го лишив, убы приступити д фірміMicrosoft,[1] де помагав робити пирві верзії операчної сістемыWindows.[3] У1996. годови із колеґомМайком Герінґтоном лишили Microsoft і заложили Valve, фінансувучи розвуй первої бавкы —Half-Life (1998). Герінґтон удыйшов у2000. годови.
Нюел вюг розвуй цифрової платформы дістрібуціїSteam, котра была запущена в2003. годї тай до2011 контроловала булшость рынка стирьханых бавок наПК. На2021, Нюел мав четвирть компанії Valve. Є оціньованый гий єден із майзаможных людий уСША і найзаможный чоловік у відеобавковуй індустрії із власностьов коштувучьов $3.9 міліярда (на 2021). Ун є власником морської дослїдної орґанізації Inkfish тай нейронаучної компанії Starfish Neuroscience.
Нюел уродив ся3.новембря1962. года вКолораді і ходив у старшу серидню ошколу в Дейвізі, Каліфорнія.[1][2] Робив рознощиком ґазет, а май потум телеґрафічным курєром у Western Union.[4] У1980. годї поступив на Гарвард, айбо в1983. годови го перивбідив голова уддїла продажі пуйти із універзітета тай іти робити до Microsoft.[1]
Нюел провюг 13 году у Microsoft гий продюсер первых трьох верзій операчної сістемы Windows.[3] Май потум говорив, што за пирві три місяцї в Microsoft навчив ся булше, гий за цїле ошколованя в Гарвардови — і то была єдна із головных причин, чого ун пуйшов із універзітета.[5]
Пуд куниць1995. года стрїлялкаDoom (1993) удid Software была установлена на булшому числови компютеру у світови, чим нова сістемаWindows 95. Нюел уповів: «[id]… і не продавалися в бовтах — лем через бюлетенні дощкы тай инакі доінтернетні способы. Дїля мене то быв гий удар блискавкы. Microsoft узяли 500 людий команды продавцю, а вся тота компанія мала 12 людий — і зотворила майпошыреноє проґрамноє засобованя у світї. Пудходила револуція».[6] У Microsoft Нюел вюг проєкт переношіняDoom на Windows 95, што помогло зробити Windows ґеймерськов платформов.[7]
НадыхнутыйМайклом Абрашом, котрый лишив Microsoft, убы робити над бавковQuake уid Software, Нюел в рокаши із другым робутником, Майком Герінґтоном,24.августа1996. года лишив Microsoft і заложили відеобавкову компанію Valve.[3][1] Нюел выбрав заложити Valve замість пендзії, бо чув, што робити із «иншыми дїйсно розумными, мотівоваными, соціално орієнтоваными людьми над продуктом, котрый змінит жытя міліону» — то дїля нього «майвеселоє, што лиш мож было робити».[8]
Нюел і Герінґтон самі фінансовали розробку первої бавкы уд Valve — стрїлялкы уд первої особыHalf-Life (1998),[9] котра стала великым успіхом як і миже крітіку, так і в комерційнум планови.[10] Герінґтон лишив компанію в 2000. годови.[9]
Дїля розробкыHalf-Life 2 (2004) Нюел не поклав ниєдного дедлайна і надав «практічно ниограниченый» бюджет, обіцявучи при потрибі фінансовати проєкт власными грошми.[11] У тот час Valve майжек збанкротовала позад судового дїла із компанійовVivendi Games. Дїло помуг кончити стажист, котрый найшов емейл, у котрому Vivendi нищила доказы.[12]
Паралелно Нюел дакулько місяцю робив над Steam — цифровов платформов для розусяжіня бавок.[13] Д 2011 году Steam контроловав уд 50% ід 70% рынка стирьханых ПК бавок і приносив булшость приходка Valve.[14]
На технолоґічнуй конференції в Сіетлови того же года Нюел указав, што майлїпшоє боротися із піратством ни через антіпіратські технолоґії, ай через пропозицію лїпшого сервіса. Ун навюг приклад успіха Steam уРосії, де піратство было дуже пошыреноє.[15]
Нюел бере премію Pioneer 2010 у Game Developers Conference
У 2007 годови Нюел высловив нидоволность розвойом бавок дїля консолю, называвучи розробку дїляPlayStation 3 удSony «трачіньом часа дїля всьых».[16][17] Айбо вже на сценї пуд час головної презентації Sony наE3 2010, ун нагадав за свої спередущі крітікы, удзначив удпертость PlayStation 3 і оголосив портPortal 2 тай заявив, што із пуддержков Steamworks се буде майлїпша верзія дїля хотьякої консоли.[18]
Нюел тоже крітіковав сервіс Xbox Live, называвучи го «катастрофов»[19] тай сістему Windows 8, рахуючи ї угрозов дїля удпертости ПК-ґеймінґа. На конференціїLinuxCon 2013 ун заявив, штоLinux і удпертей проґрамованя — то «будучность ґеймінґа», убвиновав запирті сістеми, гий у Microsoft іApple, у торможіню інновацій позад помалых процесу сертіфікації.
У 2009. годови IGN включив Нюела до списка 100 майвызначных творцю відеобавок всьых часу, кажучи, што «вплыв Valve на дізайн, технолоґії тай індустрію відеобавок практічно нимож оцїнити».[20] У децембрьови 2010 Forbes іменовав го «Імньом, котроє гія знати» — головно позад Steam, котрый мав партнерства із многыми великыми розробниками.[21]
У 2013. годови Нюела было уведено до Залы славы Academy of Interactive Arts & Sciences[22] і нагорожено почиснов премійов BAFTA Fellowship за внесок у відеобавкову індустрію.[23] У октобрї 2017. года Forbes уключив го до списка 100 майзаможных людий США із оцїньованым статком у $5.5 міліарда.[24][25] У децебрьови 2021. года Forbes оцїнив го власность на $3.9 міліарда[25] і пудтвердив, што ун має хоть четвирть компанії Valve.[25] За словами Чарлі Фіша, автораІсторії відеобавок, на 2021 гуд Нюел быв майзаможным чоловіком у відеобавковуй сфері.[1]
Нюел є власником морської дослїдної орґанізації Inkfish.[26] У новембрьови 2022 Inkfish купила Hadal Exploration System — пріватну платформу дїля глубинного пудводного дослїжіня — уд морського дослїдника Віктора Весково.[27] А в 2020. годови Нюел в рокаши із робутником Valve Янном Бернє зотворили команду автомобілных перемаганьThe Heart of Racing дїля збираня гроший на дїтинську милость у Сіетлови тай Новуй Зеландії.[28]
У октобрьови 2017. годаForbes дав Ґейба Нюела у испис 100 майзаможных людий у Споєных Штатах, из оцїнков у приблизно $5.5 міліарда.[29][25] У децембрьови 2021Forbes оцїнив го у $3.9 міліарда[25] і уповів, же ун має не май мало чим четвирть фірмыValve.[25] Подля Чарлі Фіша, автора книжкы „Історія відеобавок“(The History of Video Games), Нюел быв у 2021. годови майзаможным чоловіком у відеоібавковуй індустрії.
У 2024 годовиForbes уповів, же Нюел має 50.1%Valve і має чистої вартости $9.5 міліарда.[30]
Нюел перед тым быв бетежный на дістрофію Фукса — то є уроженый битюг, што вплыват на роговку ока. У 2006 тай 2007[14] зробили му дві пересадкы рогувкы, і ун ся докус вылїчив.
У тот самый динь, коли в рокаши із Майком Герінґтоном заклали компаніюValve, Ґейб женився із Лісов Меннет.[1] Они мали двох сыну.[31] Нарожіня первого сына у кунци 1990-ых году їх надыхнуло на зотворіня фіналного боса уHalf-Life Нігіланта, бо тогды думали, же родити дїтину — то майстрашне, што мож си представити.[32]На 2019 гуд Нюел із Меннет ужек были розвединї.[33]
У 2011. годови Нюел повів, же його любимі відеобавкы —Super Mario 64,Doom і верзія бавкыStar Trek із 1971 года на головному компютерови Burroughs — то была перва бавка, у котру ун бавив.[34]Doom го увірив, же будучность забав — у відеобавках, айSuper Mario 64 му доказала, же бавкы можут быти і умільством.[34]
Нюел быв фанатом серіалаMy Little Pony: Friendship Is Magic.[35][1] Ун записав голосовый пакет до бавкыDota 2 удValve, де із гумором включив свої фразы і фіґлї.
У ґеймерському комюніті Нюел знаный гийGaben (Ґабен), што выходит із його робочої емейл адресы.[36] Сам повів, же старав ся привыкнути до свойої публічної особы: «[Фаны] мене обнимавут, коли стрїтят. А я не є обнімалник, айбо їм то гія. Я быв із дїтьми, коли то стало ся упервоє — дїти то прийняли, а я нє. Они казали: „Няню, прийми то супокуйно.“ І до типирь ся учу уд нашых хосноватілю.»
Нюел быв із цімборами в Новій Зеландії, коли спустила ся пандемія COVID-19, і вырішив лишитися в Оклендови, кідь уж подорожнї убграничіня были знятї.
Гий высловлїня вдякы за гостинность Новуй Зеландії, ун із другыми зорґанізовали дарьмову подїюWe Love Aotearoa із живыми выступами музічных артісту із цїлої крайины. Подїя мала і VR-стенды із бавками уд Valve, гийHalf-Life: Alyx тайThe Lab.[37]
Подїю прийшлося перенести із авґуста на децембирь позадлокдауна, вызваного другов габов COVID-19. Нюел в октобрьови 2020 попросив за резідентство в Новій Зеландії, айбо скоро ся вернув до Сіетла в 2021. годови.[38][39]
_(cropped).jpg)
