Труська — єден из майшыреных видӯв лабораторных пуддослідных звірю̄в при проведеню експериментӯв из цілёв ся дознати як даный ссавиць буде реаґовати на разні препараты, речовины, исскуственно сотворені пуд експеримент условія. Орґанізм труськы дуже уразливый до біолоґічных аґентӯв такых ге бактерії, вірусы и фізичны факторы, того труськы шыроко ся хоснувуть у пробах новоунайденых лікӯв и профілактичных препаратӯв.[2].[3]
Домашня труська — исе одомашненый рӯзновид дикої (европейської) труськы (одомашненый быв доста пӯзно, приблизно у VI сторочови н. е.). Чоловік хоснує труськы и ге домашньых годованикӯв, так и про одержаня выгоды у виді мняса, шкурок и шерсти, и ге пуддослідных звірю̄в при проведеню лабораторных дослідӯв. Екзістує много порӯд трусёк. Галузь скотарьства, занимавуща ся розведенём домашньых трусёк, называть ся труськарьство.
