Мышперхач ессавець. Як иншы ссавцѣ, мать волосы або кожушинку на своем тѣлѣ и е теплокровный. Малое мышперхача кормить ся молоком од своей матери через даколько тыждни по уроджѣню. Мышперхачѣ суть единыссавцѣ, котры знають лѣтати. Крыла мышперхача мають цѣлком подобны кости, як тоты, што суть в рукахчоловѣка, але мають барз довгы персты, а меджи нима натягнута кожа як мембрана.[1]
Научна назва ряда — Chiroptera, входить до него понад 1000 окремых видох.[2]
Назва Chiroptera походить згр.χείρ – cheir рука иπτερόν – pteron крыло — и означать «рука-крыло»[3]
Найменшый мышперхач з родаPipistrellus важить около 5г, а тѣло его лем 4цм довге. Найвекшый мышперхач —калонг(Pteropus vampyrus) жие на островѣЯва, тѣло мать 40цм довге и важить ай понад кило.
Мышпергачѣ ведуть ночный способ живота. Очи им видять так добрѣ, як людскы, але вночи им веце служать уха. Они годны выдаватиултразвук, а их уха приймуть одбитыйсигнал подля принципурадара.[2] Зато годны «видѣти» найменшыинсекты, а то не лем, як суть далеко, але и якым напрямом летять, а пак еден маленькыйPipistrellus за едну ночь пожере аж 3000инсектох.[1]
Дакотры виды мышпергачи кормлять сяовоцинов, цвѣтами, рыбов, жабами, а дакотры и меншыма мышпергачами.[1]
Там де е студена зима а недостаток поживы, мышпергачѣ заходять дозимушного спаня, коли ихметаболизм зойде на минимум, и так перебудуть зиму. Через день мышпергачѣ сплять, на то выберають собѣ тихы мѣста: пещеры, тунелы, подовы просторы, або и зохаблены будинкы. Зберають ся колониями до 40 тысяч екземплары.[2]
Анатомия мышпергачи приспособлена ку их екстравагантным «манѣрам»:[1]
Мышпергачѣ сплять горѣ ногами, завѣшены на галузу, банту, або и просто на поверхню, обвивши ся своима крылами, як покровцьом. У векшиныссавцьох колѣна гнуть ся допереду. Тото было бы гет непрактично про мышпергачи, котры висять на плафонѣ, зато у них ся колѣна гнуть иншак.
Коли так суть завиты, уха ай очи им зоставають вон, и так добрѣ годны реаговати, кедь треба.
То, же висять горѣ ногами, е добрый способ, жебы могли моментално одлетѣти, кедь грозить опасность. Обы могли летѣти, на то потребують розвити крыла. В припадѣ потребы, одразять ся од поверхнѣ, падуть долу головов, а в падѣ розвиють крыла и летять.
Наконець зоставать вопрос, чом же не падуть во снѣ? Их персты на ногах и пазурѣ суть звязаны зоз жилником, котрый ся напинать под вагов висячого тѣла, котра так стягуе их докупы и не давать ся розслабити.
